"မအံသြပါဘူး..မင်းကိုငါကဒီတိုင်းလွှတ်ထားတာများထင်နေလား..မျက်လုံးဒေါက်ထောက်ပြီသေချာလိုက်စောင့်ကြည့်နေတာနော်"
"အဲ့ဒီလိုလား.. ငါ့ရဲ့Sunghoonလေးက ငါ့ကိုသိပ်ဂရုစိုက်တာပဲ..ချစ်လွန်းလို့ အာဘွားလေးပေးချင်လို့ လာပါအုံး"
အာဘွားပေးမယ်ဆိုပြီး အနားကိုအတင်းတိုးလာတဲ့ Kim Taehyungကို မနည်းတွန်းထုတ်လိုက်ရသည်။ တကယ်ကြီးအနမ်းပေးမလို့များလားပဲ..နှုတ်ခမ်းကြီးဆူပြီး လူနားအရမ်းတိုးကပ်လာတာပင်။ ရည်းစားတောင်မထားဖူးတဲ့လူပျိုနုနုထွတ်လေး Park Sunghoonက အာဘွားတောင်အပေးမခံနိုင်ပေ။
"လာမပေးနဲ့နော် မင်းဘဲကြီးသာ မင်းသွားပေး"
"အာဘွားပေးခံရမှာတောင် တွန့်တိုနေတယ်"
"ဒါနဲ့ ဆရာJungkookက မင်းကိုအလိုရောလိုက်ရဲ့လား"
"လိုက်သာမှလွန်ပါလေရော..Taehyungလေးစိတ်တိုင်းကျဆိုပြီး ဖူးဖူးမှုတ်ထားတာနော်...ရေခဲမုန့်လည်းဝယ်ကျွေးတယ်..ငါနဲ့စကားအကြာကြီးပြောရအောင်လို့လည်း ကားနဲ့မပြန်ဘဲ ငါနဲ့အတူတူလမ်းလျှောက်-"
"ရားး တော်ပါတော့ အလိုလိုက်တယ်ဆို အလိုလိုက်တယ်ပေါ့ ဘာလို့လာပြီးအသေးစိတ်လာပြောပြနေတာလဲလို့"
ဆရာJungkookက အလိုလိုက်တဲ့အကြောင်းအရင်းကို အသေးစိတ်ကနုတ်ပြသလိုရှင်းပြတော့မဲ့ Kim Taehyungကြောင့် နားနှစ်ဖက်ကိုပိတ်ပြီး အော်လိုက်ရသည်။ရည်းစားမရှိတဲ့ဘဝက ခံပြင်းလှတယ်။
"မင်းကလည်း အဲ့လိုမဟုတ်ပါဘူး..ငါကမင်းမေးတာကိုဖြေတာအရှိန်လွန်သွားရုံပါပဲ"
"အော် အေးပါ ..ငါပဲလက်လျှော့မိပါတယ်"
"ဒါနဲ့ မနက်ဖြန်မင်းတို့Seoulကို ပြန်ၔတော့မှာနော်"
"အေး ..မနေ့ကရယ်ဒီနေ့ရယ်မနက်ဖြန်ရယ် သုံးရက်ပြည့်သွားပြီပဲ..မပြန်ချင်သေးဘူးကွာ.."
အိပ်ယာပေါ်ကို လှဲပြီးသက်ပြင်းတွေချပြီးရင်းချနေတဲ့Sunghoonကိုဖြစ်နိုင်ရင် ခေါ်ထားလိုက်ချင်ပါရဲ့။ ခရီးထွက်တာက ၃ရက်ခရီးလေးနဲ့ပျော်ရတာကတကယ်မလုံလောက်ပါလေ။ ခုတည်းနေတဲ့နေရာက ပင်လယ်နဲ့လည်းသိပ်မဝေးတော့ ပိုသာယာတော့ နေရာတာပိုပျော်ဖို့ကောင်းသည်။
YOU ARE READING
𝓨𝓮𝓼 𝓞𝓻 𝓨𝓮𝓪𝓱⁽ᶜᵒᵐᵖˡᵉᵗᵉᵈ⁾
Fanfiction"ဘာမှအများကြီးစဥ်းစားမနေနဲ့နော် ကျွန်တော်နဲ့တွဲမယ်ဆိုရင် Yesကိုရွေး... ကျွန်တော်နဲ့ချစ်သူဖြစ်ချင်ရင် Yeahကိုရွေး Yes or Yeah" "Yes နဲ့ Yeahထက် တွဲချင်ရင်ပြောရတဲ့ပိုလေးနက်တဲ့ စကားလုံးရှိရင်ကောင်းမယ်... Taehyung ဒီနေ့ကစပြီးမင်းက ကိုယ့်ရဲ့ချစ်သူပဲ...