အခန်းထဲကထွက်လာပြီး ကိုကို့ကိုလိုက်ရှာပေမဲ့မတွေ့တာမလို့ ကိုကို့အမေကိုလိုက်ရှာရသည်။ အိမ်ရှေ့က စားပွဲခုံမှာချည်ထိုင်ထိုးနေတဲ့ကိုကိုအမေက ချည်ထိုးရတာလည်းဝါသနာပါတယ်ထင်ပါရဲ့။
"မေမေ"
မေမေလို့သာပါးစပ်ကခေါ်လိုက်ရပေမဲ့ စိတ်ထဲနေရတာကမပြေပေ။ ပါးစပ်ကပဲကျင့်သားမရလို့ပဲများလားမသိ..နောက်ကျလို့ခေါ်ပါများရင်တော့ ပြေသွားမည်ထင်ပါတယ်။
"အော် Taehyungလေး..လာထိုင်လေ"
"ဟုတ်ကဲ့"
"မေမေ ဘာထိုးနေတာလဲ"
"ဒီတိုင်းပါပဲ စားပွဲခင်းလေးထိုးနေတာပါ"
ထိုးနေတဲ့လက်က သိုးမွေးအကွက်တွေကိုကြည့်ရတာ အနုစိတ်သေချာထိုးရမည့်ပုံပင်။ Taehyungလည်းအရင်ကထိုးတတ်ချင်လို့ သင်ခဲ့ဖို့လုပ်ပေမဲ့ နောက်ကျမလုပ်တတ်လို့လက်လျှော့လိုက်ရတာပင်။
"သားလည်း ထိုးဖို့လေ့လာသေးတယ်..ဒါပေမဲ့ ခက်လို့မသင်တော့တာ ဟီး"
"လွယ်ပါတယ်..Taehyungလေး သင်ချင်နောက်ကျသင်ပေးမယ်လေ"
"ဟုတ် "
ကိုကိုက အပြင်သွားတာများလားပဲ။ ခုထိအရိပ်အယောင်တောင်မတွေ့ရ။ အပြင်သွားတာတောင် အကြောင်းလာမကြားနိုင်တဲ့ကိုကို့ကို ပိုစိတ်ဆိုးပစ်ချင်မိပေမဲ့ စိတ်ဆိုးရမည့်ကိုကိုက ဘယ်ရောက်နေမှန်းမသိတာမလို့ စိတ်ဆိုးမရပြန်ပေ။ ကိုကိုဘယ်သွားတာလဲကိုတော့ ကိုကိုအမေသိမည်ထင်တာမလို့ ကိုကို့အမေကိုပဲမေးဖို့ဆုံးဖြတ်လိုက်တော့သည်။
"မေမေ..ဟိုဟာလေ..ကိုကိုကဘယ်သွားတာလဲဟင်"
"အော် ... Jinaဆီသွားတာလေ"
"ဗျာ၊? ကိုကို့ရည်းစားဟောင်းJinaလား"
"ဟုတ်တယ်လေ. သားကိုကိုနဲ့Jinaနဲ့က ဘာဇယားအရှုတ်အယှက်မရှိတော့ပါဘူး သားစိတ်ချလို့ရပါတယ်"
ကိုကိုက Jinaဆိုတဲ့ရည်းစားဟောင်းဆီကိုသွားတယ်ဆိုတာသိလိုက်ရတော့ နဂိုကတည်းက သဝန်တိုနေမိတဲ့မီးကပိုလို့တောင်လောင်မြိုက်လာသည်။ ရည်းစားဆိုတဲ့အကန့်တွေမရှိတော့တောင် သဝန်တိုတဲ့စိတ်ကိုတော့ထိန်းချုပ်လို့မရပေ။ လူဆိုတာကိုယ်ချစ်ရသူနဲ့ ချစ်ကြိုက်ဖူးခဲ့တဲ့လူကို အနည်းနဲ့အများတော့ သဝန်တိုတတ်ကြတာပဲလေ။ Taehyungလို ဆယ်ကျော်သက်အရွယ်အချစ်နဲ့စထိတွေ့ဖူးတဲ့ကောင်လေးက သဝန်တိုတယ်ဆိုတာကိုတော့ အပြစ်တင်ဖွယ်ရာမရှိပေ။ ငယ်ရွယ်ချိန်မှာတော့ အချစ်ကိုရုးသွပ်ဖူးကြတာပါပဲလေ။
YOU ARE READING
𝓨𝓮𝓼 𝓞𝓻 𝓨𝓮𝓪𝓱⁽ᶜᵒᵐᵖˡᵉᵗᵉᵈ⁾
Fanfiction"ဘာမှအများကြီးစဥ်းစားမနေနဲ့နော် ကျွန်တော်နဲ့တွဲမယ်ဆိုရင် Yesကိုရွေး... ကျွန်တော်နဲ့ချစ်သူဖြစ်ချင်ရင် Yeahကိုရွေး Yes or Yeah" "Yes နဲ့ Yeahထက် တွဲချင်ရင်ပြောရတဲ့ပိုလေးနက်တဲ့ စကားလုံးရှိရင်ကောင်းမယ်... Taehyung ဒီနေ့ကစပြီးမင်းက ကိုယ့်ရဲ့ချစ်သူပဲ...
