"الطالبه و الاستاذ"

20..

الطالبه والاستاذ..

حور..  كعدت ويه صلاه صبح كمت بلكوه اجر بروحي جرر بعدني نعسانه اريد انام ماريد اشوف شلون يبجون والوجوه متشائمه...

رحت غسلت فرشت سناني غسلت جسمي وتوضيت وصليت كعدت اراجع للامتحان   اسمع صوت زلم  بس خفيف معقوله بعدهم لهسه كاعدينن..

  كمت طلعت  صبحت على بيبي  وعمتي  مرت عمي فؤاد   بمجرد شوفتهن شلون ضايجين ومتشائمين ضجتت ونسدت نفسي دموع صارت بطرف عيني على حياتي المتشائمه..

وعيت على دنيه ببنات وحده تتحرش بثانيه  هلوضع خلاني اكره اروح للمدرسه واشوف وجوهتهن.اضل اتقيئ مرات اشوف بقع دم  واشوفهن شلون وحد لازمه ثانيه تشمئز نفسي واكضيهه اتقيئ ودوخه تلزمني..

هو صوجي انا ما سجلت   بلمدرسه الي بمنطقتنه لاا توسلت بيهم اروح لذيج لمدرسه لانو ما متفوقين بس بعيده ساعه ونص بسياره يله اوصل وصحراءء وبيوت متروكه..

حرفيا المنطقه تخوف..

سويت ريوك وصعدت لزهراء لكيته جاي تصلي ودمعه بطرف عينها   خلصت صبحت عليهه جبرتهه تاكل اكلت ورجعت نامت شفت ساعه  6وربع كمت نزلت لبست  سدريه لون اسود
وقميص ابيض  ومقنعه لون اسود   وفوكاه مثل اليلك  فالينه  لون اسود  رشيت عطر   سحبت جنطتي  ونزلت..

كعدت كبال ديوان البس بحذائي نفتح الباب صار بوجهي ووراه  اخوي ذو الفقار..

  دنكت البس بلحذاء وصبحت    كمت رفعت حاجب خزرني وحجيت..

خويه توديني للمدرسه خل امتحن وارجع..

هو نط..  خويه اني راح اوصلها  بطريقي..

ذو الفقار اشكرك خويه  يا ريت ترجعهه وياك نعرفك ونعرف تربيتك واصلك شنو  اسلمك الامانه..

..  راح اصون الامانه وارجعها لصاحبهه لا توصي خويه حريص..

توادعو  رجع خزرني واشرلي بسويج  طلعت كدامه ضايجه الا هووو..

صعدت لوره زمخ بيه..

..  شنوو انيي سايقج الخاص عيني متصعدين بصدر لو ابززز بيه جرب وما ادري؟..

حور..  بدينه برحمه الله نزلت وصعدت بصدر  باوعلي من فوك لجوه عاكد حواجبه ورافع حاجب الايمن..

..  مو جنه سدريتج ضيكه؟؟؟؟

حور..  لااا مو ضيكه  زينه رمقني بنضره بلعت ريك  شغل سياره وشخطها بسرعه  كمت اتنفس سريع خربب يومك..

فدوه خفف سرعه اخافف  باوعلي بطرف عينه وكال تأمرين وزاد سرعه كمت اتنفس سريع
فدوهه خفف السرعه...

مسمعلي  لحضات ووكف سياره خزرني   الحزام فليي  مخلي سدريه ضيكه عليج ولو انتي ما يحتاج ينعرف انتي شنو من مله مدري عليمن طالعه..