أسيـرة "داعـش"

part 22

ورده:-بالعكس طويل ومستور

تحمم عمار
عمار:-خلي البنيه براحته شتلبس خلي تلبس ما عسى تطلع عريانه عادي ..خزرته وهوه ضحك ضربه حسن

:-ادبسزز ..كاملي وخازرني رحت ركض ختلت يم الميز احجي

:-هاي شبيك يمعود نتشاقه

عمار:-عبالي ..كعد

ورده:-شنو عمار زعلت اني اسفه

عمار:-بويه اغدي فدوه للي يعتذر راد يكوم يحضني حسن كعده اخر شي مهتم اجه حضني يضحك وخرته مني اخذت جنطتي طلعنه من الغرفه امشي وهمه ليكدام واني وراهم

ركبت بالسياره اباوعلهم مبتسمه مشيت اتصلت بنوره كتله اتجهزي نتغده بره ونروح نشوف ماما وصلت نزلت بس بدلت وغسلت وطلعنه جنت لابسه

فستان عريض وبي حزام يجنن ومكياج ونور بنطرون وقميص ومكياج حاولنه شكد منكدر نخلي روحنه فرحانين اول رحنه تغدينه طلبت وكعدنه

ناكل بهدوء ونضحك ونور تصور حتى ترواي ماما كملنه وكمنه طلعنه رحنه للمستشفى كل ما نوصل احس كلبي يوجعني طبيت واني اشوف

المرضى ابتسمت واني اشوف بنيه مثل الملاك شعره ماكو ابتسمت صعدت للطابق البي امي نور لازمتني حيل طبينه جانت كاعده ولازمه بايده كتاب صحت ولافه الحجاب على رأسه وجهاز التنفس بخشمه

:-ماما ..شافتنه ضحكت كامت حضنتنه تبجي واحنه نبجي عود جنه مقررين منبجي ونصير قوين بس ضلينه نبجي حيل

:-اشتاقتلجن يمه فدوه بناتي ..تباوعلنه وتبوس بينه

نور:-شونج ماما مشاقتلج والنبي

امي:-يروحي انتي ماما بنتي لو تشوفن شكد اشتاقيتلجن ..خليت نور يمه واني رحت للدكتور سلمت وكعدت

:-اي دكتور شلونه ماما

:-لا احسن من قبل جاي ننطيه جرعات وجاي تتحسن أن شاءالله على ساعه واتصل عليج واكلج تعالي اخذيه واساسا ما بقى شي

:-ان شاء الله..ضليت احجي وياه نوب رحت يمه ضلينه يمه نسولف ونضحك ساعتين هيج وطلعنه بعد ما طمناه طلعنه ركبت بالسياره هستوني جاي امشي أجتي رساله التلفوني فتحته من حسن جان كاتب

(تعالي الهذا العنوان )

كتبت :-وياي نور ونريد نروح نشتري

(عادي جيبيه من تكملين )

سكتت كلت النور
:-هذا حسن دزلي عنوان وكال تعالي وجيبي نور

:-اي ووين هذا العنوان

:-مدري ..كتبت

:-حسن زين هذا العنوان