သူစိတ်လှုပ်ရှာနေတာကို အခြားသူတွေမမြင်စေရန် သူက ယွမ်ကျောက်စိမ်းစတူဒီယို တည်ရှိရာ အဆောက်အအုံသို့ မဝင်ရောက်မီ ရှီယွင်နန် နှင့် တွေ့ဆုံနိုင်ရန်၊ ယခုအချိန်အထိ တမင်တကာစောင့်ဆိုင်းနေခဲ့တာပင်။
ရှီယွင်နန် ထိုသူစိတ်လှုပ်ရှားနေတာကို မမြင်ချင်ယောင်ဆောင်နေသော်လည်း ထိုသူ့အား မစဘဲနေဖို့ကတော့ ခဲယဉ်းလှသည်။
"သခင်လေးယွမ်၊ ဖိုက်တင်း။"
"ဒါပေါ့၊ဒါပေါ့"
ယွမ်ရွေ့က သူ့ကိုယ်သူ ဖော်မိနေမှာ စိုးရိမ်တာကြောင့် တမင်တကာ ချောင်းနှစ်ခါဟန့်လိုက်သေးသည်။
အသံကို တုံ့ပြန်သလိုမျိုး ဓာတ်လှေကားတံခါးသည်လည်းပွင့်လာ၏။
လုကျောက်အန်းက တစ်ထပ်လုံးကို ကျောက်စိမ်းဒီဇိုင်းစတူဒီယိုအဖြစ် ငှါးရမ်းထားပြီး၊ ဓါတ်လှေကားမှ ဆင်းသည်နှင့်တပြိုင်နက် ရုံးခန်းလော်ဘီကို ဖောက်ထွင်းမြင်ရသည့် မှန်ချပ်ကြီးမှတဆင့် မြင်လိုက်ရသည်။
လုကျောက်အန်းရဲ့ အရပ်ရှည်ရှည် သွယ်လျသောပုံသဏ္ဌာန်ကို မြင်လိုက်ရတော့ ယွမ်ရွေ့ မသိစိတ်မှ ခေတ္တရပ်သွားမိ၏။ "ရှီယွင်နန်"
"ဘာဖြစ်လို့လဲ?" ရှေ့ကလျှောက်လာတဲ့ ရှီယွင်နန်က လှည့်မေးလိုက်သည်။
ယွမ်ရွေ့က လုကျောက်အန်းကို မျက်လုံးထောင့်မှ တစ်ချက်ကြည့်လိုက်ပြီးနောက် သူ့ရဲ့ပါးစပ်ကို ဖုံးကာ "အဲဒီနေ့က ငါ မူးပြီး စကားတွေ အများကြီး ပြောမိတယ်။ မင်း ငါ့ကို လျှို့ဝှက်ထားပေးဖို့ ကူညီပေးနိုင်မလား? အနည်းဆုံးတော့ ငါ့မိသားစု မသိစေနဲ့။"
ယွမ်ရွေ့က သူ့နားတိုးကပ်လာပြီး ရှားရှားပါးပါး အသံတိုးတိုးလေးဖြင့်ပြောလာသည်။ "ကျေးဇူးပြုပြီး ငါမင်းကို အကြွေးတင်နေတယ်လို့ သဘောထားလိုက်ပါ။ ငါ နောက်တစ်ခါကြ ပြန်ဆပ်ပါ့မယ်။"
ရှီယွင်နန်က ထိုအဖြစ်အပျက်ကို သေသေချာချာ သတိထားမိသွားပြီး မျက်ခုံးပင့်ကာ "စိတ်မပူနဲ့။ ငါ တခြားသူတွေရဲ့ ကိစ္စတွေမှာ ဝင်ပါရတာကို မကြိုက်ဘူး။ မနေ့ညက မင်းပြောခဲ့တာကိုတောင် မေ့သွားပြီ။"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.