عشق طفله

البارت(44)عشق_طفله الكاتب#احمد

#عشق_طفلة
بقلم #احمد
البارت_44
.
.
غضب: دا نمشي نريد ندخل لمول التفتت شفت ليندا مو وياي انتبهتلها واكفة ومبين عليها مصدومة من شي التفتت على الجهة الي هي مركزة بيها ما شفت شي شفتها كامت تمشي مثل السكرانة رحت عليها مسكت ايدها سحبتها مني بقوة وركضت مثل الصاروخ
.
.
ليندا: ركضتلو ودموعي تسبقني شفتو يريد يروح صحتلو فز فزة اول مرة اشوف احد يفز هيج انادر علي اول ما شافني فتحلي اديه كمزت عليه واول ما حظني كمشت ملابسو علمود ما يروح وانفجرت بالبجي
.
.
غضب: شفتها ركضت ومن صاحت التفت عليها شاب والي استغربت منو راحت حظنتو انا اعرف ليندا ما تسوي هيج شي لهذا مستغرب من وضعها رحت تقدمت عليها شفتو ماسك وجهها ويحجي وياها
.
.
ليندا: بعد وجهي عن صدرو ويحجي وياي وانا من البجي والشهكة اريد احجي ماكدر رفعت ايدي ومسكت وجهو ولحيتو اريد اتأكد هو لو اني متوهمة شفتو مد ايدو وراي وملامحو كلها انكلبت وعيونو صارن حمر انداريت شفتو ماسك ايد غضب
.
.
غضب: مديت ايدي على ليندا اريد افتهم الموضوع مسك ايدي وجان عصبي بس ما همني سألني ... منو انت
غضب: ببرود ... انت الي منو
.
.
ليندا: صرت بينهم كلتلو هذا زوجي
سحبني ورا ظهرو واندار لغضب
الشاب: كلتلي زوجها مو
.
.
غضب: سحبت ايدي منو وكلتلو بعصيبة اخر مرة اسألك منو انت
الشاب: واذا عدتو مرة ثانية يصير
غضب: راح اعيدو لجثة
.
.
الشاب: بعصبية ... انا محمد ابن الشيخ عماد واذا انت زلمة مد ايدك عليها والمسها اذا ما اسحكك انت وشكو واحد يطلع وراك
غصب: رغم صدمة الخبر الي سمعتو بس من هدد رفعت ايدي اريد اضربو وصارت ليندا بيناتنا
.
.
ليندا: الله يخليكم كافي
غضب: يلا وياي للسيارة
ليندا: اريد احجي وسحبني محمد
.
.
محمد: مثل ما جيت ترجع وطول ما خشمي يشم الهوا ليندا تحلم تشوف ظفرها
ليندا: كلت لغضب خلي اروح وياه بس اتطمن عليه واحجيلو القصة وافهمو وبعدها تعال اخذني
.
.
غضب: من حجت وياي ليندا اقتنعت بحجيها وهم عيب الدنيا كلها واكفة تباوع علينا تركتها ورجعت للبيت اول ما دخلت ابتسام سألتني على ليندا كلتلها راحت ويا اخوها
.
.
ابتسام: شنو من اخو مو اخوانها ميتين
غضب: اخوها الجبير موجود وتلاكينا بالسوك وراحت وياه
ابتسام: خوما تضاربتو ؟
.
.
غضب: لا كالتلي اروح اتطمن عليه وافهمو القصة وارجعلك
ابتسام: الله يفرحك على هالخبر والله فرحتلها من كل كلبي
.
.
غضب: رحت لغرفتي احس نار وشاعلة بصدري وماعرف شلون اقتنعت وتركتو ياخذها بس يلا مهما كان لازم تشوفو وتطمن عليه هو اخر واحد باقي من اهلها بس شلوووون عايش
.
.
ليندا: راح غضب اتصل محمد على عمتي كاللها يلا خلي نروح جانت بالمول من طلعت وشافتني تقاجئت كلتلها اجيت ويا زوجي وبالصدفة شفت محمد
.
.
رجعنا بسيارة عمو خليل وصلنا عمتي هناء واني ومحمد رحنا على بيتنا محمد مو قابل يعيش ويا عمي نزل محمد وراح داخل البيت اني نزلت ورجعتلي الذكريات كلها ذكرى مؤلمة وذكرى حلوة
.
.
دخلت داخل جان واكف بالصالة  يحط تيلفونو عالشحن اندار علي ورجع مرة ثانية فتحلي حظنو ورحت عليه حظنتو واني مو مصدكة لحد الان رفعت راسي كلتلو انا بحلم لو بعلم
.
.
محمد: لا يا روح اخوج بعلم وربج لخليهم يتندمون على كل لحظة اذوج بيها
ليندا: بس غضب زوجي وانا ما اريد اتركو
.
.
محمد: لا اخت محمد ولا بنت الشيخ عماد تطلع من هالباب فصلية لو تصير مجزرة من هالباب ما تطلعين اذا مو عاروس حالج حال كل البنات
.
.
ليندا: من حجى هيج نزلت دموعي واحس رجعلي السند الي جنت محتاجتو دفنت راسي بحظنو وهو يمسح على شعري وراسي ويهدي بي
.
.
ليندا: كالولنا متت
محمد: لا خبر كاذب
ليندا: لعد وين جنت
محمد: جنت مسجون بسجن تابع للنظام
.
.
ليندا: وليش جسمك هيج متغير
محمد: جانو يخلونا نشتغل شغل متعب ننقللهم غراض وصناديق الاسلحة والعتاد
ليندا: شلون ما خافو تكتلوهم بالاسلحة
.
.
محمد: جانت مقفولة ومراقبة كلش قوية علينا
ليندا: وشلون طلعت
.
.
محمد: مو بس اني هواي طلعو تأكدو ان ما عدنا شي واخلو سبيلنا ورحت بالبداية على خوالي وكالولي عمك داز ليندا علينا وبالطريق ميتة شكد شفت عذاب والم ما يوصل نص الاحساس الي حسيت بيه من كالولي هيج 5 ايام انا بالمستشفى مادري بالدنيا
.
.
ومن صحيت اجيت فورا علمود ازورج انتي واهلي ومن رحت شفت ما الج قبر عرفت اكو شي غلط زرت اهلي واجيت هنا وعرفت ان عمي منطيج فصلية من ماجد وتعاركت ويا عمي خبصت الدنيا عليه
.
.
ليندا: خطية مو بكيفو هو هم خايف على بناتو وزوجتو ماكدر يسوي شي
محمد: لج اكو الف طريقة يحل بيها هاي السالفة
ليندا: صارت بعد
.
.
محمد: بس كليلي اذا اذوج وربج لخليهم يتندمون واولهم هذا الي مسوي نفسو زوجج اقسم بالله اخلي يتندم على اليوم الفكر ياخذج بيه
.
.
ليندا: بالبداية اذوني صحيح بس من عرف اني يتيمة وبريئة تغير كلش وياي وصار هو سندي واماني
محمد: بخباثة ... صايرة تعرف تحجي ام نص لسان
.
.
ليندا: حطيت اديني على عيوني ... لا لا بطلت
محمد: ههههههههه يا روحي والله مشتاقلج بكد رحمة الله
ليندا: وعمي خليل صالحتو
محمد: لا مستحيل
.
.
ليندا: لعد شلون جنت ويا عمتي هناء بالسوك
محمد: اجت علي وكالتلي ووديتها هي ما دخلها بالي صار فمستحيل احاسبها على ذنب غيرها
.
.
ليندا: بس اريدك تتصالح ويا عمي خطية والله لو شايفو من صالحتو اني منتهي باقي جسد بلا روح منا ابوه وامو وبابا وعيلتو وبعدها ابنو الوحيد ومن تزوجن بناتو بقى بس هو وعمتي بالبيت وربي كل ما اتذكر لمتنا ببيتو قبل واشوف حالتهم هسا كلبي يتكطع عليهم
.
.
محمد: بس هو سبب بضياعج
ليندا: لا بالعكس يجوز لو مو منطيني فصلية جان تزوجت واحد ما بيه خير
محمد: افهم من كلامج زوجج زين وتريدين ترجعيلو
ليندا: اي
.
.
محمد: لعد احسبي حسابج ما ترجعيلو اذا مو عاروس وشرط يسويلج عرس يليق ببنت الشيخ عماد
ليندا: اروح سبع فدوات لابن الشيخ
محمد: احم قصدج للشيخ ... وهو يعدل نفسو
.
.
ليندا: يعني انت الشيخ هسا
محمد: اي يبعد اخوج عمي تنازل عن الشيخة الي وكل العشيرة موافقة على قرار عمي
ليندا: زين يا شيخ كلبي شنو مشتهي عشى
محمد: لا اليوم انتي ضيفة اني اسويلج عشى
.
.
ليندا: هههههههههه شيخ وتطبخ
محمد: شيخ محشي
ليندا: ههههههههه لا شيخنا ما يصير انا مشتهية ارجع اطبخ بمطبخنا
محمد: براحتج يا بعد اخوج اني رايح شوية وارجع
ليندا: تمام
.
.
غضب: بقيت النهار كلو متنرفز وضايج ابتسام تاركتني على راحتي ما تحب تضغط علي واني مثل المخبل بالغرفة مرة اكول اروح اجيبها غصب عنو مرة اكول هيج تكبر المشكلة وحتى ليندا تكرهني
.
.
اريد بس اثبت على راي ماكو اتصلت على حسن كلتلو تعال ابقى عند ابتسام رايح بشغلة من وصل انا ركبت سيارتي وطلعت صرت قريب على بيت اهل ليندا وكفت باوعت وكلت خلي افكر بعقلي مو بمشاعري
.
.
هي هسا عند اخوها وببيت اهلها مو عند غريب واذا هسا رحت حتى هي ماراح تكون رايدة تجي وياي لان اكيد مشتاقتلو وتريد تبقى وياه
.
.
رجعت مشيت طلعت خارج المدينة وكفت السيارة نزلت الجامات وبقيت بيها اريد شوية اتنفس اختنكت بس شبي اني شو من اروح للدوام ما اشتاقلها هيج
.
.
اي يا غضب تاليتك طفلة تبهدل احوالك هيج لعد لو زوجتك رسمي شنو تسوي دا افكر هيج وتذكرت خرب راح انفضح وربي
.
.
شغلت السيارة شلون اريد امشي وكفت سيارات جيش يمي وموجهين اسلحتهم علي طلعو جايين للعمارة وشايفيني اريد امشي وعبالهم عندي شي واريد انهزم منهم
.
.
نزلت من السيارة وتفاهمت ويا الضابط وشوفتو هويتي العسكرية راحو ورجعت اني عالبيت بسرعة مثل المخبل جانو ابتسام وحسن بالمطبخ
.
.
ابتسام: تعال تعشى ابو عذاب
غضب: ابتسام اتركيني من العشى تعالي بسرعة لغرفتي
حسن: خير عمي اكو شي
.
.
غضب: لا بس اكو شغلة اريد احجي لابتسام عنها
ابتسام: تمام
غضب: اخذتها للغرفة كلتلها ... حظري تفسج لازم نروح على ليندا
.
.
ابتسام: ليش
غضب: تعرفين اني لحد الان ما متقربلها بسبب وضعي واذا احد عرف انفضح بالعمارة كلها
.
.
ابتسام: لا تخاف محد اصلا راح يتذكر يحجيلها وباجر نروح اني وياك هم تحاجي اخوها وتتفاهم وياه وهم انا اروح واحجيلها وافهمها كلشي اولا لازم تعرف وثانيا علمود ما تحجي شي وتفضحك مثل ما تكول
.
.
غضب: واذا سألوها
ابتسام: انت مو تكول بس اخوها عايش
غضب: اي
ابتسام: لعد تطمن لان ليندا ماتعرف بهالسوالف واخوها  مستحيل يسألها هيج سؤال
.
.
غضب: مو مرتاح
ابتسام: ارتاح إن شاء الله ماكو الا كل خير واذا لا سامح الله وليندا حجت نشوفلنا حل وقتها بس روحتنا هسا مو راهمة
غضب: تمام
.
.
رجعنا على المطبخ بالي مشغول ومو مرتاح حطتلنا ابتسام العشى اكلت شوية وانسدت نفسي وكل تفكيري بليندا حسن وابتسام يحجون وياي كلمة اسمعها وعشرة ما اسمعها اخير شي تركوني وكامو يحجون ويا بعض
.
.
رحت للغرفة تمددت هالمرة حظني فارغ والعيون المتعود اصفن بيهن ما يباوعن بعيوني اليوم بقيت لل ٢ يلا كدرت انام كعدت الصبح تريكت ورحت للشغل بلكي شوية التهي
.
.
ليندا: رحت سويت العشى اول ما كملتو اجى محمد حطيت العشى وكعدنا نتعشى ونحجي عن الصار ويانا بهالفترة الي راحت وحجيتلو على سالفة الخطف وتخبل
.
.
بس ما ذكرتلو كل التعذيب الشفتو خفت لا يمنعني من غضب لان انخطفت بسبب ماضيه بس هو مصمم اذا مو عرس ما اطلع منا وبصراحة عجبتني الفكرة
.
.
شنو ناقصني علمود ما يسويلي غضوبي عرس اكيد راح يوافق لان ما يتحمل يبقى بدوني كملنا اليوم طبيعي بالليل محمد ماراح للمضيف لان مشتاقلي ويريد يتونس ويحجي وياي
.
.
وكلش انقهرت من كال جدي وجدتي اهل امي متوفين جانو كلش زينين ونحبهم ويحبونا بس عمرهم جبير ولكمتهم خلصت بالدنيا خوالي هم زعلانين من عمي خليل بسبب الي سواه
.
.
ليندا: محمد مو ضايج على نور لان تزوجت
محمد: لا ليش ازعل احسن شي سوتو من تزوجت اول شي ماجد خوش ولد ويستاهلها ولو باقية متعلقة بالماضي جان تأذت هواي
.
.
ليندا: صحيح بس احس متأذي انتي
محمد: لا متوهمة الحمدلله مو متأذي وضعي طبيعي
ليندا: زين مو مفكر تتزوج وتفرحني بيك
محمد: الله كريم هسا مو وقتها
.
.
ليندا: اني راح ازوجك
محمد: لا دخيلج انتي تجيبيلي مخبلة مثلج وتعال يا محمد تحمل هههههههه
ليندا: ههههههه يعني اني مخبلة دروح زعلت منك
.
.
كام يشاقيني ويلعب وياي مثل من جنا صغار وصدك نسيت الدنيا بوجودو وياي بقينا نحجي لوقت النوم رحت لغرفتي القديمة
.
.
لحد الان الغرفة مثل ما جانت والاخشاب جديدات لان جنت مهتمة بيها وبابا جايب كلشي بالبيت من الاصلي والزين ملابس مو جايبة وياي كلت باجر اخليه يوديني اجيب وياي بس لازم اتصل على غضب اكولو
.
.
اوووووف يا غضب علمتني انام بحظنك هسا شلون راح اكدر انام صدك متونسة بوجود محمد بس هسا اريد غضب يكون وياي وينومني بحظنو مثل كل يوم يا ترا هسا شصاير بحالتو هم اشتاقلي ويتمنى اكون وياه
.
.
تمددت وافكاري كلها بغضب مادري يا ساعة نمت كعدت الصبح بنشاط مو معتاد اليوم اكو شي مميز بحياتي رحت جهزت الريوك ورجعت غلى غرفة محمد كلت خلي اشوف ببالو وحدة تمددت يمو وحطيت ايدي على  لحيتو وكلتلو حبيبي محمد يلا كوم
.
.
محمد: بابتسامة ... حبيبي غضوبي محمد راح يشوي على اذاناتي بصل
ليندا: ههههههههه يا خبيث طلعت كاعد
سحب راسي لحظنو باسني من راسي
.
.
محمد: اي كاعد يروحي
ليندا: يلا لعد تعال تريك وانا انتظرك لان اريد منك شغلة
محمد: شنو هي
ليندا: عالريوك احجيلك
محمد: تمام بس خلي اترشش واجي
.
.
ليندا: نزلت تحت نقلت الريوك عالصالة بين ما خلصت نزل محمد سبحان الله عماد كدامي مو محمد نفس الطول والهيبة لابس دشداشة بيجي ومبينة تقاسيم جسمو والردان مبينة منها عظلاتو لحيتو الخفيفة والمحددة ملامحو الي مثل عماد بالضبط ولاف على راسو شماغ جوزي فاتح وطالع كلش حلو مع لون الدشداشة والعطر ترس الصالة يمكن ترشش بعطر مو ماي وبايدو سبحة جوزية وساعة سودة
.
.
محمد: خلص الريوك لو لا
ليندا: اي يا بعد الشيوخ كلهم
محمد: ههههههه يا روح اخوج
ليندا: كعدنا نتريك كلتلو اريد تيلفون وخط وجيبلي رقم زوجي
.
.
محمد: بس هاي
ليندا: اي بس هاي
محمد: من اروح نص ساعة يصير يمج
ليندا: تمام
.
.
كملنا ريوك هو طلع وانا سويت جولة تنظيف بالبيت شوية واجى محمد انطاني التيلفون وكال اشحنيه قبل ما تستخدمينو وراح حطيتو عالشحن دخلت عالاسماء لكيت اسم غضب ومحمد وعمي خليل وعمتي هناء كلهن مسجلات كلت بعد احسن
.
.
خليتو يشحن ورحت اسوي الغدا والي عرفتو ان محمد من طالع موصي راكان عالتيلفون لان يعتبرهم مثل اخوانو الصغار وهم كلش يحبوه وما يرفضولو طلب ورايح راكان جايب الخط والتيلفون
.
.
وبالفترة هاي ماجد صاير هو ومحمد روح بروح ومحمد معتمد عليه بكلشي يخص العشيرة محمد يعرف بكلشي يخص العشائر لان من هو صغير بابا يعلمو لان جان يكول اذا رجعنا للعراق احتمال يصير شيخ من بعدي ولازم يتعلم العادات والتقاليد سويت الغدا وكملتو بسرعة لان بس ثنين ورحت ركض عالتيلفون
.
.
غضب: جنت كاعد بالمكتب والدنيا طالعة من عيني وتحسين يمي
تحسين: يا اخي شبيك من الصبح بالك مشغول وما تحجي
غضب: زوجتي الصغيرة راحت
.
.
تحسين: وين راحت
غضب: اخوها الجبير طلع عايش مو متوفي واخذها البارحة
تحسين: اولا شلون عايش
غضب: ماعرف والبارحة رحنا للسوك وتصادفنا وياه واخذها
.
.
تحسين: معقولة اخذها منك انت غضب
غضب: والله ماعرفت شنو اتصرف وقتها بس كلت اخوها الوحيد وراجع خليها تشوفو
تحسن: لعد سهلة
.
.
غضب: حجيو البارحة يوضح انو ما يريد يرجعها واني ما اريد ابلش بيه واخذها كوة لان راح تكرهني واذا سويتها شغلة عشاير يكدر يحلها بدون ما اخذها
تحسين: هي تريدك
غضب: اكيد
.
.
تحسين: لعد راح ترجعلك بدون مشاكل وانا اترخص منك اخوي
غضب: مرخوص اخوي
.
.
راح تحسين وبقيت بمكتبي قبل الظهر بشوي اتصل علي رقم غريب رديت واجاني صوتها الي مشتاقلو بكد رحمة الله
.
.
ليندا: الو
غضب: هلا بهالصوت
ليندا: كلت خلي العب باعصابو شوي ... شلونك حياتي
غضب: ها اليوم ضارب فيوزج
.
.
ليندا: ليش اذا اغازل حبيبي وملك كلبي بيها شي
غضب: لج لا تحركين كلبي بكلامج
ليندا: اروح فدوة الك ولكلبج ولشكو شي يتعلق بيك
.
.
غضب: ليش ما جنتي تحجين هيج من جنتي يمي
ليندا: من ابتعدت عنك اشتاقيتلك يا عمري وروحي ودنيتي كلها
غضب: لج كافي ارحميني يولي
.
.
ليندا: ابتسمت وكلتلو ... لو اغازلك العمر كلو ما امل منك لان انت كلشي بحياتي
غضب: صدك
ليندا: اي ما حبيت بكدك احد ومستحيل احب غيرك
.
.
غضب: يا بعد روحي هالحجايات الحلوات
ليندا: كام يحجي بصوت ناصي ومبين عليه مندمج كسر بكلبي لان راح اصدمو
غضب: ليش ساكتة
.
.
ليندا: راح ارجع بس محمد عندو شرط
غضب: شنو هو
ليندا: لازم تسويلي عرس وتجي تطلبني منو
.
.
غضب: بعصبية ... اي وتريدين ابقى شهر شهرين مسلوك جد جدي عليج
ليندا: اذا تحبني وتريدني نفذ لان محمد قافل على هالموضوع وبعدين كولو اريد يصير العرس بسرعة وهو ماراح يرفض
غضب: بانزعاج ... خلي اشوف
.
.
ليندا: وصدك راح اروح للسوك اشتري ملابس ماعندي
غضب: ما يحتاج بالليل اجيب ابتسام واجي واخليها تجيبلج ملابس
ليندا: تمام
.
.
حجينا شوية وسكرت منو انتظرت محمد ورا الاذان بشوية اجى صلينا وتغدينا ورا الغدا هو رجع للمضيف وانا خلصت غسيل مواعين واجن احلام وشودييه وفرحت كلش بجيتهن علي
.
.
شودييه متغيرة وصايرة احلى من قبل سبحان الله هالبنت تكبر وتحلى اكثر واكثر وراها بشوية اجن ام دلال وعمتي هناء وحلفت عليهن ما يرجعن قبل العشى
.
.
وكلتلهم ... ابتسام راح تجي اجن البنات ساعدني بالعشى نور وهديل ما اجن لان ماجد مكضيها ويا محمد وموصي وسام ووسام صاير عندو شغل ومو كايل لماجد
.
.
كملنا العشى محمد بقى بالمضيف واحنا تعشينا وخلصت تنظيف ويا البنات بعد اذان العشاء بشوية اندك الباب رحت فتحتو طلعت ابتسام ووياها جنطة ملابس سلمت عليها وسألتها عن غضب كالت اخوج اخذو عالمضيف ودخلتها داخل عند النسوان
.
.
غضب: خلصت كلامي ويا ليندا وفرحت باتصالها كملت شغلي ورجعت للبيت وصيت ابتسام تحضر جنطة ملابس لليندا ودخلت سبحت
.
.
لبست دشداشة بعد ما تركتها مدة طويلة جانت لون اسود ووياها شماغ اسود وبيه خطين ابيض وسبحت بالعطر لان كلت اليوم اشوفها لو تخرب الدنيا
.
.
ورا الاذان صلينا العشاء اني وابتسام وطلعنا وبالسيارة فهمت ابتسام تحجي ويا ليندا وتفهمها كلشي بس الي جنت مو ضامنو هي اعصابي من اكعد ويا اخوها
.
.
اكيد هسا يشوف نفسو علي وانا ماكدر امسك اعصابي وراح نتخارب بس راح احاول كد ما اكدر امسك اعصابي اول شي علمود ليندا ثاني شي ما اريد السالفة تبدا بمشكلة
.
.
وصلنا وشفتو جان واكف يم المضيف ووياه الشاب الي شفتو بالكعدة من اخذت ليندا وكفت سيارتي عند بيتو تقدم هو علي ابتسام دخلت عالبيت وانا قفلت السيارة وصل عندي وبوجهو ابتسامة وكأنو دا يكول خليتك تجي غصب عنك
.
.
.......... يتبع
توقعاتكم شراح يصير بينهم ؟