أسيـرة "داعـش"

part 22

(عنوان بيتنه الي ببغداد تعالي انتي ونور اني وعمار وضياء موجودين)

:-تمام هيج ساعتين ثلاثه ونجي ..

غلقته ومشيت اشرينه شكو شي نريد من ملابس مكياج دفاتر حلويات كله اشتريناه وسوكنه فرد مره ركبت السياره ودزيت رساله الحسن

:-احنه جاين ..وصدك نص ساعه واتصلت بي طلعنه سلم على نور أخذ مني السويج صف السياره سريع ما شاء الله مشينه واحس خايفه كتله

:-ليش كتلي تعالي لهنا

:-احنه والولد موجودين وهمه اصرو ولتخافين هزيت راسي

طبيت جانو كاعدين ويمهم فواكه وحلويات وياكلون ابتسمت واشوفهم يتناكرون باوعلنه عمار جان يضحك سكت من شافنه كامو سلمو نور وياي لازمه بايدي كال عمار

:-هذه اختج ؟

:-اي نور الي حجيتلكم عنه ..شفته تباوعلي ابتسمت كعدنه نسولف ونضحك ونسترجع ايام كبل من جنه عد داعش

:-الا صدك زهراء وروان وينهم

حسن:-زهراء اتزوجت بالموصل وعده ولد وروان جاي تدرس

عمار:-مو سمعت انخطبت

ضياء:-اي انخطبت هذاك اليوم كالت

ورده:-ياي اريد اشوفهن

حسن:-تمام ندبر موعد وكلنه نلتقي اي شلونج نور

باوعتلي نور ابتسمت منزله رأسه وتحجي

نور:-الحمدلله

ضلينه نحجي ونتفق على يوم نلتقي بي كلنه دك تلفون نور راحت ترد شوي واجتني وجهه اصفر كمزت

:-شبيج شكو

:-هاا لا ماكو شي

رحت يمه حجيت بهمس

:-شبيج نور ..هزت رأسه ما بيه شي كعدت ضليت ساكته كعدت اني هم وطول الفتره الاحنه كاعدين بيه هيه ساكته على كد السؤال تجاوب

شوي وكمنه رحمه ركبنه بالسياره

:-شبيج نونه منو الي اتصل

:-محد ..سكتت اهز براسي ما مصدكه وصلنه للبيت طبيت قفلت البيبان وبديت أرتب البيت وارتب المسواك كله رتبته نضفت الغرف سويت ونضيف للبيت

رحت للحمام نضفته جنت مشتريه شموع حطيتهن احبهن واحب ريحتهن

طبيت الغرفه نور لازمه التليفون حجيت واني احط الملابس على الميز

:-شبيج اليوم

:-اكلج شي بس لتخافين ولتسوين شي

:-شنو نور تره جاي تخوفيني

:-هوه شنو هاي الفتره جاي يجي ابن صديقه ماما هذه الي رحنه عنده يجي الصبح من تروحين ويسئل

:-بس لا تفتحين الباب

:-لا والله شبيج ما افتحه بس هوه يكول هذني غراض وصتهن امج

_ضربت على خدي هذا شناوي شيريد منه حيل خفت للصبح اني بس افكر امي وينه وين التوصاه ضليت هيج كل يوم الصبح أخذ وياي نور اخاف عليه

بس من بدت بالجامعه كلبي ارتاح كمت اني اوديه واني اجيبه بطريقي والظهر تبقه بالبيت من اكون بالعياده

كعدت الصبح تعبانه حيل كمت غسلت وبدلت رحت للمطبخ اسوي الريوك طلعت جبن هدرت جاي فتحت التلفون اشوف شبي ما بي دخلت لانستا راسلت صديقاتي اتصلت بيه حوراء بت عمتي تسولف وتضحك كتله

:-شعدج كاعده بهيج وقت

:-شسوي مو من اكعد علي للدوام بعد ما اكدر أنام

ضلينه نسولف ونضحك طبت نور تبجي باوعتله متت ضحك المشط مجلب بشعره تجر بي مينجر فتحته كامره شافت نور ماتت ضحك غلقته منه ضليت احاول اوخر المشط من رأسه وكلساع صايحه

واني بس اضحك بعدين وخرته ومشطت شعره تريكنه وطلعنه وصلته للجامعه لمن دخلت يالله مشيت رحت للمستشفى لل12 كملت كلشي رجعت للبيت لانو نور ترجع من الجامعه ب 1 الظهر

غسلت وكعدت اسوي غده فتحت الثلاجه صافنه شسوي اخر شي طلعت فاصوليه وبديت اسوي اندك الجرس باوعت للساعه بعد وكت ونور اني اروحله منو راح يجي بهذا الوقت

رحت امشي وامسح بايدي كلت

:-منو

:-اني جعفر .....

يتبع 🔥....

تصويت ..تعليق بين كل فقره ...متابعه الحساب

تفاعلكم ميعجبني بس تشوفون البارت وتطلعون متدرون انتو التعب حتى عيوني يوجعني لو تشوفون التفاعل على قصه الضابط والنجفيه كل فقره عليه تعليق بحيث اتونس من اشوف التعليقات والتفاعل واتحمس اكتب ..