عشق طفله

البارت(49) عشق_طفله الكاتب#احمد

❤️
#عشق_طفلة
بقلم #احمد
البارت_49
.
.
ليندا: طلع تيلفونو عمي اتصل على ابو غضب انطاه خبر وسكر بقيت الوب وبس انتظر محمد يتصل علمود اتطمن وهو ماكو  وما اريد اتصل عليه علمود ما اشغلو والله صدك اني فگر ما الحك افرح الا وتجيني مصيبة ثانية
.
.
لسه البارحة راد يروح بيها محمد او حسن واليوم غضب ماعرف شبيه مو بنت مغناطيس مصايب اووووف الحمدلله الذي لا يحمد على مكروه سواه
.
.
غضب: طلعت لبغداد وكلي الي ببالي اهج من هالعراق المهجوم بالطريق احس روحي تعبان كلش حتى السيارة ماگدر اسوقها وگفت السيارة ونزلت اشتميت هوا نظيف وريحت نفسي شوية
.
.
من ارتاحيت رجعت صعدت السيارة ورحت لبغداد طلعت للفندق وگلت من باجر اشوفلي اقرب رحلة واولي وارتاح
.
.
حجزت ليلة بالفندق حطيت جنطتي وراسي احسو يريد ينفجر اخذت ملابس ودخلت للحمام وگفت تحت الماي لحد ما ارتخت اعصابي وطلعت فورا صليت الفجر ونمت
.
.
گعدت ثاني يوم الساعة 12 الظهر صليت الظهر وطلعت جنت جوعان بس مالي نفس اكل بعدين كلت .. اني شعندي كاتل نفسي واروح للمطعم واكلت اكل واحد مو شايف طلعت حرگتي كلها بالاكل لدرجة گوة اتحرك شگد ما اكلت
.
.
بعدها طلعت للمول اكو بيه غرفة مسويها للمدير مال المول يجيك بيها الحسابات والرواتب والارباح رحت عندو هو من اجي يا اما يخليني اگعد بالكرسي الخاص بي او يگعد مقابيلي رحت عندو وبعد السلام
.
.
غضب: شلون الشغل يخوي
المدير: الحمدلله يخوي من الله بخير
غضب: ايمتى راح يكون جاهز للطابق الجديد
.
.
المدير: شهرين إن شاء الله يكون جاهز
غضب: اجلي شغلة الطابق حاليا لان محتاج فد 10 ملايين
المدير: من عيوني بس اگدر اعرف ليش
.
.
غضب:  سالمة عيونك .. اريد اطلع خارج العراق هالفترة
المدير: خير إن شاء الله
غضب: والله ضروف
المدير: هسا شوية ويوصل الفلوس
.
.
غضب: راح طول نص ساعة واجى وجايب وياه الفلوس
المدير: اعذرني اخوي تأخرت عليك
غضب:  لا يخوي معذور

.
.
المدير:  هذا المبلغ واذا احتاجيت بعد اتصل علي واني حاضر
غضب:  ما تقصر .. يلا اني اترخص
المدير: مرخوص
.
.
غضب:  طلعت من عندو ورحت للمطار وكفت سيارتي دا امشي اريد ادخل للمطار سمعت صوت واحد يصيحني ومن صوتو عرفتو محمد ما اهتميتلو وكملت طريقي واجى سحبني من ايدي
.
.
محمد:  وين رايح دخيل ربك گلبنا الدنيا عليك جاهل انت وتتصرف هيج تصرفات
غضب: محمد رحمة لابوك اتركني ترا تشوف شي ما يعجبك
محمد: دمش گدامي خلي اشوف شنو مشكلتك
.
.
غضب:  اي مو اصغر جهالك اني وتحجي وياي هيج
محمد:  هسا تعال وياي خلي نحجي ونتفاهم وبعدها توكل
غضب: رحت وياه لان اعرفو عنيد وماراح يتركني رحنا على مطعم وكعدنا
.
.
محمد: شتاكل
غضب: اكلت ومو مشتهي
محمد:  يخوي لا تخليني ارزلك وانت اكبر مني
غضب:  يمعود والله اكلت
.
.
محمد: احجيلي وين رايح
غضب: وين ما الله يقسملي
محمد: وليندا
.
.
غضب: بس اضبط وضعي بالخارج اتزوج ليندا واخذها
محمد: ومنو كلك اني اوافق تاخذها
غضب: شنو هي بكيفك زوجتي واخذها وين ما اريد
.
.
محمد: اختي ما تطلع من العراق فيا اما تعقل وترجع لعقلك ولبيتك يا اما توكل وانسى ليندا
غضب: لعد خليها عندك
محمد: ها هيج صار الحجي
.
.
غضب:  بانزعاج … اي هيج صار الحجي عندك اعتراض
محمد: ليندا ترا راح اطلگها منك بالمحكمة وازوجها لواحد يستاهلها (يحجي هيج علمود غضب ينجبر يبقى)
.
.
غضب: محمد اقسم بمن احل القسم اذا سمعت ليندا مخطوبة بس خطبة اگلب العمارة عاليها واطيها واحرگك انت وشكو واحد شارك وياك بالخطبة
.
.
محمد: لعد شلون تريدها تبقى هيج معلگة طول عمرها
غضب:  مو دا اگلك اخذها ويااااااي
محمد: اذا هيج تحبها شلون تحرگ گلبها
غضب: ايمتى حرگت كلبها
.
.
محمد: البارحة كل الليل وهي تبجي عليك ونامت ودمعتها بخدها واليوم الصبح اتصلت علي وهي تبجي ومحروگ كلبها ولولا خوفي يصير بيها شي ما اجي لبغداد علمودك لان الي دا تسويه ما يسويه شخص عاقل (جذب جانت نايمة وشبعانة نوم 😹)
.
.
غضب: بحسرة .. يخوي والله الظيم تعبت واريد ارتاح
محمد: يخوي عندك بيتك لحالك وشغلك ماشي والحمدلله وتگدر تعيش ملك انت وليندا وابتسام
.
.
غضب: بس ماگدر اشوف اهلي وما اروح
محمد: هسا خلي تولي هاي السوالف اجى الاكل مد ايدك
غضب: اكل انت بالعافية ماگدر اني
محمد: تمام
.
.
غضب:  اكل وخلص رحنا ودينا الفلوس للمول وطلعنا للعمارة وگلي تعال وياي خلي ليندا تطمن عليك رحنا بالطريق كل واحد بسيارتو طلعت تيلفوني شفتو طافي شحن وتركتو
.
.
كمت اسب نفسي على الي سويتو بليندا هي خطية شابعة ضيم واجي اني ازيد عليها وصلنا العمارة وتوجهنا لبيتهم ماكو احد عند بيتهم وسيارة حسين الي خليناها هنا البارحة ماكو
.
.
نزلنا ودخل محمد گدامي وصل لباب الصالة فتحها شفتها واگفة ودموعها تجري وحرگت گلبي حرگ بمنظرها
فتحتلها حظني واجت ركض علي وما اهتمينا لا لمحمد ولا عمها وعمتها
.
.
ليندا: بقيت انتظر محمد على نار وكل دقيقة احسها سنة وماسكة التيلفون وانتظر قبل المغرب فتح باب الصالة محمد وشفت غضب وراه احس ردتلي روحي
.
.
رغم شگد زعلانة منو لان سوا بي هيج ما تحملت اشوفو وابقى من فتحلي حظنو ركضت عليه وحظنتو وماكو بس صوت شگاتي ومن حرگة كلبي ابجي واضربو على صدرو بقى حاظني لحد ما هديت بعد راسي ومسك وجهي باديه
.
.
غضب: كافي يا روح غضب كافي يا عمر غضب
ليندا:  حرگت كلبي عليك
غضب: اسف ما تنعاد
.
.
ليندا: وين رحت وتركتني حايرة من البارحة
غضب: سالفة طويلة حبيبي بعدين احجيلج عنها هسا لازم اروح اطمن ابتسام واهلي
.
.
ليندا: جنت احجي وياه واحس راسي كلش ثگل وصار عندي هبوط قوي لان مو ماكلة من البارحة ومن الصبح واگفة على رجليني وافتر بالصالة من التوتر اريد اگلو تمام حسيت عيوني غوشن ومادري شصار بعد
.
.
غضب:  دا احجي وياها شفتها ما تگدر تحجي وذبلت بين اديني حطيت ايدي تحتها علمود ما توگع بالگاع وسحبتها لحظني واجى محمد يركض
.
.
محمد:  شبيها
غضب: انطوني ماي بسرعة
هناء: هذا ماي
.
.
غضب: اخذتو وغسلت وجها شفتها گعدت وفتحت عيونها بس ذبلانة وماتگدر تتحرك
.
.
محمد: عمتي اكلت شي هي
هناء: لا والله من الصبح احاول وياها وهي تعاند
محمد: صاير عدها هبوط
.
.
غضب:  شلتها وگلتلهم وين غرفتها
محمد: انطيني عنك
غضب: ترا زوجتي لا تخليني ادفرك هسا اگطع نسلك
محمد: ههههههه اعذرنا سيادة الضابط
.
.
غضب: راح محمد گدامي وديتها لغرفتها وحطيتها عالسرير واريد اطلع ومسكت ايدي
.
.
ليندا:  بتعب .. لا تروح ابقى وياي
غضب: ارجعلج يروحي بس ارتاحي انتي هسا ومن تگعدين اكلي لا تبقين جوعانة
ليندا: ماشي
.
.
غضب: ما تحملت واخذت بوسة من شفايفها وهي مابيها حيل تقاوم لحد ما انگطع نفسها وبعدت عنها وغطيتها وطلعت
.
.
محمد: ابقى عالعشى ابو عذاب
غضب: غير مرة .. يلا اترخص اني
الكل: مرخوص
.
.
غضب: طلعت على بيتي حطيت تيلفوني عالشحن وفتحتو واتصلت على حسن
.
.
حسن: وينك ولك ابن الاوادم گلبنا الدنيا عليك
غضب: حسسسسن اقسم بالله احدگ عشيرتك مالي خلگك وين انت هسا
حسن: بالبيت انت وين
.
.
غضب: جيب ابتسام لبيتي
حسن: انت بالبيت
غضب: لا بگبر جدي جيبها عاااااد
حسن:  تمام جايك
.
.
ليندا: اخر شي اتذكرو بوسة غضب وبعدها نمت كعدت ورا ساعتين جسمي متكسر لان مو متعودة انام بهيج وقت وبطني توجعني من الجوع
.
.
نزلت تحت عمتي بالصالة تقرا قران ومحمد وعمي طالعين دخلت للمطبخ وسويت عشى ل 10 اشخاص وتشكلت وگلت بسم الله واكلت لحد ما بطني صارت بگدي ورحت سويت جاي وصبيتلي كوب وطلعت تيلفوني اتصلت على غضب
.
.
غضب:  الو
ليندا:  تدري لو مو راد شسوي بيك
غضب:  اي يابة شتسوين
ليندا:  ما اسوي شي
.
.
غضب: عبالي
ليندا: عابت ولا يكدر الواحد يتشاقة وياك
غضب: هههههههه شلون صرتي حبيبي
ليندا: زينة يروحي
.
.
غضب: بخباثة .. شرايج بالبوسة
ليندا:  اوووو غضب كافي
غضب: اروح فدوة للخجلانة
ليندا: شلون لگاك محمد
.
.
غضب: اني اريد اسألج هالسؤال لان ماعرف
ليندا: والله اخوي ذيب
غضب: لعد انتي على منو طالعة
.
.
ليندا:  ياااا يعني اني مو ذيبة
غضب: حشى الذيب عنج
ليندا:  عبالي
.
.
غضب: ههههههههههه اگص ايدي اذا عرفتي معنى كلامي
ليندا: يا كلام
غضب: حشى الذيب عنج
.
.
ليندا: شنو معناه
غضب: يعني الذيب احسن منج ههههههههه
ليندا: يااااا هاي علي
.
.
غضب: اخ يابة حتى بطني توجعني من الضحك
ليندا: تستاهل لان تضحك علي
غضب: اروح فدوة الج ولعقلج
ليندا: اروحلك الف فدوة
.
.
غضب: حبيبي باجر اتصل عليج وديري بالج على نفسج
ليندا: تمام حبي وانت هم
.
.
سكرت منو وابتسمت على كلامو ومن خلصت الجاي گمت نظفت المطبخ والمواعين ومن اجو عمي ومحمد تطمنو علي وگعدو ويانا
.
.
ليندا: انطيني تيلفونك
محمد:  ليش
ليندا: اريد اتصل على خوالي
محمد:  هاج
.
.
ليندا: شفت عمي صار وجهو اصفر من الفشلة وكسر بگلبي اخذت التيلفون وصعدت لغرفتي طلعت اسم خالي بالواتساب واتصلت عليه فيديو اول ما فتحو وشافني انصدم
.
.
علي: بصدمة ..للوش
ليندا: اي للوش حبيبتك
علي: ياروح خالك كيفك يا عمري شو اخبارك
.
.
ليندا: منيحة وانت كيفك
علي: يا روح خالك مشتقلك كثير
ليندا: وانا كمان خالو
.
.
علي: ايمتى اجيتي على محمد وكيف اجيتي
ليندا: شفتو قبل مدة بالصدفة بالسوق واخدني
علي: كفو عليه واذا رجعك ما بيكون رجال
.
.
ليندا: لا خالو اني ابدي ارجع
علي: باستغراب .. ليش بدك ترجعي
ليندا: لان زوجي كثير منيح معي
.
.
علي: قصدك الي اخدك فصلية مو زوجك
ليندا: لا صار زوجي وعملنا عقد بالمحكمة ورح يعملي عرس من اول وجديد
.
.
علي: الله يفرحك متل ما فرحتيني
ليندا: وين خالتو وحسام الخاين
علي:  هههههه عند اهل خالتك وما بيطولو
.
.
ليندا: حجينا اني وياه وهو گلي .. انو زعلان على عمي خليل گلتلو .. الي صار مع عمي خليل مو شوية وانا سامحتو ورجع عاش هو وزوجتو مع محمد ببيت واحد
.
.
تعمدت احجي وياه سوري علمود ننسجم بالكلام وگالي .. من تحددون موعد الزواج انطيني خبر علمود نجي نباركلج وهم نشوفكم حسام وزجتو وامو تأخرو وانا نعست واستأذنت منو وسكرت رجعت التيلفون لمحمد وصعدت فوك اول ما حطيت راسي عالفراش نمت
.
.
غضب: بعد ما سكرت من حسن اخذلو نص ساعة واجى هو وابتسام ولو جايين ركض ما يجون بهالحالة حسن مثل المخبل اجى ركض حضني
.
.
حسن: لك ابن الاوادم قسم بالله لو زوجتي مختفية ما انخبص عليها هيج
غضب: لك زمال اني كم مرة گايلك تعدل اسلوبك
مسكتو من اذنو وفريتو ولوما ايدو جان كسرتو
.
.
ابتسام: ببجية .. هاي هم سالفة تسويها بينا
غضب:  تقدمت عليها وبست راسها .. اعذريني بس انتي شفتي الموقف بنفسج
ابتسام: تعال هنا وعصب وسوي الي تريدو مو هيج تخلينا محروگة گلوبنا عليك
.
.
غضب: خلص ما تنعاد .. وهاي بوسة ثانية من راسج وجوعان تسويلي اكل لو ادز هالجحش يجيب
حسن: كاعد عالقنفة وحاط رجل على رجل .. منو الجحش لك
.
.
غضب: تسمعين صوت جحش لو بس اني اسمعو .. ابتسام شبعت ضحك
حسن: يابة قسم بالله فلا عندك احترام
غضب: حظك متصوب ولا جان عرفت شغلي وياك
.
.
حسن: يلا ابني روح جيب عشى
غضب: تدلل يابة تدلل
.
.
رحت جبت عشى مو علمودو بس جوعان ومبين عليهم مو ماكلين ولان ايدو متصوبة ما خليتو يروح رحت جبت كباب وبيتزا وبرياني ورجعت
.
.
حطتلنا ابتسام العشى حسن گمت اگطعلو الخبزة وهو ياكل لان ايدو اليسار متصوبة يعني يگدر يدبر نفسو باليمين وما اريدو يحس انو مثگل علينا يعني اساعدو عالخفيف
.
.
من خلصنا وصيت ابتسام على جاي وردخلت سبحت وطلعت دا امشط واتصلت ليندا وگعدت احجي وياها بالغرفة اجت ابتسام گالت جايك برد خلص اتصالي ورحت
.
.
ابتسام حمت الجاي وصبت الها هي وحسن مرة ثانية وياي گعدنا بلحديقة
.
.
حسن: غضب امك متندمة وتگول خلي يجي
غضب: سكر عالموضوع حسن
حسن: روح شوفها عالقليلة تطمن عليك
.
.
غضب: حسن گلتلك سكر عالموضوع مالي خلگ
حسن: براحتك
.
.
غضب: دخلو ابو وامي وعائلة حسين سلمت عليهم حتى امي بس مو گادر انسى كلامها دخلتهم داخل وراحت اية تسوي جاي
.
.
وملاحظ اية من صالحتها ليندا متعدلة تصرفاتها مو مثل قبل وعقلانة وصاير تسمع الكلام وخوش بنية گعدو ابوي وحسين يعاتبوني
.
.
غضب: بشرفك يابة تعاتبني اني
الحجي: ابني انت تعرف امك عصبية وضاجت من خوفها على حسن
.
.
غضب: يابة دخيل الله من اني طفل ما مرتاح ما تگلي ايمتى تحل عني مو كرهت حتى عيشتي البارحة جبت ابتسام عود گلت تتونسون ويانا ولو مو جاي احسن حصلتلي مغثة بس الله يعلم بيها
.
.
الحجية: خلص ارجع للبيت وما تنعاد
غضب: لا يمة اعذريني بيتكم اذا اجيه اجي ضيف ساعتين ثلاثة واروح
الحجية: كل هذا علمود ليندا واخوها
.
.
حسن: بيبي دخيل ربج ما مليتي رجعتي على ليندا واخوها يابة وروح ابوي اني تعمدت ودفعتو ولو اعرف اموت وانقذو ما اگول لا
حسين: حسن انجب واعرف شلون تحجي
.
.
حسن: يابة على عيني وراسي انت وبيبي وجدي بس ترا مو حالة هاي الف مرة گلنا البنت يتيمة يعني اكبر حرام تأذوها واذا عمها جان سبب بوفاة عمي فهي مالها ذنب وعمها مجرد سبب بالوفاة ما قتلو متعمد
.
.
وانت شفتو السيارة شلون مدعومة وسمعتو الحادث شلون صار هو دا يمشي وطلعت سيارة عمي بطريقو شيسوي الرجال يطير بالسيارة وهسا بيبي كل ما حجت وگالت ليندا
.
.
البارحة لو عمي مسوي حادث ولا صاير بيه مرض من العصبية شيفيد حقدها على ليندا اني ما اكره بيبي وما احب ينرفع صوتي بوجودها بس كلمة الحق تنگال بيبي ما الها اي حق تكره ليندا
.
.
بنت الحلال من اجت لا شفنا منها اذية ولا تجاوزت على احد وشايلة عمي بكفوف الراحة اني جنت اجي هنا واشوف عمي شگد فرحان ومرتاحة نفسيتو
.
.
وبيبي انتي اذا صدگ تحبين عمي غضب وتريدين راحتو فخليه عايش هنا ويا ليندا وابتسام واذا اجو علينا هناك استقبليهم بالاحضان
.
.
من الاخر انصبي عليهم وسوي نفسج فرحانة بيهم وتحملي هالساعتين ثلاثة عالقليلة من تموتين وبعد عمر طويل إن شاء الله راح تكونين مرتاحة لان تعرفين ان اولادج مرتاحين بحياتهم وهاي اني گدامكم اذا حجيي غلط شتريدون تسوون سوو
.
.
غضب: شگد تحجي انت
حسن: قسم بالله ما تستحي لساني صار بطولي علمود اقنعهم وانت تحجي هيج
.
.
غضب: ههههههههه المهم سمعتو حسن اكو احد عندو اعتراض بالحجي الي گالو
الكل: لا
غضب: وهذا الجاي اجى اشربو وبعدها نكمل
.
.
صبتلنا اية الجاي امي اقتنعت بكلام حسن وانا ارتاحيت لان حجى الي بگلبي وما خلى نقص بالكلام بحيث ما انطاني مجال احجي شي غير الحجاه بقينا نحجي وتعللو يمي وبعدها راحو واني من التعب نمت فورا
.
.
ليندا: گعدت ثاني يوم نزلت تحت محد گاعد بلشت بالريوك نزلت عمتي صبحت عليها وبعدها محمد وبعدو عمي حطيتلهم الريوك وگعدت احجي ويا محمد
ليندا: محمد شلون لگيت غضب
.
.
محمد: اول ما رحت لبغداد طلعت للمطار عندي صديق هناك تعرفت عليه من جنتي بالهند وبقينا على تواصل ومن رجعت من سوريا اجى سلم علي ومن رحت خليتو يبحث عن اسم غضب بالمجوزات وما لگاه
.
.
ومن طلعت جنت محتار وين ادورو بغداد جبيرة مو مدينة صغيرة واگدر الگيه والحمدلله بذيج اللحظة اجى للمطار وشفتو وگدرت اقنعو يرجع
.
.
ليندا:  ليش وين جان يريد يروح
محمد: مو مقرر جان يريد يحجز على اول رحلة تطلع بوجهو
ليندا: همزين لحگتو
.
.
محمد: والله جان شابع قهر ومن حجالي الموقف اني من عندي شبعت قهر عليه الله يعينو هو والله زين ما صارلو شي
ليندا: لا بعيد الشر غير اتخبل .. هو منو باقيلي غير انتو الثلاثة وهو
.
.
محمد: الله يحفظو الج
ليندا: ويحفظكم الي
محمد: عمي شنو رايك اليوم نسوي الگعدة مالت العشاير
.
.
خليل: بكيفك بس اني اشوف لو نأجلها لباجر افضل واليوم نروح لحسن نسلم عليه ونتطمن على صحتو
محمد: اي صحيح والله نسيت اني لعد بال 9 نروحلهم علمود نرجع بال 11 وليندا انتي وعمتي تروحن ويانا
.
.
خليل: تمام
ليندا: كملنا ديوگ وطلعو عمي ومحمد وبقينا اني وعمتي اتصلت على غضب
.
.
غضب: ها يالحب
ليندا: هلا حبيبي شلونك
غضب: الحمدلله يعمري انتي شلونج
ليندا: تمام
.
.
غضب: للوش راح اطلع بالسيارة للدوام من اوصل اخابرج
ليندا: راح يجونكم عمي ومحمد
غضب: ليش
ليندا: يسلمون على حسن
.
.
غضب: تمام حبيبي لعد شوية واخابرج
رجعت گلت لابتسام لازم نروح لاهلي
ابتسام: شكو
.
.
غضب: راح يجون اهل ليندا يسلون على حسن عيب ما نكون حاضرين
ابتسام: تمام لعد خلي اغسل المواعين ونروح
.
.
غضب: رحت غيرت ملابسي وخابرت اهلي گلتلهم يتحظرون خاف عندهم شغل شي وابتسام غسلت المواعين وجهزت تفسها ومشينا
.
.
رحنا لبيت اهلي واني مو ناسي الي صوب حسن بس حظو حلو ما صار عندي مجال احقق وياه وابرد گلبي بيه
.
.
ابتسام رغم جمالها وتعاملها الحلو بس ما فكرت بيوم اتمم زواجي منها لان لا اني اگدر اعتبرها زوجة الي ولا هي تگدر تعتبرني زوج الها لان الاخوة الي بيناتنا تمنعنا
.
.
مرات اكول اني كسبت خطاها حتى ما صار عندها اولاد ومرات اگول لا هي ما قبلت تتزوج عالاقل اني ما اضغط عليها وهي مرتاحة وياي
.
.
وما حبيت احجي وياها بهيج موضوع علمود لا تفكر انو اني احجي هيج علمود اتقربلها لهذا ساكت وصلنا بيت اهلي شفتهم دا يتريگون خلصو وبدو بالتجهيز
.
.
رحت اني جبت لحم للغدا لان مستحيل نخليهم يروحون بدون غدا الساعة صارت 9:30 اجو محمد وعمو ووياهم 2 زلم كبار والنسوان ام فهد والاكفال ليندا ههههههههه
.
.
……… يتبع
حطولنا ارائكم وتوقعاتكم