طغيان اليامور

part 14

ادعموني ب تصويت +متابعه

-قراءه ممتعه ♥️.
_______

_____
مرور يومين ..
_____

يامور

هدوء الي احنه بي يخلي كلبي يرجف يحسسني مثل الهدوء ما قبل العاصفه حيل مخيف هذا شعور يرجف كلبي منه..

خاله اني كملت شوفي اذ ضبط !؟

-معدله خوش سويتيهم ،
لتفتت لـ مرام و شمس غمتهم: امداجن ؏ هسالفه خزيتنه صار ثالث مره تعيدنها ومصارت كومن منا كووومن رفعتن ضغطي

مرام، الدولمه من ايدها وكامت: هاج دولمتج عمه انه دكتوره شجابني ؏ طبخ ونفخ

الحجيه: بعد عيني عين الي يطلعج طب
ﭑنتَ طب مجاري هواي عليج اشو ولي عن وجهي ولي

مرام: بعد حبطيني بعد خاف انه عندي واهس اقرا ابشرج نعدم

تركت المطبخ وطلعت وهيه دردم والحجيه تردها
رجعت دارت ؏ شمس

الحجيه: لحكي صاحبتج يلااا يلا خربتلياها شوف ساعه راح تصير 12ونص وانه الـ هسه ممخلصه بسببج

شمس:ياا فوك ماساعدج هو هم صوجي هاج هاج

الحجيه: وين موليه صيحي هذيج الرعنه وتعالي كفلي المطبخ

شمس كلبت عيونها وكالت:اييي تدللين

رجعت لتفتت النه اني وياقوت ونرجس
وكالت: عفيه سباعيات وحده منجن تصعد للغرف تعزلهن

هزينه راسنه مثل شاطرات وغسلنه وتوزعنه ؏ الغرف
هذا كله عقاب لان البارحه كسرنه المواعين بسبب الملل كلنه نسوي تجارب اكل ومضبطنهم فـ المواعين نص تكسر نص حترك وحتى سعاد متكرع راسنه هذا عقاب حتي الحجيه تذبها براس ابنها سجاد ف هيج راح نطلع منها ومتشد ويانه كلنه

دخلت الغرفه الكريههه هو كريهه بس الحق ينكال غرفته مرتبه مايوم دخلت وشفتها وصخه

مهم بس كفكفت اوراق الي ؏ جربايه وباكيتات جكاير ايع يدخن هم كبر
بس اكثر شي يعجبني بغرفته الوانها غامقه حتى الحمام غامق يجذب ويسحر جمال الالوان
انتبهت حتى اخوانه هيج دزاين وتصميم غرفهم هيج
بس بضل كريهه ومينطاق وغثهه

كملنه ونجمعنه سوه بين مايجون حتى انصب الاكل
مر وقت ودخلو كلهم للصاله وكعدنه احنه البنات بجهه ولولد بجهه
كل م ارفع راسي وتلتقي عيني بعينه يخزرني والحمزه كريههه ماينبلع هيه كوه

ياقوت
كملت جاي اكوم اغسل وشفت شهم كدامي بتعدت خطوتين للورا حته اسويله مجال يمر من يخلص الان الممر ضيق

عبرني وجاي ينشف وجهه بصفي نتبهت نضرلي من فوك لجوه بستهزاء وكال: لو رجع الوقت تعيديها مو

ياقوت بأستفهام:نعم مفهمت؟

شهم: غلسي وعيديها عود
دار وجهه ومشه بغرور حرام اذ مطلعت خبل انه اطلع مافهم شي