شنهي اطيب من اذيتك ❤️🩹
جنت اباوع الوارث عيونه صايرات حمر من البجي وشفافية منفوخه وجهه كله منفوخ وآثار الضرب الي على جسمه واضحه بسبب بياض بشرته
علي : انا راح اطلع رايد شي
وراث : وين رايح
علي : متكوم تطلع وياي نشتم هوا
وراث : اريد انام
علي : يلا براحتك
طلعت من الغرفه وطفيت الكلوب عليه وغطيته
ورود : وين طالع
علي : الجهنم
طلعت من البيت اخيرا راح اشوف عمر اخ صارلي شهر ما شايفه بسبب الخوف والسبب الأهم هيه الطائفيه والامريكان اصلا بعدهم
***
بدلت ملابسي وخلصت الفاتحه طلبت من علي اشوفه اريد اشمر نفسي بحضنه واشمر حزني وياها محتاجه هواي تعب الدنيا كله يروح من اصير بين حضنه وأيده ولمساته الحنونه
حوراء : هم راح تطلع وهم مراح تاكل
عمر : شبعان
حوراء : شوف وجهك شلون ذابل وشوف العيون صايرات الجوه ترا مو زين عليك وانت بيك ضغط على ساعه يهبط وتتخربط ... هاك هاي الفه من ايدي واكله الخاطري
ابتسمت بوجهه حوراء شكد لطيفه واكلت لفه من أيده
عمر : حوراء
حوراء : عيوني
عمر : اهلي وين
حوراء : خالتي كاعده بالصاله ومصطفى طلع للشغل
طلعت من المطبخ ورحت شفت امي شفت شلون معلكين صوره اخوي عثمان يم صوره ابوي ودموع امي تنهار على خدها
خديجه : بقيت بس انت ومصطفى
دنكت راسي واحس دموعي نزلن لا ارادي حضنتي امي وضلت تلعب بشعري إلي أن حسيت راح اغفا
كمت على حيلي
عمر : راح اطلع ويه صديقي
خديجه : دير بالك على روحك
طلعت من البيت امشي واخيرا راح اشوفه
***
الشرطي : سيدي
حر : نعم
الشرطي : انته مسلم
حر : خضر انت ملاحظ شكد صاير تافه اخر فتره
خضر : سيدي هوه سؤال
حر : انا مسيحي واعتقد انت تدري
خضر : زين اذا تريد تزوج هم تزوج مسيحيه
حر : خضر تروح من وجهي لا ارفسك رفسه تلزكك بالحايط
خضر : راح اروح بس قبل ما اروح راح نطلع مهمه اليوم
حر : تمام ... اطلع برا يلا
***
شفته بس ما شفت وجهه عادي شفت الجنه شفت راحتي وأماني واطمئمانيي عمري ما حسيت عمر مجرد حب عمر أحسه شي أعمق من الحب شي قريب على روحي دائما احس لله رزقني مثل الروح الثانيه الي بداخلي الي هوه عمر
عمر : اضلوعي مشتاقتلك الاديك لا تهدني
علي : ما اهدك لو يبقى اخر يوم بحياتي ما راح اهدك
عمر : علالي
علي : عيوني انت
عمر : غنيلي
علي : ههههههههههههه
عمر : لا تضحك غنيلي
علي : انت تدري صوتي شلونه
عمر : أحبه صوتك افضل من الف موسيقى والف اغنيه
فجاه علي بلش يغني
يا تجيني يا تخدني معاك .. يا تعلمني ازاي انساك
واتمني انسي حبك القي النسيان اماني
YOU ARE READING
حيفا
Teen Fictionألاحظتِ شيئاً ؟ ألاحظتِ أنَّ العلاقةَ بيني وبينكِ .. في زمنِ الحرب .. تأخذُ شكلاً جديدا وتدخلُ طوراً جديدا وأنّكِ أصبحتِ أجملَ من أيِّ يومٍ مضى .. وأنّي أحبّكِ أكثرَ من أيَّ يومٍ مضى .. ألاحظتِ ؟ كيفَ اخترقنا جدارَ الزمنْ وصارتْ مساحةُ عينيكِ مثلَ م...
