Mistakes We Can't Laugh About (Loser #2)

Chapter 48

Chapter 48

Nagpatuloy ang ganoong set-up namin ni Leon. Minsan ay sa treehouse kami nagpapahinga at minsan naman ay sa pad ko. We could live separately, of course, but we couldn't get enough of each other and we'd been apart for so long that I wanted to keep him as close to me as possible. Tuwing Saturday, Sunday, at Monday lang kami naghihiwalay para solong gawin ang mga trabaho.

"May grand reunion daw tayo, ah? Pupunta kayo?" tanong ni Meg habang nagvi-video call kaming apat nina Shaira at Zoey.

"Ako, baka hindi. Dami kong work." Humikab si Zoey. "Kayo ba, Mari? Shai?"

Nakita ko ang pagngisi ni Shaira sa akin. "Pupunta ako. Si Mari ang hindi ko alam. Nando'n si Leon, eh. Ang awkward nila last time." Tumawa pa ito.

Pinigilan ko ang mapahalakhak. No one knew that Leon and I started dating again, aside from Nash and Nathaniel. Kahit kina Mill, Karsen, at Kat ay hindi ko pa binabanggit. We just wanted to enjoy our time alone first before telling our friends about it.

"Ano'ng meron?" usisa ni Meg. "Hindi pa ba kayo nagkakabalikan?"

Zoey pouted cutely. "Oo nga . . . akala ko okay kayo."

"Hay nako! Magkakasama lang kami no'ng celebration ni Nathaniel, 'di ba? Hindi nag-uusap 'yong dalawa!" sagot ni Shaira. "Taka nga si Thaddeus na hindi pa sila nagkaayos samantalang nauna naman kaming umuwi raw kay Mari. Siguradong hinatid 'yan ni Leon sa tinitirahan niya ngayon at gabing-gabi na kami natapos!"

I rolled my eyes jokingly to suppress my laughter. "Lagi n'yo na lang kaming pinagchi-chismisan."

Meg chuckled. "Aba, Mari, kilos-kilos. Kung gusto mo pa si Leon, akitin mo na! Patay na patay pa rin naman 'yon sa 'yo."

"Si Leon dapat ang lumapit kay Mari," saad ni Zoey. "Hindi na natuto 'yon. Ang torpe pa rin."

"Zoey, sino bang hindi matotorpe kay Mari? Nakakatakot tumingin, eh. Parang lalabanan ka lagi!" agad na sagot ni Meg.

Shaira laughed. "Korek! Mata palang, basted ka na agad! Hindi mo rin talaga masisisi si Leon."

My laptop was just on my bedside table and the camera was pointed at me, but I ignored my friends' banter . . . kahit pa kita nila ang ginagawa ko. Sumandal na lang ako sa headboard ng kama at itinuon ang atensyon sa cellphone ko. Ka-text ko rin kasi si Leon.

"Tingnan mo 'tong gagang 'to!"

I heard Zoey laugh. "Sawa na 'yan sa 'yo, Shai."

"Umay na sa topic. Puro tayo Leon, eh!" sabi pa ni Meg.

Hinayaan ko lang silang mag-usap doon. Ganoon yata talaga ka-bored si Shaira at wala na siyang ibang ginawa kung hindi ang mangusisa sa estado namin ni Leon. Pikon na pikon siya na hindi pa kami nagkakabalikan. May parte tuloy sa akin ang gustong sabihin sa kanya na maayos na kami. Kaya lang, mas masarap siyang panoorin na ma-stress sa amin.

From: Zamora

What do you want for dinner? Mag-grocery ako pagkatapos ng class ko.

To: Zamora

Hindi naman tayo magkikita ngayon, ah? You should rest. I'll just re-heat the food I cooked earlier.

From: Zamora

D'yan ako magpapahinga. May ginagawa ka ba?

To: Zamora

Wala naman. Ayoko lang na mag-drive ka pa papunta rito. Puwede namang ipahinga mo na lang 'yan sa treehouse. Magkikita rin naman tayo sa Tuesday.