دينا : حجيتو تسجيلات لو حجي صوريلنا لج
داليا : شكووو منوو شنوو
هالة : حجينا صوت راح ابجي هسة ادزلكم ياه
في هذه الاثناء تلقيت رسالة من احمد ..
قمت بتشغيل المقطع الصوتي ..
احمد : شوفي هالة حولت السفرة ل لندن بعد شهر و اني ابقى شهر و ارجع ماكو اشكال و انتي ابقيج يمة عمتي ..
قمت بارسال التسجيلات الى الفتيات ..
داليا : لا يالفطيرة شبيج اااا و اااا ههههههههههههه شكد عيب
دينا : بله بشرفج انتي شكل وحده عايشة بلندن و حاجيه ويه ولد و مطلعه ع الدنيه شبيج ياحظي
نسرين : هسة سمعتهم كلهم ههههههههههههههههههههه ااااا هههههههههههههه اااااااا
هالة : لكم كافي كتلكم حرارتي ترتفع بس سمعت صوته
نسرين : تحبيه والله وداعته هو تحبيه
دينا : دز شي جديد
داليا : لكم راح اذبحها ام اااا ههههههههههه عزة فطيرة
هالة : دز تسجيل هذا دزيته لكم راح ابجي كافي ..
نسرين : احجي بطريقة لطيفة احمد يحب البنية اللطيفة يلا دزيله تسجيل
قمت بتسجيل مقطع صوتي .. حاولت ان استرخي ...
هالة : اوكي بعد شهر نسافر ان شاءلله
احمد : ان شاءلله يلا تصبحين ع خير
هالة : و انت من اهل الخير .
ذهبت لكروب الفتيات ..
هالة : لكم احس خدودي راح تنفجر
نسرين : هههههههههه معجبة مغرمة انا بئه مش عايزة الا هوه
هالة : انجبي
دينا : بحكم خبرتي بالحب يااختي هنيئآ انتي بديتي تحبين و شكرا و سهلا
داليا : اكلكم اكلكم فهموني السالفة من البداية
هالة : بنات حرارتي مرتفعة كلش راح اروح اغسل وجهي و انام انتو احجولها القصة
قمت بغسل وجهي ثم خلدت الى النوم .
في اليوم التالي .. جلست اشاهد التلفاز .. سمعت صوت هاتفي يرن .. ذهبت لارى المتصل كان احمد
هالة : عزة عزة اجاوب اجاوب لو لا لا مااجاوب لا اجاوب
أجبت ..
هالة : الو
احمد : الو هلو هالة ..
هالة : هلو احمد
احمد : اكولج عمي ناسي موبايله بالبيت شوفيه فدوة اخابره ميرد
هالة : بابا بيه شي !!!
احمد : لا مابيه بس اريد اعرف ليش ميرد شوفي جهازه خاف ناسيه !!
هالة : ابقى ع خط هسة اشوفه
ذهبت الى غرفة امي .. طرقت الباب و سالتها ..
هالة : ماما بابا ناسي فونه
والده هالة : اي طلع مستعجل و نسى موبايله كال رايح بشغلة لعمج جمال
هالة : اهاا اوك
اغلقت الباب و وضعت الهاتف ع أذني ..
هالة : ايي ناسيه
احمد : اي قلقت عليه .. يلا اترخص اني
هالة : باي .
خرجت والدتي من غرفتها ..
والدة هالة : ويامن جنتي تحجين
هالة : ااامممم .. ويه شسمه .. احمد
والدة هالة : ليش اخذتي رقمه
هالى : ايي ابن عمي و عادي
والدة هالة : هالة !!!
هالة : شنو
والدة هالة : ليش بس احمد .. منين جبتي رقمه
هالة : من نسرين علمود السفرة و هيج
والدة هالة : صارلج هواية تحجي وياه
هالة : لا والله بس البارحة و اليوم دك عليه
والدة هالة : لا طورين علاقتج بيه هو متزوج
هالة : ماما شنو السالفة هو شصار
والدة هالة : احجي وياج من البداية احسن لان بعدين ميفيد الحجي .
و كأي قصة عشق .. يتهموها بالفشل قبل حتى أن ( تبدأ ) !
يحكمون عليها قبل أن ينظروا الى تفاصيلها ..
لا يعلمون أن قصص العشق باتت متشابهاا .. بأحداثها و لكنها تختلف بالتفاصيل !
لا يعلمون أنك عند وقوعك بالحب .. تحتاج فقط ( للايمان ) في ذلك الحب .. للوثوق بقلبك فقط !
لم و لن يفكروا .. ما مشاعر كل من العاشقين !!
و لكن أنا كأي عشيقةة كأخبرك بشي .. أن امتلك الحق بهذا الحب ..
أنا اعلم أنك لي من البدايةة .. و لن آتركك !
لا أجيد التنبوء بالمستقبل .. لكنهاا ثقةة ( بقلبي ) فقط !
هالة : ماما ارتاحي ماكو شي .
عدت الى غرفتي .. اتصلت بي دينا
دينا : قلب القلب
هالة : ها روح الروح
دينا : تعاي نطلع
هالة : لا مالي مزاج
دينا : لو بيها احمد السالفة طلعين
هالة : ههههههههههههه لا كبر
دينا : يلا بله حجي زايد فدوة خلي نطلع
هالة : مالي مزاج والله
دينا : شبيج !!
هالة : ماما قبل متفتهم السالفة كلتلي ميصير و متزوج و ماعرف شنو بس شافتني احجي ويه احمد
دينا : هي هاي شغلة الامهات بس ينكن ... امممم عندي فكرة
هالة : الي هي !
دينا : نروح لبيت عموو علي
هالة : لا عززة مااروح
دينا : اشوف احمد شلون يتعامل ويه هل بومة و بالاضافة تصيرين كباله و تحجون
هالة : لااا مااروح كافي
دينا : لج والله ميحبهاا و عندج مجال وياه
هالة : دينا كاافي فدوة
دينا : هففف لا تعاندين شكد تضوجين اكولج احمد بنات العشيرة كلها تتمناه بس ساكتات بس اني و نسرين و داليا نحبج و نعرف بيج تستاهليه و نريد نساعدج و هو هم خطية شنو ذنبه متزوج وحدة حتى ميكدر يتقرب يمها
هالة : مسمعتي كلام ماما
دينا : ياابة كلهن هيج يحجن بس من تصير صدك هي اول وحدة توكف وياج يلا راح نجيكم اني و داليا و نروح ع بيت عمو علي
هالة : اوك منتظرتكم
ذهبت الى غرفة امي .. طرقت الباب
هالة : ماما
والدة هالة : هاا لولة
هالة : البنات راح يجوون علمود نطلع
والدة هالة : منو منهم و وين تروحن انتظري ابوج يجي يوصلكم
هالة :داليا و دينا لبيت عمو علي البنات يكولون قريب علينه
والدة هالة : اي هو فرعين و توصليلهم ميحتاج سيارة بس شمعنه بيت عمو علي !!
هالة : دنشوف نسرين
والدة هالة : بس !!
هالة : ليش محسستني انو اني و احمد دنعيش قصة العشق الممنوع ماكو شي صدكيني
والدة هالة : اي مصدكتج بس من خوفي عليج داحجي هيج
رن جرس المنزل ..
هالة : فدوة للي تخاف يلاا يمكن جووي
ذهبت لافتح الباب ..
هالة : هلا هلا
دينا : يلا حنجهزج
داليا : ايي ايي
ذهبنا الى غرفتي ..
هالة : بنات اريد ابقى ع طبيعتي
داليا : هسة احنه حنحولج مثلا انجبي عيوني
دينا : خابرو نسرين نسالهاا ع احمد
داليا : تمام هسةة
انتهت الفتيات من تجهيزي ..
ارتديت سروال باللون الاسود و ( بدي اسود و سترة باللون الاصفر ) قمت برفع شعري الى الاعلى ارتديت كعب عالي باللون الاصفر ( يتخلله القليل من الازهار ) و حقيبة باللون الاسود .. وضعت القليل من مستحضرات التجميل اتجهنا الى بيت عمي علي .. اتاني اتصال من نسرين
نسرين : وين صرتو ترة احمد اجه
هالة : هسة طلعنا من البيت
نسرين : عليج الله طالعة حلوة
هالة : هههههه هسة اجي و تشوفيني
وصلنا الى منزلهم .. طرقنا الباب .. فتح احمد الباب و هو يرتدي قميص ابيض ( ازراره الاولى مفتوحة ) و سروال باللون الاسود ..
احمد : هلا ( قالها ببتسامة )
داليا : هلا بيك اغاتي وخر دنفوت
احمد : هههههه ساد الطريق مثلا اني اغاتي فوتي
دينا : هليوز حموتي
احمد : هلا بيج عيون حموتي
كنت اضحك و انا انظر لطريقة تحدث الفتيات معه .. ليتني استطيع التحدث معه في نفس الطريقة
احمد : هلو هالة
هالة : هلو احمد
امسكت دينا بيد داليا و قامت بدخالها قبلي ..
