နတ်ဆိုးတိုင်းပြည်အနှံ စုဝေးနေသော နတ်ဆိုးများနှင့်အတူ ကျယ်လောင်စွာ ထွက်ပေါ်နေသော မီးပန်းများနှင့် ပွဲတော်နှယ့် ပျော်ရွင်နေကြသူတွေကို မော့ကျန်းကကြည့်နေသည်။
နတ်ဆိုးလို့သာဆိုပေမဲ့ အနည်းဆုံးတော့ ဒီနတ်ဆိုးတွေရဲ့ စိတ်ထားက ဟိုးကောင်းကင်ဘုံက အကြံကြီးတဲ့ ကြောင်သူတော် အဖိုးကြီးတွေစာရင် အများကြီး သာတယ်မဟုတ်ပါလား။
"အရှင် ဒီမြေခွေးလေးက"
နတ်ဆိုးပြည်ရဲ့ အကြီးအကဲက နတ်ဆိုးများအရှင် ပေါ်လာကတည်းက အရှင်၏ ရင်ခွင်ထဲက မြေခွေးလေးကို သတိထားမိသည်။
တစ်ချက်ကြည့်လိုက်ယုံနဲ့တင် နူးညံ့လိုက််မည့် အမွေးများနှင့် ရှားပါးသည့် အနီရောင် မြေခွေး အမြီးကိုးချောင်းက အဆင်တန်ဆာ အဖြစ်ဝတ်ဆင်လိုက်လျှင် တကယ် အဖိုးထိုက််မှာ အသေအချာပင်။
သို့သော် ထိုအကြီးအကဲဟာ အခြေအနေကိုသိသည်။
သူဟာ ဘယ်လောက်ပဲ မြေခွေးသားရေကို လိုချင်တပ်မက််နေပါစေ နတ်ဆိုးများအရှင်ကိုတော့ မဆန့်ကျင်ရဲပေ ဒါ့ကြောင့်သူက အခြေအနေအချိန်အခါကို စောင့်ဆိုင်းရန်သာ တွေးတောလိုက်သည်။
ခက်သည်က သူမည်မျှပင် အကြည့်လွှဲလိုက်စေကာမှု မော့ကျန်းကတော့ ထိုအကြည့်တွေ၏ လားရာကို တွေ့ရှိသွားခဲ့ပြီဖြစ်သည်။
"ရှောင်ပိုင်က ငါအရှင်ကို ချိတ်ပိတ်စည်းကနေ လွှတ်မြောက်လာစေတဲ့သူ"
မော့ကျန်းစကားအဆုံးမှာ အားလုံးက တိခနဲဖြင့် တိတ်သွားကြလေသည်။
ထိုအခိုက်အတန့်မှာပဲ တစ်စုံတစ်ခုက မှားယွင်းနေမှန်း နတ်ဆိုးများက သတိပြုမိလိုက်သည်။
သေချာပေါက် သုံးလောကတစ်ခွင်မှာ အရှင်လွှတ်မြောက်လာတာက ကောင်းကင်က နတ်မင်းတစ်ပါးကြောင့် ဟုပင်။
ထို့ပြင် ရှန်းတိမှာ ထိုနတ်မင်းကြောင့်ပဲ အိမ်ရှေ့စံ ချန်ကျွင်းဖြင့် အခြေအတင်ဖြစ်ခဲ့ကြသည်ဟု သိရသည်။
သို့သော် ယခု အရှင်ပြောပုံအရဆို အရှင့်ကို လွှတ်မြောက်စေသူက နတ်မင်းမဟုတ်ပဲ တန်ဖိုးကြီးရတနာလို အရှင်ထွေးပွေ့ထားသည့် မြေခွေးလေးပင်။
YOU ARE READING
My man is the Final Boss
RandomMain Godရဲ့ အားထားရာဖြစ်တဲ့ မော့ကျန်းဟာ systemကမ္ဘာရဲ့ ထိပ်တန်းhostတစ်ယောက်ဖြစ်တယ်။ ရက်စက်ပြီး ဘယ်သူကိုမှဂရုမစိုက်တဲ့ မော့ကျန်းတစ်ယောက် တာဝန်တွေထမ်းဆောင်နေရင်း ဖူလင်းဆိုတဲ့ ကောင်လေးကိုချစ်မိသွားခဲ့တယ်။ ဒါပေမဲ့ သူတို့ချစ်မိသွားချိန်မှာပဲ ဇာတ်လိုက််မ...
Arc 4.4
Start from the beginning