قلبي بيدهِ

بارت 7

لؤي : تعبت كلش بتحديثات شغلي وهم بنفس الوقت مكيف بيهن الكون كله مايسعني من الفرحه بديت خوش بداية والناس كامت تجي لان محل صار كلش راقي وبالهم بعد يوسعوه ويحدثوه بس يريدون يشوفون هل منه ارباح او لا والحمدلله الواضح راح يصير مصدر رزق لابأس بيه

ضليت افكر بعطله اماني اجاني فكره انروح للبصرة يم عمامي صار شكد ما طالعين هم صله رحم وهم تغير جو

واخلي احد اصدقائي على شغلي او احد من الي يشتغلون بالمول بما انو هل محل صار فرع من فروعهم ونروح نتونس ونكضي وقت يلا ارجع واطرح الفكره حجيت افكاري بصوت عالي حتى يسمعني مصطفى جان يعدل بالرفوف اجه يساعدني خطيه حيل تعب وياي

الظاهر بالك شارد وصافن صفنه ابو صابر هههههههه

مصطفى : ها شكلت ماسمعتك والله

لؤي : ههههه كلت ابو صابر شعنده يمنا اليوم متكلي شبيك هل فتره سارح بافكارك

مصطفى : صديت عليه وضحكتله ابو صابر هااا ولك سرحان بالعشق هههههه

لؤي : هههههه وجهك وجه عشق ربي يعين الي تاخذك المهم ان شاء الله خير هسة شكلت انت مو عمامك وقرابتك هم بالبصرة خل نروح عليهم احنه العائلتين

مصطفى : والله خوش فكره ارجع واطرحها على الوالد وخليه يحجي ويه عمو ونشوف هي اماني بس اليوم امتحان مو

لؤي : اي اليوم اخر امتحان خطيه تعبت وانتهت وهاي نص سنه لو اخير سنه شلون وشيصير بيها بس يلا هي هل سنه

مصطفى : ربي لايضيعلها تعب خطيه يلا هي بس سنه تتعب وان شاء الله تنال ثمرة تعبها بعدين

لؤي : اللهم آمين ربي يسمع منك كلنا جاي نسايس وضعها ونشجعها وضعها متوتر ههههه وهاي اطلعه كلها اريدها ع مودها

رجعنا اني ومصطفى سوة منتيهن من التعب خطيه مصطفى عايف شغله وكاعد وياي يرتب بالمحل لان يرادله شويه بعد واتفقنا العصر نطلع للابو نواس نتونس طبيت للبيت ولكيت بعدهم توهم يصبون بالغده سئلت على اماني وكالولي نايمه خطيه من التعب

رسل : تعال امي تغده وروح ارتاح واضح عليك التعب

لؤي : اي وربي ميت من الجوع والتعب خل اغسل وابدل رحت كملت واجيت اتغده وياهم

-بابا شنو رائيك نروح للبصرة على عمامي ونسه وهم نخلي اماني تغير جو خطيه من الامتحانات صايرة مكتئبه

محمد : والله اني هم بالي اطلعكم بس مافكرت يم عمامك جنت خال بالي الشمال بس خوش فكره هاي هم اشوف ابو مصطفى اذا يروح ونتفق وياهم

لؤي : اي والله علواه كلش ضوجه ويراد تغير جو ملينه شغل وبيت

سعاد : اي والله نطلع ونشوفهم وربي مشتاقتلهم هوايصار شكد من مارحنه وصلت الرحم واجبه

محمد : خير ان شاء الله اتفقنا بس بعد نشوف بيت ابو مصطفى اذا الهم واهس لو لا

اماني : رجعت للبيت واني فرحانه لان اخر امتحان وبنفس الوقت تعبانه ومثل كل يوم امي تستقبلني فديتها نبع الحنان شكد حنينه وتخاف علينا

رسل : ها يمه بشري شلونج اليوم ان شاء الله افضل واحسن

اماني : حمدلله زينه ماما تدرين بيه مارجع اذا ماراضيه ع اجابتي وان شاء الله الموفقيه والنجاح من ربي وان شاء الله مايروح تعبي

رسل : ربي لايضيعلج تعب ويوفقج ياعمري انتي ان شاء الله يتحقق حلمج ومايروح تعبج على الخالي بلاش

اماني : اللهم آمين ربي يسمع منج يا امي

رسل : يلا ماماتي بدلي وتعالي اتغدي صايرة تخوفين بلا جسمج هسة حلو لان ضعفتي شويه مو هواي هههههه بس وجهج امي السواد للخد ومصفرة

اماني : لا ماما اروح انام تعبانه العصر اكل وان شاء الله وجهي بس ارتاح ونام زين السواد يروح لحاله هاي من قلة النوم والتعب والقلق اكيد يصير هيج

رسل : كيفج عمري براحتج اذا تحسين نفسج تردين تنامين نامي وبالعصر اكلي على كيفج

اماني : رحت بدلت وغسلت ونمت وسرحت بالاحلام واشوف نفسي ناجحه وفرحانه وخلصانه من السادس وداخله القسم والكليه الي اريدها واحلم بيها ههههههه حتى بحلمي لاحكني خرب بالضيم

كعدت بال ٣ لكيت البيت صنطه نزلت غسلت واكلت تذكرت الحديقه والورد الي بيها صار شكد مامنتبهة عليهن رحت حطيتلهن صونده المي اسقي بيهن واشمشم بالورد خلصت وغسلت وصعدت وياي كلاص عصير لغرفتي طبيت

لغرفتي ورتبتها لان جانت هوسة كتب وملازم وقصاصات ووووو كومه كومه كمت الم كل شي واوراق المسوده اذبها بعد ماحتاجهن وهم ماريد اخربط غراضي بعد ورايه مشوار ورة نص السنه كلش طويل

الشغلات الي بيها تلخيص اضمها لان تفيدني بعدين تذكرت الاوراق الي الكاهن كل يوم امتحان بالباب ورحت وطلعتهن الي هنه ٧ اوراق على كد روحاتي لللامتحانات ههههه اعتقد شي مقصود شعجب عددها على عدد امتحاناتي
...يتبع