الطالبه والاستاذ..
زهراء.. كلشي مر بسرعه عيشني احلا ليله بكل حياتي بس ضوجه وخنكه بداخلي..
اهلي شنو نسوني وعاشو حياتهم زين ليش ما صدكوني ليش ما صدكو بحجيي ليش ما خلوني ابررالهم جان هسه كلشي مختلف صح حياتي وي الياس الكل يحسدني عليهه...
بس البنيه تبقى بحاجه اهلهه وبلاخص امهه..
هسه عوفني ما صدكت بكلامي ما تعرف تربيتهه شنو؟؟..
قاطعني تفكيري صوت حبيبي..
الياس.. حبيبي شبيج؟؟..
زهراء.. باوعتله لكيت مكور وجهي وعلى ملامحه القلق والتسأل..
بتسمت بوجع وحزن..
اهلي نسوني مو؟؟؟
باوعلي اخذ نفس وزفره ما ادري ليش حاسه انو هو خافي شي عني بس ما يحجي..
الياس.. كافي لا تفكرين وترجعين للماضي..
زهراء.. نزلت عيوني غمضتهن وحضنته حيلل تنفست براحه وطمانينه يا سبحان الله نفس حضن ابويه بضبط بحضنه يحسسني اني بحضن ابويه...
الياس.. صفنت ارجع بذاكرتي لهذاك اليوم الي يقلقني كلامه..
وصلت لبغداد مريت لاهل زهراء هواي سالوني عليهه بس هذا اخوهه ما مرتاحله ابد وضعه مزري متوتر ومراقب حركاتي وعينه على كلامي ويركز بتركيز تامم..
شكيت بيه طلعت من عدهم ورحت لعنوان بيت عمهم بتسمت وباوعتله..
اهلا يشرفنه استاذ بشيرر التقينه بعد سنوات..
هجمت عليه طلعت الولعه البداخلي كلهه بيه ما تركته يعني الا اكلكم موته..
بس ما اكتفيتت ما اكتفيتت كلما اشوفه اذكر منضرهه وشلون جانت تعاني من وره هلكو....
كمت ما اشوف دربي لحد ما بعدوني عنه ركبت سيارتي ورحت للمكان المطلوب..
نزلت خليت المسدس بخصري..
باوعت بلوجوه...
.. اهلا وسهلا صار هواي ما ملتقين..
باوعت الهم متوترين ضحكت..
.. راح اكول الكم بس شغله تسوهه اسد حلكي واستر عليكم ما تطلع مني كلمه اما ما سويتوهه فاا مكانكم يكون السجن وسيرتكم على كل لسان..
.. يي كولل ابشرر..
الياس.. بعد شوي راح تجيكم صوره صاحب صوره تخطفوه وجيبو لهل عنوان وبعدين نكمل تفاصيلل..
اكو اعتراض؟؟
.. لاا لاا ماكوو ابشرر..
رجعت للبصره تقريبا غوربت دنيه توضيت وصليت بلغتهم وبلغت المدير انو ما اكدر اجي وصارتلي روحه لبغداد..
التقيت ويه اسر خبرته بلموضوع طلبت يبحث عنه واريد اصغر تفصيل عنه..
هو هم ما قصر..
رجعت لبغداد ضليت افتر لحد ما تممو المهمه..
