عشق طفله

البارت(50) عشق_طفله الكاتب#احمد

❤️
#عشق_طفلة
بقلم #احمد
البارت_50
.
.
رحت اني جبت لحم للغدا لان مستحيل نخليهم يروحون بدون غدا الساعة صارت 9:30 اجو محمد وعمو ووياهم 2 زلم كبار والنسوان ام فهد والاطفال ليندا ههههههههه
.
.
ليندا: رحنا على اهل غضب اني مو حابة اروح بس لان محمد گال وهم لخاطر حسن ومحمد احس يريد يسوي هيج لسبب فگلت اروح ونشوف تاليتها
.
.
اجو ثنين من العشيرة ويانا ركبو مع عمي واني وعمتي ويا محمد دخلو الرجال بالبداية واحنا وراهم اني صرت اخر وحدة غضب جان بالحوش
.
.
استقبلنا استقبال كلش حلو ومن وصل لعندي گال راح اجي للمطبخ استقبلج ابتسمت على خبالو ودخلت داخل اني وعمتي هناء استقبلتنا ام اية وابتسام واية جانن بالمطبخ دخلنا سلمنا عليهن ورحنا للصالة عالحجية سلمنا عليها ردها طبيعي لا حلو ولا سيئ ترخصت منهن ورحت للمطبخ وتركت عمتي تحجي وياهن
.
.
ليندا: تحتاجن مساعدة
ابتسام: لا حبيبتي ارتاحي
اية: لا بسومة شنو ترتاح خلي تشتغل
.
.
ابتسام: اگلج ام عطوب شو انتي واخوج ماعندكم احترام ابد
حسن: ها ها بسومة شو صايرة مثل رجلج
ابتسام: ههههههه تروح لو بالجفجير
.
.
حسن: رايح يابة رايح وانتي لج فصعونة شلونج
ليندا: انت فصعون
حسن: اي يابة معلمج غضب
.
.
ليندا: شفت غضب دخل وحسن واگف يضحك وما منتبه گلتلو .. شبيه زوجي تروحلو فدوة
.
.
حسن: دطيري انتي وزوجج ثنينكم ما اشوفكم بعين وحدة
ليندا: مسكو غضب من علباه هي ضربة وهي مسكة
غضب: لك زمال تارك الناس الي جاية تسلم عليك وواگف هنا مثل النسوان
.
.
حسن: دخيل ربك شبيك مو الف مرة گايلك لا ابو الطگة
غضب: يلا ولك عيب من الرجال الموجدين
ليندا: غضوبي اية هم صايرة مثل حسن
اية: لا لا عمي ما دخلني اني هههههههه
.
.
غضب: ديري بالج يورطج اخوج ترا اخلي ليندا تستفرد بيج
اية: لا يابة كلشي الا انت وزوجتك المخبلة
ليندا: كفختها على علباها
.
.
اية: اخ يابة وربي ما تنلام حسن ابو الطگة يحرگ
غضب: عفية بام عذاب هههههه
ليندا: راحو حسن وغضب واني بقيت احجي ويا اية وابتسام ونتشاقة اني واية
.
.
ابتسام: صدگ للوش باجر تجي نرجس
ليندا: الله عليج
ابتسام: اي والله
.
.
ليندا: وربي مشتاقتلها هواي
ابتسام: تعالي شوفيها
ليندا: ماگدر اذا بقت هنا واجيتو علينا جيبوها وياكم
.
.
ابتسام: الله كريم
ليندا: صدگ فرح دا تجي
اية: بانزعاج .. لا اخر مرة اجت من جنتو ببغداد ومن شافت الكل استقبلوها بوجه ناشف ما اجت
.
.
ليندا: الله يصلحها
اية: الله لا يصلحها ورطتني وياها بافكارها السودة
ليندا: مو المهم الي سويتيه المهم تكونين تعلمتي الدرس
.
.
اية: الله وكيلج تعلمت خوش تعلوم وكل ما اتذكر اكره نفسي لان مشيت وياها ونزلت راس اهلي
ليندا: لا الحمدلله انتي غلطج خفيف وينغفر والعتب مو عليج عليها هي الجبيرة والعاقلة
.
.
اية: وجع لازم اني مخبلة
ليندا: حشى المخبلة عنج
اية:  يااااااا هاي اني
.
.
ليندا: هههههههه ما دخلني غضب علمني عليها
اية: بسيطة الج انتي وزوجج غضوبي
.
.
ليندا: كملنا حجي ومن صار وقت الغدا ساعدتهن بتحظير الغدا وغضب وابوه مو مخلين محمد وعمي والي وياهم يروحون قبل الغدا
.
.
من جهزنا الغدا اجو غضب وحسين اخذو الهم وراحو وحطينا النا احنا النسوان بالصالة وانشغل بالي على عمتي بس لا تكون ام غضب غاثتها لان اذا مسويتها ما اسكتلها لو اعرف يذبحوني
.
.
مشكلتها وياي عمتي ما دخلها هي خطية شايفة الضيم من رحنا للصالة ركزت عليها شفتها طبيعية مو مبينة ضايجة تنفست براحة وساعدتهن
.
.
ام غضب طول الغدا ما حجت كلمة تغث وحجيها قليل گلت هيج احسن خلي تخلص الزيارة على خير من خلصنا الغدا بقيت بالصالة
.
.
الحجية: شباقيلج وتكملين تجهيز ليندا
ليندا: ما جهزت بعد عمتي هو اول مرة نريد نروح تصوب حسن
الحجية: حاولو تكملوها بسرعة التأخير مو زين
.
.
ليندا: إن شاء الله هو بيتنا هناك كامل بس اجهز كم شغلة ونسوي العرس إن شاء الله
.
.
غضب: اخذت حسن وياي سلم على الرجال وكعد بالاستقبال ولان هو مصوب وحسين اكبر مني صار تقديم الجاي والكهوة علي وحسن الزمال گاعد وكل شوية يأشرلي بعينو عود انت تخدم واني گاعد
.
.
تركتو وكملت الضيافة اجو كم واحد من الجيران هم سلمو على حسن وكل ما احد يسمع ان هو انقذ محمد يشجعو ويگول عاشت ايدك بقو شوية وراحو طلعت وياهم
.
.
الجار: هو هذا نسيبك محمد
غضب: اي ليش
الجار: مشاء الله شلون رزانة يستاهل يكون شيخ
.
.
غضب: اي والله
الجار: يلا حبيبي في امان الله
غضب: الله وياك حبيبي
.
.
راح ورجعت اني للاستقبال گعدت يم حسن قرب راسو بدون ما احد ينتبه وگلي صب جاي لعمك حسن اني فريت ايدي من ورا ظهرو ومسكت علباه وعصرت ايدي بقوة
.
.
تورط لا يگدر يسوي شي كدامهم ولا يگدر يبعد عني لحد ما وجهو صار اصفر من الوجع وتركتو نزل راسو وگوة كاتم الضحكة شگد ما يترزل وينضرب يزيد بلاه
.
.
من صار وقت الغدا يگلي روح جيب غدا مو تبقى گاعد گلتلو من يروحون اقرا الفاتحة على نفسك وتشاهد من هسا
.
.
بعد الغدا والجايات ترخصو وگامو انطينا خبر لام فهد وليندا واجن طلعو وطلعنا وياهم اني وابوي وحسن وحسين
حسن: اگلك عمي شنو هاي الورقة على سيارتك
.
.
ليندا: من گال هيج كلنا انتبهنا محمد جان قريب من الورقة اخذها جان ضرف وبيه ورقة بس الي ما توقعتو طلع طلقة من الضرف محمد ومن شفتها وجهي صار اصفر من الخوف
.
.
محمد قرا الرسالة وغضب تقدم عليه اخذ الورقة من محمد وقراها ويبتسم من شفتو ابتسم ارتاحيت لان مبين مقلب
.
.
الحجي: شنو القصة غضب
غضب: ماكو شي حجي
محمد: يا ماكو شي حجي منطين غضب مهلة اسبوع اذا ما يترك شغو يقتلونو
.
.
الحجي: شنوووو ومنو هم
محمد: مو مبين
.
.
ليندا: من سمعت محمد احس رجليني صارن خيوط من الخوف والي صدمني غضب ما مهتم ولا كأنو گاللهم .. اني اترخص ويريد يروح وسحبو محمد
.
.
محمد: وين رايح انت كل عقلك تحجي
غضب: هاي شبيك محمد قابل اني جاهل لو مرة واخاف
محمد: عالقليلة گوللنا اذا عندك اعداء لو شاك باحد
.
.
غضب: حتى ابوي يمكن عدوي ليش باقي احد يحبني الله وكيلك شگد ما عذبت نواقيص ما بقى احد يحبني والي راد يقتلك اجاه الدور
.
.
ليندا: تركنا وركب سيارتو وراح ولا كأنو مهددينو محمد صار احمر من العصبية اني ماعرف شسوي لا غضب  يقتنع ولا اني اگدر اشوف احد يهددو وابقى ساكتة
.
.
اذا يصير بيه شي اموت والله اجى محمد گاللنا اصعدو بعصبية وصعدنا ورحنا للبيت وبالطريق حجيت ويا محمد
.
.
ليندا: محمد الله يخليك احجي وياه لا يصير وياه شي
محمد: ليش رجلج يقتنع
ليندا: حاول بلكي يقتنع
.
.
هناء: يا اما يترك الشغل يا اما يكشف الي حطلو التهديد
محمد: هسا اوديكن للبيت واروحلو
.
.
ليندا: يا الله ما راح تتركنا هالمصايب
محمد: توكلي بالله
ليندا: ونعم الوكيل
.
.
رحنا للبيت محمد نزلنا وراح فورا على غضب اني اتصلت عليه گلت بلكي اگدر اقنعو
.
.
غضب: الو
ليندا: غضب الله يخليك اسمع مني
غضب: ليندا ما اترك شغلي لو تنگلب الدنيا
.
.
ليندا: واذا صارلك شي اني منو الي ما لحگت افرح بيك
غضب: مايصير شي حبيبي لو بيهم زلمة واحد جان اجو گالولي وجه لوجه
.
.
ليندا:  ولان مو زلم اني خايفة عليك لان بهالحالة راح يغدروك
غضب: ماكو شي بنيتي يومين واسحلهم سحل هم وشكو واحد يطلع وراهم
.
.
ليندا: ليش تعاند
غضب: بنفاذ صبر .. ليندااااا
.
.
ليندا: ببجية .. لا تفكير بانانية اني شنو ذنبي تكسرني وتدمر حياتي ما فكرت لحضة وحدة شنو يصير بي اذا سوولك شي وربي اموت بمكاني لو اتخبل ومايبقى عقل براسي
.
.
غضب: ليندا اني مو جبان علمود اسوي هالشي اموت الف مرة ويگولون سبع ولا ابقى عايش ويگولون جبان وهسا اريد احقق ويا الي صوب محمد
.
.
ليندا:  سكرت منو وكضيتها بجي صحيح وياه حق مو سهلة ينگال عنو جبان وبالاخص بمجتمع العراق يبقى هالشي يلحگو لاحفاد احفادو بس بنفس الوقت اني ماكدر اتقبل فكرة انو يتركني او يصيرلو شي لا قدر الله
.
.
غضب: سكرت منها واني ضايج لا اگدر اترك الشغل وتلحگني كلمة جبان ولا اريد اكسر گلبها وبالنسبة الي اموت لو اعيش واحد عندي
.
.
الي خايف منو هو عذاب ربي اذا كنت مقصر فقط ولا الباقي ما مهتملو قبل ما احقق ويا الصوب حسن دخل محمد علي للمكتب
.
.
محمد: السلام عليكم
غضب: هلا محمد تفضل
محمد: غضب اني مو جاي اگلك اترك الشغل جاي اكلك كون حذر وخلينا نحاول نوكعهم قبل ما يوگعوك
..
غضب: وشلون نوگعهم
محمد: اول شي حط كامرة بسيارتك بس حط من الصغيرة علمود ما تكون واضحة واذا تحط اكثر من وحدة باتجاهات مختلفة بعد احسن
.
.
غضب: وبعد
محمد: اكيد راح يدزولك تهديد ثاني فانتظر وحاول هالفترة تكون حذر ولا تطلع خارج العمارة
.
.
غضب: خوش فكرة
محمد: روح طبقها فورا
غضب: هسا لازم احقق ويا هذا الي صوب حسن
.
.
محمد: هذا لاحگ عليه بس سوي الشي الضروري بالاول وروح انصب كامرات بالسيارة
.
.
غضب: تمام .. وانت راح تروح ويا تحسين تحقق ويا هذا بس ممنوع تستعمل وياه اسلوب الضرب لان انت مدني
محمد: تمام
.
.
غضب: طلعت وصيت تحسين ياخذ محمد يحقق وياه بس بدون ما احد يعرف لان تعتبر مخالفة للقانون وطلعت من المركز رحت ركبت كامرات ورجعت لگيت محمد مطلع كل المعلومات منو
.
.
غضب: شيگول
محمد: بعد مارحت انت جابو تحسين بغرفة التحقيق وجانت اني موجود
.
.
الولد: شيخ محمد
محمد: هلا والله بالسبع تعال احجيلي كلشي
الولد: ماعندي شي احجيه
.
.
محمد: شوف گدامك اختيارين انت مسجون مسجون فيا اما تحجي كلشي بدون تعذيب يا اما تتعذب تعذيب مال حمير وبالاخير غصب عنك تعترف
.
.
الولد: اني حاولت اقتلك لان انت ما تستاهل تكون شيخنا
محمد: وشلون استنتجت هالشي
الولد: انت طول عمرك عايش بسوريا وما تعرف عاداتنا وتقاليدنا وتجي بالاخير تصير شيخ علينا
.
.
محمد: لعد منو تريد يصير شيخ
الولد: لو مو جاي انت بس يموت خليل ابوي يصير الشيخ
محمد: ومنو گلك ما ياخذها ماجد
الولد: لا احنا احق من ماجد بيها
.
.
محمد: وشلون عرفت اني ماعرف بعاداتكم وتقاليدكم
الولد: انت ما عشت ويانا الا كم سنة وبسوريا ما جنت عايش بمثل مجتمعنا حتى اختك اجتي هنا لابسة حصر وما بقى واحد ما شاف جسمها
.
.
محمد: من گال هيج شلتو بكل ثگلو فوك وزتيتو عالطاولة الا انكسرت بيه وصرت فوگو واستلمتو بوكسيات ما وصلني تحسين الا اني مشوه وجهو
.
.
تحسين: شيخ محمد اهدئ لا تورط نفسك وتورطنا علمودو
محمد: ولك عار حيوان ولك انت تالي حيوان تحجي على عرضي هيج ومستلمو ضرب
تحسين: سحبتو منو بالغصب
.
.
محمد: اقسم بالله لشرب من دمك اذا طلعت عايش
غضب: انلاصت
محمد: وين تريد توصل خلي توصل
.
.
غضب: وانت گلتها
محمد: انت كملت شغلك
غضب: اي بس دمروني اهلي كل شوية واحد متصل
.
.
المهم انت اذا تريد تروح اخذ راحتك اني راح ابقى هالكم يوم ما اريد ارجع واسمع كلام من اهلي واققد اعصابي
.
.
محمد: لعد اني اترخص
غضب: مرخوص
.
.
ليندا: گضيتها بجي من خلصت مكالمة ويا غضب لحد ما اجى محمد من دخل علينا رحت ركض عليه واني اتمنى يگولو انو گدر يقنع غضب وهو من شافني ابجي فتحلي حظنو
.
.
محمد: لا تبجين يا روحي كافي
ليندا: الله عليك گولي گدرت تقنعو
محمد: تعالي نحجي وافهمج
.
.
ليندا: ماشي .. ورحنا كعدنا بالصالة
محمد: تريدينو يترك شغلو
ليندا: اي اكيد
.
.
محمد: وراح تتحملون كلمة الجبان الي راح تبقى تلحگو طول عمرو
ليندا: لا
محمد: لعد بهالحالة لازم نحاول نمسك الي هددو واني راح ابقى وياه لحد ما نمسكو
.
.
ليندا: بس بهاي الحالة انت هم راح تكون بخطر
محمد: لا حبيبتي إن شاء الله مايصير الا كل خير بس انتي توكلي بالله