أسَيـرة "داعـش"

part 36

#أسيرت داعش

#الكاتبه اسينات

تصويت البارت ولتنسون تعلقون بين الفقرات ومتابعه للحساب lrayh1234

بسم الله الرحمن الرحيم 🤍

•~••~•~•~•~•~••~•~••~•••~•~••~•~•~••~•~•
مشهد من البارت السابق لحتى تتذكرون الاحداث

باوعتله اضحك :-كافي ما احب هذني السوالف

كلبت خلقتي وكعدت اكل كام راح واني هم غسلت وكعدت العب بالتلفون الجديد مو مثل القديم ما متعوده علي سديته وكعدت ضايجه حيل ما اعرف شسوي

رحت نمت لليل ما كعدت الا على صوت صرخات نور كمزت بسرعه طلعت جان اشوف ام مصطفى بره وتصيح ونور تصيح ويتعاركن

•~•••~•
ورده

نور ولمياء ام مصطفى يتعاركن ووحده تغلط على الثانيه فتحت عيوني هاي شجابه هنا نوب بكل عين صلفه جايه وهداده تنرفزت حيل فوك ما اني كارهته وكارهه ابنه نوب بكل عين صلفه تجي تطب البيتي ام المشاكل

رحت ركض أصيح وخالتي تسكت بينه منا الجيران واني ما مهتمه لبالك هيج غيمه سوده صارت على عيوني رحت ركض اصرخ واغلط

:-انتي شعدج جايه ها امشي لج شعدج جايه ام الداعش اطلعي بره اطلعي بره بيتي امشي

:-دباع منو اليححي ولج اسكتي ام الضباط ام السحوره اسكتي لا عبالج جايه علمود سواد عيونج

:-منو ام السحوره ها منو لج ماكو غيرج ام السحوره كل يوم ترحين لام تحسين السحاره وتطكين عمي بسحر قابل مندري بيج ها مندري بدروبج تره لمياء نعرفج ونعرف طينتج دروبج متمشي علينه برهه

:-دسكتي ام الضباط ما صدكتي دورتيلج ضابط ولزكتي بي لو كايلتلي جا زوجتج ابني ادري بيج مفلفله على الزواج نفس امج هم ضحكت على ابوج وخلته يزوجه ههه وابوج يبوس التراب التمشي علي امج هههههه هوه صدك على كوله المثل طب الجره على تمها تطلع البنت لامها اي اكول نفس امجن نفس الطينه

حيل انهضمت من تحجي هيج على امي نوب تضحك وتحجي غمضت عيوني حيل ما اريد ابجي قويه ورده قويه ما أتأثر بشي بسيط اقنع نفسي واني ما مصدكه الا امي نقطه ضعفي ما اقبل أحد يحجي عليه

:-امشــيي بره اطلعي من بيتي اطلعي يله امشي

حجيت واباوعله وهيه تباوع الاخته وتضحك

:-ها وصدك أم الضباط اي ههه عاد مو سحوره كل يوم اروح الام تحسين وادك بابه وهم ياريت السحر ناجح افشل من وجهه ابنج العـار مستفى ابو الوصخ