.. الطالبه و الاستاذ.
للكاتبه زهره ..
..
الياس.. لصلاه المغرب كعدت كمت رحت غسلت وجهي وتوضيت صليت ورجعت لبست الزي العربي غير لفيت جراويه على راسي سحبت السبحه ونضارات السود اخذت سويج مال سياره ورشيت عطر ونزلت..
.. مساء الخير للكل..
.. مساء النور..
الجده فضه.. تعال يوليدي تعال يبو طول الحلو ليوم ما شفتك....
الياس.. بست راسهه شلونج يلغاليه اذا انتي زينه اني زين..
الجده فضه.. يا بعد روحي يالياس..
الياس.. كعدت يمهه شوي وترخصت رحت اخذت سياره خليت بانزين وخليتهه يجيكونهه بنص طريق ودك ابوي..
.. هلا يابه شلونك.. اي يابه لاا لا اني بطريق وراجع.. هاا امي تروح ويانه.. علمود صديقتهه ما شايفتهه من زمان.. ايي لكان خليهه تجهز نفسهه قابل تاخذ اذني.. ههههه لا يابه غير الاذن منك.. هههه يله انه شوي واكون بلباب.. تمام هلا..
صفيت السياره ونزلت طبيت سلمت وكعدت شوي ودعت الي بلبيت ورحت صعدت بسياره..
تصلت على أسر من اول رنه رد..
أسر.. هلا بلغالي هلا برويحتي شلونك يابه ا...
الياس.. زين الحمدالله اسوري انته شلونك يلغالي.الاهل شلونهم..
أسر.. اني بخير اذا انته بخير زينين الحمدالله جدي محسن شلونه عمامي الباقين شلونهم انشألله بخير وما يكون صايبهم شي..
الياس.. لا يابه زينين الحمدالله.زينين يسلمون عليك..
أسر.. الله يسلمك عيني..
الياس.. أسر اني طالع لبغداد..
أسر.. ها ليش انته مو من عوايدك سفر وخاصتاً بهلمده..
الياس.. والله صارت كعده عشائريه ببغداد وجدي اصر انو اني اروح..
أسر.. توصل بسلامه اليااسوو..
الياس.. ولكك أسرر موو كتلك لتكوليي الياسوو..
أسر.. ااوي عيني جا اني غيرر مرتك واليي حق بأي دلع يجي على بالي شنو حبيبي مععجبك..
الياس.. هههههههه ولكك اسوريي ارركدد لاا تخليني اعصب..
أسر.. لا عيني لاا بس لا تعصب..
الياس.. هههههههه يله اني اروح الله وياك أسر ورانه طريق..
أسر.. توصل بسلامه حبيبي الغالي سلملي عل غوالي..
الياس.. يوصل حبيبي الله وياك الله وياك. سديت الخط ورحت ركبت بسياره..
الجد محسن.. صاير شي الياس ليش هيج طولت..
الياس.. لا جدي ما صاير شي جنت احجي ويه اسر يسلم عليكم..
الكل.. الله يسلمك..
