حيفا

part 7

كعدت بنص الشارع ابجي لان عرفت فاطمه مراح ترجع كعدت مثل طفل فاقد أمه بجيت ونهاريت وجان وقت غروب كمت وعيوني متروسات دمع اريد اكوم ادور ملابسي انترست تراب

بلشت ادور مراكز شرطه مستشفيات شوارع حته صالونات رحت بس ما لكيت فاطمه رجعت كعدت بالكاع وابجي ونهار

امي راحت بانفجار وفاطمه نفقدت وهذه الي راح يضل عايش بالعراق راح تفقد شخص شخص كدام عيونك وتضل كاعد تنتضر يجيك الدور

رجعت للبيت ادور صوره الفاطمه راح اطبعها واضل انشر بيه عسى ولعل وانا ادري كلشي ما الكه

***
متاكد تريد تروح

وراث : اي متاكد

حر : براحتك ؛ بس كلش تعودت عليك تدري

وراث : الجايات هواي

حر : راح اشتاقلك

وراث : يلا مع السلامه

حر : لله وياك

كل هل العبارات ما حركت ولا شويه من مشاعره ولا هزت من عنده شعر ومن كعد يمي اسبوع جان جامد عباره عن كتلت ثلج ما حسيت بي

بس مو مشكله يجوز هذه طبعا وما يكسر اله على الناس الي يعرفهم

بس انا اقنع منو اقنع نفسي ولا منو الولد جامد مجان عاجبه يجاملك أجيت وخليته ابيتك كلش ماله داعي

***
حسيت بشعور سعيد محد يكدر يوصفه ردت احضن كل الي بالشارع أحله اسبوع بحياتي حب واهتمام مو طبيعي بنص هذا الفرح تذكرت كميه الخوف والرهبا الي جنت عايشه

اول حب منتضر جان شخص حقير استغلالي الحد الان مجاي احس بثقه اتجاها اي احد كميه الرعب الي عشتها

اتذكر لمن جان يريد يدخل السجينه بعيني بحجه غيران وكميه الضرب الي اخذها منا خوف ورعب مستحيل اكدر اشرحا

اعرف بحر يحبني بس كلش خايف خايف خوف مو طبيعي ما اريد الي ويه منتضر ينعاد عليه

تذكرت كلمه حر تعودت عليك اول مره واحد يكلي تعودت عليك حسيت بكميه الحب بس نفس الوقت الخوف جان لاعب دور

***
طلعت انا ويه سالار جانت طلعه رسميه كلش ما جان اكو حيز للحب والعاطفة

سالار : عادي أسألك سؤال شخصي ولو يعني

خضر : لا افا عليك أخذ راحتك

سالار : خضر انت متزوج لو عندك علاقه

خضر : اي متزوج وعندي اثنين اطفال