I love you first [PSH x KSN]

YOU ARE READING

Fanfiction

In which Kim Sunoo has been nurturing his one sided love for Park Sunghoon for 11 years... 🥀 Title : I love you first Written in : Burmese Pair : Park Sunghoon x Kim Sunoo Genre : light angst Start Date : Nov 13, 2022 End Date : Nov 29, 2022...

#confessions #denial #feelings #kimsunoo #lightangst #parksunghoon #sunsun #unrequitedlove

7.1

Start from the beginning

by psh_fever

ဆောင်းဟွန်း တကယ်ပဲ ဆောနူရဲ့တကူးတကဂရုစိုက်တတ်တာလေးတွေကို တောင့်တမိတယ်။ သူတစ်ယောက်ထဲအပေါ်မှာ ပြုမူတဲ့အမူအရာလေးတွေလေ..

ဆောင်းဟွန်း သက်မပြင်းပြင်း ချလိုက်မိတော့တယ်။

ဘာလို့ ဗလာသပ်သပ် နေရာလွတ်တစ်ခုကိုကြည့်ရင်း ဒီတိုင်းရပ်နေမိတယ်မသိပါဘူး။

ဂျေး သူ့ပုခုံးပေါ် လက်တွေလာတင်တာကို ခံစားလိုက်မိတယ်။

"အဆင်ပြေရဲ့လား.."

"ငါ့ကိုမေးမယ့်အစား မင်းညီကိုသွားမေးပါလား ဂျေးရာ"
ဆောနူ သူ့ကို ခွင့်လွှတ်နိုင်ပါဦးမလား... သူလည်း မသိတော့ပါဘူး။ ဆောနူကို ဒီလောက်ထိတောင် နာကျင်စေခဲ့ပြီးပြီပဲ။

"သူ့ထက် မင်းက နှစ်သိမ့်ပေးဖို့ ပိုလိုနေတာ"

ဆောင်းဟွန်းက ဒီလိုနှစ်သိမ့်ခံရဖို့ ထိုက်တန်တယ် မထင်ပါဘူး။ ဂျေးကို ပြောပြချင်မိတယ်။

"ဟျောင်း လိုက်မသွားဘူးလား"

ဆောင်းဟွန်းနဲ့ဂျေး နီကီကိုကြည့်လိုက်မိတယ်။ နီကီ ဒီမှာရှိနေသေးမှန်း သူတို့တကယ်ပဲ ခဏလောက်မေ့သွားတယ်။ ဆောင်းဟွန်း နောက်တကြိမ် သက်ပြင်းချမိပြန်တယ်။

"ဟျောင်းလိုက်သွားသင့်တယ်မထင်ပါဘူး။ နီကီ မင်းကတော့ သွားကြည့်သင့်တယ်ထင်တယ်"

"ကျွန်တော်က ဘာလို့သွားကြည့်ရမှာလဲ။ ဆောနူဟျောင်းက ကျွန်တော့်ကို လိုမှမလိုတာ"

"ကိုယ့်ကိုလည်း မလိုပါဘူးကွာ။ နောက်ထပ်လည်း လိုအပ်တော့မှာမဟုတ်ဘူး။ မင်းဖွင့်ပြောနေတာကို ဝင်နှောင့်ယှက်မိတဲ့အတွက် တောင်းပန်ပါတယ်။ ကိုယ် တကယ့်ကို လူမှုရေးမသိတတ်တဲ့လူ ဖြစ်သွားတာပဲ"

သူ့ပုခုံးပေါ်က ဂျေးလက်တွေကို ဖယ်လိုက်မိတယ်။ လက်ရှိမှာ သူလုပ်နိုင်တဲ့အရာလည်း မရှိတော့ပါ..။

"ရပါတယ်။ ဟျောင်းတို့က ကျွန်တော်ပြောနေတာ ပြီးတော့မယ့်အချိန်မှာ ရောက်လာတာ။ ဘာနေနေ မနက်ဖြန်တော့ အဆင်ပြေပြေ ဖွင့်ပြောနိုင်လောက်ပါတယ်"

ဂျေးဟာ ဒါသူ့ဘဝတလျှောက်လုံးမှာ အလျင်မြန်ဆုံးအပြောင်းအလဲလို့ ထင်လိုက်မိတယ်။
နီကီကို မျက်လုံးကြီးပြူးပြီး ကြည့်လိုက်တယ်။ ပြီးတော့ ဆောင်းဟွန်းကို ကြည့်မိပြန်တယ်။ ဆောင်းဟွန်းဆီက ထွက်ပေါ်လာတဲ့ အားပြိုင်တဲ့အရှိန်အဝါက ဘယ်လောက်တောင် ပြင်းသလဲဆိုရင် မေးရိုးတွေပါထင်းထွက်လာတဲ့အထိ အံကြိတ်ထားတာကို တွေးလိုက်ရတယ်။