كنت اتمشى ببطئ لكي اتمكن من النظر الى احمد اكثر ..
احمد : منانه هالة
هالة : اهاا ماعرف بيتكم شي
نظر احمد لي بأستغراب ..
هالة : امممم اكو شي
احمد : ايي طالعة حلوة ( ابتسم و ذهب )
عادت حرارتي للاتفاع مجددآ .. نادتني نسرين من المطبخ
نسرين : هااااي تعاي هنانه
ذهبت الى المطبخ .. امسكن الفتيات بي من يداي
دينا و داليا و نسرين : شصار شصار
هالة : باوعلي و كال طالعة حلوة
وضعت نسرين يدها ع خصرها ..
نسرين : اي احمد ينطيهاا بالوجهه اذا يشوفج حلوة يكول بسرعة و اذا لا يكولج محلوة لو يعيبهالة : صدك حلووة
دينا : اي حلووة تسوين راس هل ضعيفةة الحقيرة
دخلت غصون الى المطبخ في تلك الاثناء ..
غصون : هلو بنات شلونكم
نسرين : اشو حارة راح اروح اشغل المبردة
دينا و داليا : الحمدلله زينين
هالة : الحمدلله
غصون : شنو هاي هالة طالعةة حلوة
هالة : تسلمين حبيبتي انتي الاحلى
نسرين : بناااات شغلت المبردة اصعدو بغرفتي
دينا : يلااا
ذهبنا الى غرفة نسرين جلسنا هناك ..
داليا : الله يساعد احمد
نسرين : اوكفو شوفو شراح اسوي .. دزيت رسالة لاحمد
بعد قليل .. طرق باب الغرفة ..
نسرين : تفضل
احمد : شنو !
نسرين : تعال اكعد
احمد : خلي البنات ياخذون راحتهم راح انزل
نسرين : هم يريدوك تكعد
هالة : خلص عوفيه براحته
نسرين : و خاصةة هالة
هالة : لا لا والله اصلا محاجيه
احمد : ههههههههه شبيج فزيتي اعرف هاي الخبلة
نسرين : تعال فدوة
دخل احمد و جلس ع السرير بجانب نسرين ..
احمد : اي شلونكم
داليا : احنه زينين و انت
احمد : الحمدلله بخير
دينا : لك دير بالك ع هالة من تسفرها
احمدة : بعيوني و انتي منو علمود توصيني
دينا : اعرفك هسة تعوفها و تسج وحدك بالشوارع
احمد : اهاا ليش منو كلج اني دينا
كنت انظر الى احمد .. قامت دينا بضربي ع يدي .
دينا : لج دافعيلي مو داحجي و ااوصيه عليج
هالة : هاا !!
احمد : هههههههههه هالة مطفية متعرفين شبيها
هالة : هههههههه ممطفية
احمد : هههههه اشك والله .. يلا اخذو راحتكم اني استاذن
نسرين : هو احنه شفتهمنه منك
احمد : ع اساس اني من ارجع للبيت اشوف يا بومة
نسرين : مرتك البومة اني شكو
نظر احمد الى نسرين بغضب ..
احمد : نسرين !! لا تجيبين طاريها( هل من الممكن أن قلوبنا لا تتغير حتى بعد تعرضها للخيانة
هل من الممكن أن قلوبنا تعشق ما يؤلمهاا حد الموت !! هل آن قلوبنا فقط لاول شخص يمتلكها . )
هل لازلت تحبهاا .. ان كنت تحبها فكيف !! و ان كنت لا لماذا لا تريد احد ان يمسسها بسوء .
خرج احمد من الغرفة و هو غاضب .. لا اعلم سبب النبضة المؤلمة هذه .. نظرت الى نسرين
نسرين : شبيج تباوعيلي هيج !! لا تضوجين عوبة صدكيني ميحبها
هالة : يحبها بعده يحبها نسرين
دينا : الرجال ميحب الي تخونه هو الله يساعده هم عاش وياها 3 سنين قصة حب اكيد جانت بيناتهم هواية امور و ميكدر ينساها
داليا : لو يحبها جان نسى الي سوته و عاش قصة حبه وياها من جديد و ع اقل صار عدهم جهال
هالة : ماعرف بعد احس بعده يحبها
نسرين : نعرف صدكيني بس ع اقل نحاول وياه اوك .. امي دزتلي رسالة امشو ننزل نسولف جوه
البنات : يلا .
عند نزولنا صادفنا غصون على السلم متجهه الى غرفتها ..
ابتسمت و اكملت سيرها الى غرفتها .. نظرت لها و هي تفتح باب غرفتها هي و احمد !! أتسال مالذي يحدث داخل هذه الغرفة ..
عند الساعة ال7 مساءآ
اتصلت امي بي لكي اعود ..
هالة : بنات يلا لازم نروح
والدة نسرين : اوكفو هسة احمد يوصلكم الدنيه ليل
غصون : احمد يمكن ديشتغل
نسرين : انعل ابو الشغل خطية يروحن وحدهن
نظرت داليا الى دينا و بدأت بالضحك بصوت منخفض .. دخل احمد الى الغرفة ..
والدة نسرين : حمودي وصل البنات
احمد : من عيوني يلا اتجهزو و تعالو انتظركم بره
هالة : راح اصعد اجيب جنطتي
ذهبت الى الطابق العلوي و الجميع متواجدين في غرفة الضيوف في الطابق السفلي ..
ذهبت الى الطابق العلوي لاحضار حقيبتي .. اخذتها من غرفة نسرين و خرجت .. اردت النزول الى الطابق السفلي و لكني رأيت باب غرفة احمد مفتوح قليلآ .. لن آكذب لم استطع تمالك نفسي او ان امنع نفسي من الدخول الى الغرفة .. دخلت الى الغرفة ..
فتحت الباب قليلا و نظرت لها .. تسللت و لكن تسلل فضولي قبلي للدخول .. الغرفة من الطراز التركي ( الديكور الخاص بها ) عيناي تركتا الغرفة بأكملها و اتجهتا الى السرير .. السرير الذي كان باللون الاحمر ( هل ينام معها في نفس السرير ) !!
ع السرير كانت ملابس غصون ( الداخلية ) مع قميص احمد .. أبعدت نظري عن ملابسها .. تسللت بهدوء بالقرب من قميصه
قميصه الاسود .. حملته بين يداي و شممت عطره .. وضعت يدي ع فمي و ابتسمت بخجل ..
هالة : عطره يخبل .
تركت القميص ع السرير ..
( ارجعته كما كان في وضعه السابق ) .. لفتت انتباهي تلك زجاجة العطر السوداء ع الطاولة انا متأكدة انها له ..
قرأت اسم عطره الذي يستخدمه ( Armani Code )
ابتسمت انه آنيق حتى بختيار نوع عطره .. و انا ابتسم و احمل عطره دخل احمد الى الغرفة .. عن رؤيتي له اخفيت العطر خلف ظهري تحدثنا قليلآ و خرجت مسرعةةبقلم الكاتبة سارة مزهر حسابي @_novels1
في هذه الاثناء عند احمد و الفتيات ..
_ أحمد .
كنا نقف في الخارج انا و الفتيات ننتظر هالة .. بدأت دينا بالبحث عن هاتفها
دينا : وين جهازي دكو عليه فدوة
نسرين : فوني جوه
داليا : هسة اشوف عندي رصيد
احمد : هسة ادك عليج
تحسست جيبي الخلفي للسروال و لكن هاتفي لم يكن موجود ..
دينا : هذا هذا لكيته
احمد : اني موبايلي فوك اصعد اجيبه و اجي
داليا : غير تجي هالة
عدت الى داخل المنزل .. صعدت الى الطابق العلوي لاحضار هاتفي .. دخلت الى غرفتي لاجد هالة هناك .. نظرت لها بستغراب
احمد : معبالي احد موجود بالغرفة اكو شي
هالة : اااا .. لا جنت ارتب بملابسي ع المراية
احمد : اعتذر دخلت بسرعة معبالي موجودة
هالة : لا عادي مصار شي
خرجت مسرعةة .. لم افهم ما بها .. أخذت هاتفي و خرجت من الغرفة طلبت دينا و داليا ان اوصلهم اولا .. اوصلتهم و كنت اتمشى انا و هالة .. نظرت لها و هي تسير بخطاها سارحه ..
احمد : شبيج !!
هالة : ها .
احمد : هههههههههه لا مو يمج
هالة : اهاا ماشي
احمد : لا تمشين هيج بعيد هذا شارع عام خاف تجي سيارة
هالة : اوكي
نظرت لها مجددآ و هي لا زالت شاردته الذهن ..
احمد : هالة !
أجابتني ببرود ..
هالة : هاا
احمد : تحسين بوجع او شي دايخه اجيبلج دوه
هالة : لا مابيه شي
اوصلتها الى المنزل و طرقت الباب فتحت والدة هالة ..
والدة هالة : هلا حمودي
احمد : هلا بيج عمه .. عمو موجود
والدة هالة : لا هنانه بالاسواق ديشتري
احمد : خلص امرله و اسلم عليه استاذن اني
هالة : احمد !
احمد : ها هالة
هالة : تصبح ع خير
احمد : و انتي من اهل الخير_ هالة .
صعدت الى غرفتي .. دخلت لاستحم .. و خلدت الى النوم !