ရှီးဝေက လူအိုကြီးရှီမကြေငြာခင် "ဆန်ကနေ ထမင်း" ပြောင်းရန် ထိုကိစ္စကို တမင်ထုတ်ပြောလိုက်သည်။
(*ကိစ္စတွေကို ပြန်ပြင်လို့ရအောင်၊ လူအိုကြီးရှီ ဆုံးဖြတ်ချက်မပြောင်းအောင် လုပ်တာမျိုးပါ)
လူအိုကြီးရှီမှာ သူမရဲ့ ရည်ရွယ်ချက်ကို အနံ့ခံမိသွားတာကြောင့်၊ ဒေါသထွက်ကာ သူ့မျက်နှာပေါ်တွင် မကျေနပ်သည့် အရိပ်အယောင်များပေါ်လာသည်။
တစ်ချိန်တည်းမှာပင်၊ တိတ်ဆိတ်နေသည့် ဧည့်သည်များမှာ စိတ်ထဲကနေ တုံ့ပြန်လိုက်ကြ၏။
ဒီနေ့ ရှီမိသားစု ဧည့်ခံပွဲကျင်းပရတဲ့ ရည်ရွယ်ချက်က တကယ်ကြီး တတိယသခင်လေးရှီ ကုမ္ပဏီစီမံခွင့် လွှဲပြောင်းရမယ့်ကိစ္စကို ကြေငြာမလို့ပေါ့?
ညီအစ်ကိုနှစ်ယောက် ရောက်ချလာတာ မအံ့ဩတော့ပါဘူး။ သူတို့သုံးယောက်လုံးက ရှီမိသားစုရဲ့ အမည်ခံသခင်လေးတွေပဲလေ။ မိသားစုစီးပွားရေးကို အခြားသူတစ်ဦး လွှဲပြောင်းယူမှာ ဘယ်သူက လက်ပိုက်ကြည့်နေနိုင်မှာလဲ?
ပြီးတော့ အမေတစ်ယောက်တည်းကပဲ မွေးလာကြတာ မဟုတ်ဘူးလေ။
ရှီရှန်းရဲ့ "တရားမ၀င်ကလေး"ဆိုတဲ့ အချက်က မသိမသာ အမှန်တရားဖြစ်လာပေမယ့်၊ အပြင်ပန်းမှာတော့ ကျိုးကြောင်းဆီလျော်တဲ့ အကြောင်းပြချက်ရှိနေရအုံးမယ်မလား?
လူအိုကြီးရှီက ရုတ်တရက်ကြီး ရှီးခယ့်ယွဲ့တစ်ယောက်တည်းကို တာဝန်ယူခွင့်ပေးလိုက်တယ်ပေါ့။ လုံးဝထူးဆန်းနေတယ်လေ!
"ဧည့်ခံပွဲလုပ်ဖို့ တမင်ဒီနေ့ရွေးတာလား? တခြားသူမွေးနေ့သာဆို ကျွန်တော်တို့ညီအစ်ကို ဂရုစိုက်မနေဘူး။ဒါပေမယ့် ခင်ဗျား-"
ဝမ်ရိပေက စင်ပေါ်မှဆင်းလာပြီး ရှီရှန်းဘေးကနေ ဖြတ်လာသည့်အခါ သူ့မျက်လုံးများက အရင်ကနဲ့မတူစွာ အေးစက်နေသည်။ "ခင်ဗျားတို့ရှီမိသားစုက ကျွန်တော့အမေကို အသိအမှတ်ပြုကြသေးရဲ့လား?"
"....."
ရှီရှန်းမှာ ငြိမ်သက်သွားပြီး၊ သူ့စိတ်ထဲတွင် အချိန်နှောင်းမှ အပြစ်ရှိသလို ခံစားသွားရသည်။
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.