في نور عينيه

البارت السابع عشر

ضرغام : حاركتني يجرحي وصاير رماد بهوى ...

تعبت من صوته الخافت وحنيته
ليش ما جاي اشوف اذيه
لعد عقلي ليشش يصورلي اني بموقف الخطر

رانسي : منو أنت وليش ما جاي تضربني ليش حباب وياي
ليش ما تأذيني نفس أمير وكرار وفريال ليششششش...

ابجي واشهك يريد يلزم ايدي
يهديني وملامحة متخوفة علية

ضرغام : روحي تروحلج فدوة
بس دحكي زين مسحي دموعج شوفيني انه منو...

مسحت عيوني حيل كام يحركني احس بيهن جمر
رفعت الدشداشه من جهة صدري
وإني امسح بعيوني

رانسي : تعبت يا اللهي تعبت الهوسة البعقلي تعبتني...

ضرغام : اصفيها وأخذ التعب منج
بس لا تبجين وتچوين كلبي اعليج....

لمني بحضنة
وإني التناقض البية حاركني عقلي صاير مو الي
ناسية اني منو وناسية حياتي العشتها قبل
نسيت طعم الفرح
الهضمة البيه ما تنجرع

رفعت راسي لوجهه مدري شصارلي
احس عقلي راح يجنني

عفتة ونزلت لجوة اركض
نزل وراي ويصيح لأن ماكو محجر بيت أهل كرار

ضرغام : علكييفج لتنزلين سرريع...

_ نَســـــرة لتنزلين حيل...

دخلت للغرفة وكعدت ورا الباب ابجي
وكف يم الباب يحجي بهدوء

ضرغام : بس اشوفج فتحيلي الباب...

رانسي : اسفة والله اسفة روح...

ضرغام : عاذرج بدون أعذار لا تتعذرين فتحيلي الباب...

سكتت

ضرغام : راح ادفعها كومي لا تتأذين....

كمت من ورا الباب
وفتحتها هيه بدون قفل متنقفل
دنكت راسي واني متندمة

ضرغام : دحكيلي ابوية أنتِ...

راد يتقرب يحضني
ابتعدت

ضرغام : هاهيه بكيفج تعاي غسلي...

هزيت راسي بلا

ضرغام : غسلي حلكج ما لعبت نفسج من الدم؟...

من ذكر الدم كشت روحي
وركضت جنت متناسية
غسلت حلكي حيل واني اشرب ماي واتفل
شمرت مي بوجهي بقسوة
اريد وجهي يبرد

ابتعدت واني انشف بردان الدشداشة

لزم ايدي
ضرغام: مردتي وجهج...

باوعت ع ايدة بيها دم يابس وزركة

رانسي : ايدك...

ضرغام : مابيها شي ...