#حكايات_منار
حكاية "خطيب اختى "
يا دبلة الخطوبة عقبالنا كلنا ونبنى طوبة طوبة في عش حبنا
النهاردة خطوبة اختي ليلي اختي الكبيرة دكتورة وعريسها دكتور برضه زيها دكتور في المستشفي اللي هي اختارت تاخد فيها الامتياز بتاعها شافها هناك كذا مرة وجه اتقدم وهي وافقت شافت انه مناسب وفيه الشروط اللي هي كانت حطاها للشخص اللي هترتبط بيه خطوبتهم تمت بسرعة
رجعت من الكلية تاني يوم لقيت ماما في المطبخ وعاملة غدا ملوكى وكميات تكفي مائدة رحمان علشان خطيب اختي معزوم النهاردة عندنا علي الغدا
جرس البيت رن روحت افتح وانا باكل تفاحة وبقول حمدلله عالسلامة يا حاج وشكلى بقي زفت لانه طلع خطيب اختي مش بابا زى ما كنت مفكره خبيت التفاحة ورا ضهرى ودخلته
رهف باحراج:انا اسفة فكرت حضرتك بابا
امجد :محصلش حاجة يا
رهف :رهف اخت ليلي الصغيرة الاسم بس اللي لبنانى انما الشخصية مصرية جدااا
لقيته بيبصلي كده وكانه بيحاول يستوعب اللي بقوله
رهف :والشكل كمان مصرى قول قول متكسفش اديك خت الشكل البناني يا سيدى
(ليلي اختي حلوة اوى بيضا وعينيها ملونة طويلة كمان ومهتمية بشكلها ولبسها جدااااا مزة يعني من الاخر )
ثواني هروح ابلغ ليلي انك جيت
رهف :ليلي خطيبك بره
ليلي :طيب هخلص لبس واخرج
رهف: رحت لماما المطبخ قلتلها قالتلي طيب خدى عصير قدميه واقعدي معاه سليه لحد ما اختك تلبس وابوكي يرجع من الشغل مش عارفة ايه اللي اخره كده
رهف :اسليه ايه يا ماما هو انا روتانا سينما عموما حاضر
عدى الجمايل بس يا ست الكل
رهف :منورنا والله يا ابيه قلتها وانا بقدمله العصير
امجد :شكرا
رهف :في نفسها يخربيت الملل طب اكلمه في ايه ده
ابيه عرفت ان حضرتك دكتور يا ترى بقي دكتور ايه
امجد :دكتور عظام
رهف :اشمعني اخترت تخصص عظام
امجد :عادى يعني شغله كويس وحسيت اني هبقي شاطر فيه
رهف :يعني مش علشان بتحبه
لا انا عكسك انا كلية اعلام كانت حلمى من وانا في اعدادى حتي مدخلتش علمى علوم زي ما بابا وماما كانو عايزين ودخلت ادبي علشان احقق الحلم ده والحمد لله حققته وبقالي تلت سنين فيها
ليلي :مساء الخير
امجد :مساء النور
رهف :طيب انا هقوم اساعد ماما في المطبخ بقي عن اذنكم
حطيت مع ماما الاكل وندهتلهم بابا كان رجع من الشغل واتغدينا كلنا خطيب اختي قعد معانا شوية وبعدين مشي
عدى اسبوع تاني وبرضه نفس الحوار ماما واكل كتير في المطبخ جرس الباب رن المرة دى سبت التفاحة في المطبخ احتياطي فتحت طلع بابا دخل يستحمي ويغير هدومه
جرس البيت رن تاني وكان خطيب اختي المرة دي
امجد :رهف اذيك عاملة ايه
رهف :الحمد لله اخبار حضرتك ايه يا ابيه
امجد :انا تمام
رهف طيب انا هروح انده ليلي وبابا
بابا كان لسه بياخد شاور وليلي كالعادة لسه بتلبس
رهف :ليلي مش كل مرة تفضلي تلبسي في ساعة كده ده خطيبك يعني وحاي يشوفك في البيت ملوش لازمة الاهتمام ده كله بشكلك ولبسك
ليلي :معلش يا رهف عشر دقايق بس
رهف :امرى لله حاضر
خدت عصير من المطبخ ورحت الصالون
رهف :منورنا يا ابيه معلش ليلي لسه بتلبس فاتت مضطر تقعد معايا بقي لحد ما تيجي وضحكت زي الهبلة
وهو ولا اي اندهاش حرجني جدا قولتله تحب اشغل التلفزيون في ماتش النهاردة تقريبا
امجد :لا انا مليش في الكورة
رهف :طيب متابع برنامج مثلا او حاجة علي اي قناة
امجد بابتسامة:لا انا مبتفرجش عالتلفزيون خالص بس لما تتخرجى وتعملي برنامج هبقي اتابعه بقي علشان خاطرك
رهف :دي حاجة تشرفني بس انا مضمنش اوى انك تتابع اللي انا ناوية اقدمه
امجد :ليه يعني
رهف :انا عايزة اقدم برامج اطفال
امجد :اشمعني برامج اطفال
رهف :علشان بحب الاطفال جدا وحبا اقدم حاجة تسعدهم ويتعلقو بيها ويستفادو منها الاهتمام ببرامج الاطفال يكاد يكون منعدم والحاجات اللي بتتقدم ليهم مش مفيدة خالص بالعكس
امجد :معاكي حق ربنا يوفقك
رهف: تسلم يا رب
عبدالرحمن :اذيك يا امجد يبنى
امجد :الحمد لله بخير يا عمى
رهف :طيب هقوم انا اساعد ماما في المطبخ
واتغدينا وشوية ومشي
بليل لقيت طلب صداقة جايلي من امجد نورالدين قبلته
لقيته بعتلي عالماسينجر
امجد :رهف اخبارك ايه
رهف :الحمد لله تمام يا ابيه وحضرتك
امجد :بخير الحمد لله لسه صاحية
رهف :اه انا مبنمش بدرى
امجد :لا انا صاحي اجبارى عندى نبطشية النهاردة
رهف :ربنا معاك شكلك مبتحبش السهر
امجد :قبل ما ادخل الكلية كنت بنام بدرى وبصحى بدرى بس لما دخلتها بقيت بنام لما ظروفي تسمح لما اشتغلت في المستشفي بقي النوم بقي حلم بالنسبالي وحلو في اي وقت
رهف :هههههه معلش اهو كله من اجل راحة المرضي
امجد :وده اللي مصبرنى يبنتي والله
انتي بتذاكرى انا معطلك عن حاجة
رهف :لا خالص مش كل الناس مجتهدة زيك انت وليلي وبتذاكر طول الوقت
امجد :انا مكنتش بذاكر طول الوقت
رهف :يا سلام مش مقتنعة لا شكلك كده كل تقديراتك كانت امتياز
امجد :لا والله كان فيه حاجات امتياز وحاجات جيد جدا وجيد عادى ومقبول كمان
رهف :مقبول مقبول بجد اللي هي اقل تقدير دي
امجد :اه مقبول دي طيب اقلك علي سر
رهف :قول
امجد :انا مرة شلت مادة بس محدش عرف مقلتش لاهلي لحد ما امتحنتها تاني ونجحت فيها الحمد لله
رهف :لا انا بتفاجئ بيك النهاردة والله
انا هقفل بقا علشان هنام عندى كلية بكرة سلام
امجد :سلام
وفضلنا نتكلم تقريبا كل يوم
وجه اليوم الي بيجلنا فيه الجرس رن وفتحتله ودخلته وروحت انادى ليلي
رهف :ليلي خطيبك بره ايه ده انتي لسه بلبس البيت
ليلي :هو ايه اللي جابه بدرى كده عموما رهف اقعدى معاه لحد ما اجى
رهف :حاضر ده حتي بابا لسه مرجعش من الشغل يا ربي عالاحراج
وخرجت وقعدت معاه بس الكلام بقي اسهل وهو بقى بيتكلم اكتر
تقريبا كلامنا عالفيس خلاه يشيل الوش الخشب الي كان مركبه
ليلي جت وانا ساعدت ماما نحط الاكل واتغدينا وشوية ومشي
بعدها بيومين علي الماسينجر
امجد :رهف هو لو واحد عايز يجيب لبنت هدية يجبلها ايه
رهف في نفسها ايوه بقي يا لولا شكله هيظبطك في هدية كتبتله :حسب شخطيتها وهي بتحب ايه
امجد :طب معلش وضحيلي اكتر علشان افهمك انتي مثلا تحبي يجيلك ايه
رهف :سلسلة فضة عليها اسمى نفسي فيها جدا بس محدش من العرر صحابي فكر يجبهالي ومج عليه اسمى بخط حلو بس ليلي بقي ممكن تجبلها برفانات او ساعات او شنط خصوصا لو لونها نبيتي بتحب اللون ده جدااااا
امجد :تمام انا هقفل بقي سلام
رهف :سلام
وكالعادة جه اليوم اللي بيجلنا فيه فتحتله الباب وشايفة فى ايده شنطة هدايا
رهف :ايوه بقي يا ابيه هدايا وحركات حالا هنده ليلي
ليلي :اذيك يا امجد
امجد :انا تمام الحمد لله
ومد ايه ليا بشنطة الهدايا كل سنة وانتي طيبة يا رهف
رهف :وانت طيب يا ابيه مكنش لازم تتعب نفسك
احنا مبنعترفش باعياد الميلاد والجو ده في البيت حتي ليلي تقريبا متعرفش ان عيد ميلادى كان من يومين
فتحتها ولقيت سلسلة فضة عليها اسمى ومج عليه اسمى وقصص اطفال وكتب عنهم
رهف بسعادة :تسلم يا ابيه شكرا بجد مش عارفة اقولك ايه
وفرجت ماما وبابا علي الهدية وشكرو كلهم وليلي كانت مبسوطة بخطيبها الشيك الزوق
وخلص اليوم ومشي
علي الماسينجر باليل
رهف :شكرا جدا عالهدية مش مصدقة ان الحاجات دي جتلي ومع بعض شكرا من هنا لحد بكرة يا ابيه
امجد :المهم انك مبسوطة
رهف :جدا انا هقفل بقي سلام
امجد :سلام
وبعد شهرين اتقدملي واحد جارنا قعدت معاه وطلبت وقت افكر
خطيب اختي جه وبابا وماما قالوله ياخدو رايه في العريس ومواصفاته
امجد :انتي ايه رايك
رهف :والله يا ابيه لسه مش عارفة هو محترم وبابا شكر فيه جامد بس انا لسه مخدتش قرار
امجد :اللي فيه الخير يقدمه ربنا استاذن انا
باليل لقيت موبايلي بيرن
رهف :الو ايوه يا ابيه
امجد :رهف متوافقيش علي العريس اللي متقدملك ده
رهف :ليه بس يا ابيه
امجد :هي كلمة وقلتها متوافقيش وخلاص انتي مينفعش تتجوزيه انتي مينفعش تتجوزي حد غيرى
رهف بصدمة :ان.. انت بتقول ايه يا ابيه
امجد :اللي سمعتيه وبطلي تقوليلي ابيه دى
رهف :لما تكون اكبر منى بحداشر سنة مينفعش اقولك غير كده ولما تكون خطيب اختي الكبيرة مينفعش انت تقولي كده
امجد :انا بحبك يا رهف
رهف :انت اتجننت صح
امجد :لا متجننتش واللي قولته هتسمعيه هترفضي العريس ده وهنتجوز
رهف :وليلي ابيه اسمعن..
امجد قاطعها :اسمعيني انتي انا هسيب ليلي وهنتجوز انا بحبك ومقدرش اعيش من غيرك وانتى مش هتكوني لحد غيرى انتي فاهمة
رهف :فاهمة ايه فاهمة انك عايزنى اتجوز خطيب اختى الوحيدة عايزني اخسر اختي واهلي اللي امنوك ودخلوك بيتهم
انا هقول لبابا وخطوبتك من اختي اعتبرها اتفسخت ولو فكرت مجرد تفكير بس انك تكلمني تانى مش هيحصلك كويس
وقفلت السكة في وشه لقيت ليلي اختي ورايا بتعيط جامد وفجاة اغمي عليها جبنا دكتور كشف عليها وقال جاتلها صدمة عصبية
اعوذ بالله من الشيطان الرجيم ايه الكابوس ده قمت شربت مية واتوضيت وصليت الفجر مقدرتش انام تاني لحد ما روحت الكلية بتاعتي قابلت منى صاحبتي حكتلها اللي شوفته في الحلم منى بتحب تقرء في علم النفس وصاحبتي من واحنا صغيرين
مني :بصي با رهف انتى مخك بيحاول يوصلك رسالة معينة وهي ان خطيب اختك بقي خطر انتي نمتي وانتي بتفكرى في الهدية اللي جبهالك مخك كمل تفكير وحاول يحظرك
حبيبتي مينفعش تتعاملي بالطريقة دى مع خطيب اختك وتتفاجئى لما تلاقيه اتعلق بيكي وحبك ده خطيب اختك مش اخوكى حتي لو كان اكبر منك بحداشر سنة وحتي لو اتجوزو برضه لازم يكون التعامل بحدود علشان متحصلش حاجة نندم عليها انتي نفسك ممكن تتعلقي بيه طول ما التعامل بينكم كده هنعمل ايه ساعتها الحدود مهمة في تعاملك مع اي حد مدام يحللك حتي لو كان اكبر منك بمية سنة
رهف :معاكي حق
روحت البيت وطول الطريق بفكر لحد ما عرفت انا هعمل ايه
روحت لليلي اتكلم معاها
رهف :ليلي كنت عايزة اخد رايك في حاجة كده
ليلي :حاجة ايه
رهف:واحدة صاحبتي كانت مخطوبة وخطيبها سابها وهيخطب صاحبتها
ليلي :هي صاحبتك وحشة صاحبتها احلي منها يعني
رهف :بالعكس دي صاحبتي احلي الف مرة بس مبتهتمش بحاجة غير شكلها مبتهتمش بخطيبها بيحب ايه بيكره ايه مبتتكلمش معاه صاحبتها بقي استغلت ده اتكلمت معاه واهتمت بيه لحد ما اتعلق بيها وساب صاحبتي وهيخطبها مع ان صاحبتي احلي منها بكتير
ليلي :وانتي قلتلها ايه
رهف :هاقولها ايه يعني قلتلها انها غلطت هي اللي سابت فراغ في حياته جت صاحبتها وملته هي اللي غلطت في الاول شكلها الحلو مش ضمان انه يفضل يحبها لانه ممكن يشوف الاحلي وساعتها يسيبها انما لما يحب روحها وشخصيتها واهتمامها بيه عمره ما يحب ولا يشوف غيرها ونصحتها بقي تنسي خطيبها ده وصاحبتها لانهم ميستاهلوش وهي تاخد بالها المرة الجاية متغلطش نفس الغلطة متسبش فراغ يجي غيرها يملاه وبعدين تزعل قلتلها درس بقي واتعلمي منه انتي رايك ايه
ليلي :انتي معاكي حق في اللي قلتيهولها
وطلعت موبايلها واتصلت
الو امجد اخبارك ايه انا تمام كنت عايزة منك رقم طنط فاطمة
لا عادى هطمن عليها والداتك يعني والدتي
تمام هكلمها بعد ما اقفل معاك انت في المستشفي اكيد طيب خلي بالك من نفسك وكلمني لما تروح مش هنام غير لما تكلمني مع السلامة وكلمت مامته واطمنت عليها وبعدين قعدت جمبي عالسرير وقالتلي عايزة اجيب لامجد هدية تفتكرى اجبله ايه
رهف بابتسامة :اي حاجة هتجبيهاله باهتمام اكيد هتعجبه 💖
#حكايات_منار
فضلا تدعو لابويا بالرحمة والمغفرة وان يسكنه الله فردوسه الأعلى هو وموتى المسلمين جميعا خصوصا من زال أثره فلم يزره زائر ولم يذكره ذاكر
