طغيان اليامور

part23

ادعموني ب تصويت +متابعه

-قراءه ممتعه ♥️.
_______

يامور

صار الوقت متأخر دخلت لصاله جنت ناويه انام
بس سمعت صوته وراي

:-راح تنامين هنا؟

:-شنو جاي تشوف

:-يعني عناد هو عناد !؟

:-لا بس كتلك فوبيا يابشر ماتفهم انتَ

:-دخلي جا نامي هنا
حجه وهو يأشر ع غرفته
رفعت حاجبي مقابله

:-مانام بنفس مكان الـ انتَ تنام بي

:-مفاتيح الغرف موعندي هسه ولصبح انه ما انام عندي شغل

:-لعد ابقى انت هنا واني انام جوه لو العكس معندي مشكله

:-انه جوه وانتِ هنا

:-ما متوقعه منك الطف اساساً

:-لاتتوقعين

التفتت اريد ارجع المكاني
حجيت بهمس:السافل البخيل

:-من تحجين احجي بصوت اعلى الجبانه

:-داحجي ويا نفسي انت شكو الحشري
قبل ليجاوب لفيت نفسي بالفراش وماتحركت

شوي وحسيت بحركته فوك راسي بقه فتره واكف بعدها حجه

:-راح تنامين بالحجاب

رفعت الفراش عن وجهي
:-اي

:-مزوجين احنه يابه

:-اي بس معاقدين

:-باجر نعقد وعادي تطلعينه

:-هسه انت شكو اني ممتقبله شوف شعري
كام ومشى وهو يحجي

:-وطبج مرض ميت ع شعرج غير علمودج الزقجه

همست بصوت ما سمعني السافل البخيل  دخل غرفته وسد الباب حيل

نمت فوراً من تعب احس عضامي متكسره معني م سويت شي

ياقوت

شهكت بخوف وضميت نفسي ورا لارين من حسيت بي يتقدم بسرعه عليه
سحبني من كتفي يعت بيه ويصرخ بكل صوته اكو شي صار بحنجرتي منعني احجي شي ربط لساني ما اكدر من الخوف ما اكدر حتى ادافع ع نفسي

حسام:-حيوانه وينهااااا الـ يا مك***راحت ويننن راحتتت
فهمينييي راح ذبحج بيدييي جيبيهه خلي اغسل عارهاا العالم تمشي وصيح عارك بيا حظن ...

يصرخ ويعت بيه ماسك كتفي بقوه بأيد ولايد ثانيه يضرب وجهي ويرجع ع شعري تكطع بين ايده
كل هذا ماهمني كد ما اشوف بابا بالباب ينضرله ورافع راسه وساد الباب خازني ولا الأضرب مانع  خاله ميامين وحتى امي العمرها ما تقربت ولاحسيت بحبها وبحنانها تريد تدخلي وما مخليهه لاول مره احسها تريد تحميني

فقدت بعد مصرت احس بشي من صار يدفر بطني حضنت نفسي مثل جنين واتمنى تخلص حياتي بهاي الحظات ، اخر جمله سمعتها منه هيه..