أسيـرة "داعـش"

part 15

وهسه كمتي تحجين بكيفج لا تره أني موجوده واكسر ايده الي يمد ايده على امي ..اصرخ بصوت عالي خازرته نزلت الدرج اباوع الامي الي تباوعلي نزلت بسرعه لزمته من ايده ام علي من شافتني بسرعه

طلعت كدامنه فتحت الباب وطلعت قبلته اتجر تكسي رغم لحد الان الأوضاع مو زينه بس بعد ركبت بالسياره ارجف حيل دائما تسوي مشاكل وبابا جان يدافع علينه

دوم جانت تذب سمه جي بابا يحب امي تغار عمي نسونجي يجب النسوان يموت على التراب الي يمشن عليه فلهذا السبب تكره ماما وبابا جان دائما يدافع عن ماما

وأكثر من مره صارت مشاكل وهيه السبب بيه فبابا قرر يطلع من البصره كله علمود شغله وعلمود هذا السبب اباوع للشوارع وعيوني مغوشه حيل تعبانه مو مثل لهفتي الهم لا احس عادي سواء اجيت أو لا نفس شي يجوز

كلبي مات ولا اني المتت امي ابدا محجت ولا ناقشت ماخذه وضعيه السكوت نمت من التعب كعدت من حسيت امي تحاسب نزلت فتت للبيت كبل صعدت فوك وغيرت

لبسي ونمت مالي خلك شي ..كعدت من حسيت ماما تصيحني كمت غسلت باوعت الشكلي بالمرايا متغيره حيل مو ورده القديمه الي كل يوم لازم تسوي عنايه غسلت ونزلت شفت امي كاعده ومسويه ريوك كعدت بدون كلام اكلت شوي باوعت الامي من كالت

:-اي محتسولفيلي ..؟؟

:-شنو

_شمرت الكلاص حيل أحسه كوه كاعد باوعت النور نزلت راسي

:-جنتي نايمه ونور بالحمام واني ورقيه نقره قران بابا بالدوام تدرين بعد ......سولفتله كلشي وهيه تبجي واني ابجي وصلت

:-ماما حبابين والنبي لو تشوفيهم واحد منهم انقذنه هوه الي هربنه ههههه اكو واحد بس يحشش يموتنه ضحك

:-كم بنيه

:-اني وغ غـزال وروان وزهراء ووحده اسمه اسراء بس ماتت بالطريق ..

:-رجعن الاهاليتهن

:-اسراء كتلج ماتت وغـزال اقرب صديقه الي يمه لو تشوفين شسوتلي بس لو تشوفين نزلت راسي ابجي ..ماتت يمه وتخيلي واحد من الضباط جان يحبه لو تشوفينه جنه ملاك يمه شكره تخبل

:-الله يرحمهه

:-ذكرت الامانه ..يمه هيه عايشه وي امه وبس هنه وهيه كالتلي على العنوان وكبل لتموت كالت امي امانه عندج

:-اي إذا هاي اليوم نروحله نشوفه ..باوعتلي وكأنه تريد تحجي شي

:- الكل جاي يطلعن عليج دعايه انو انتي لاعبين بيج ومسوين بيج العمايل

_باوعتله والدمعه بطرف عيني كمت من يمه غسلت وصعدت مصدومه مجنت متوقعه من ارجع هيج ..عيوني غوشت طبيت بالفرااش وحضنت المخده ودفنت راسي بيه ابجي واحجي وأعاتب

:-ليش هيج يبويه عفتني تقبل بنتك يتهمومه ها ولج رقيه وينج عني مجنني تقبلين أحد يحجي علينه أو يفك حلكه درت وجهي للسكف اندب بحضي

مره الايام اسوء من السوء الذكريات تخليني اموت واشتعل امي كل ما جالها جاي تذبل عيونه احمر على ازرك وحالته حاله حيل خفت عليه من الصبح لليل كاعده بس تبجي اذا اطلع الباب البيت اكعد السنوان يكومن يعيرن بيه

:-ها مره الدواعش ...لاعبين بيج ...حامل مو من يا داعشي ...شكم واحد لاعب بيج ..بحيث حتى بره بعد ما اطلع امي من شافت هيج بعد متخليني اطلع نزلت بليل عطشانه مريت من غرفه ماما اسمعه صوت همس

فتحت الباب واشوفه حاطه دشداشه بابا وكاعد بالنص وحاضنه الدشداشه على كلبه وتبجي غمضت عيوني سديت الباب شربت مي وصعدت نمت مالي خلك كلشي الآثار الي بجسمي جاي تروح اكو راحت واكو لا بعدهن

رجليه من الحرك مو هواي متاثرات بس حيل يوجعني بليل ركبتي بيه اثار مجاي ترضه تروح الالم براسي مو طبيعي كلبي يوجعني ومرات حتى النفس كوه اجره بحيث الليل بس ابجي

مره اسبوعين امي صاحتلي للغرفه كعدت اعدل بشعري

:-خيرج يوم

:-ورده لازمه نطلع من الموصل

:-ليش

:-ما أكدر اعيش هنا إذا تضل هنا اتخبل وانتي تتخبلين

:-وين نروح منين نعيش

:-نروح البغداد هناك تكملين دراستج واني اشتغل بلكت تشتغلين وبعدين نروح الذي قار السليمانيه الاي مكان

:-هزبت راسي اني هم اريد اروح لانو تعبت حيل من اشوف الهم شي اتخبل

:-شوكت

:-يجوز اسبوع ونطلع راح اتواصل وي خالج ياجرلنه بيت يشتري بين وانطي فلوس بس ما ادري بعد

:-زين عمامي مسئلوو

:-لا خلي يولون بينو على حقيقتهم ..سكتت كلت واني خاصرتني البجيه من اتخيل راح اشارك البيت الي تربيت بي

:-عادي احضنج ..؟

باوعتلي وبجت حضنتني حيل الصدره ابجي حيل ملجأي هذا المكان وخرت منه مبتسمه ما اريد اشغل باله طلعت بره ابجي حيل من اشوفه حالته هيج كلبي يتكطع عليه

وروحي أحسه تشتعل لليل كاعدين امي تقره قران واني كاعده هيج مالي خلك كلشي نور نايمه انتبهت الامي تباوع للباب مالت المطبخ استغربت اباوع ماكو شي صاحت

:-ولج رقيه تعاي ماما اكعدي ..دنكت رأسه تكمل انتبهت بجيت رجعت باوعت للباب وبجت غطت وجهه تصيح

:-ولكم ما مصدكه يون رحتو كل يوم احسهم هنا مستحيل يعوفونه لا مستحيل محمد ميعوفني ادري بي ولج رقيه ماما وينج يروحي روحي توجعني عليج شسوو بيج يماما روحج شكالتلج نبجي حيل حتى

نور تبجي كل يوم نكعد نلم بغراضنه حتى نروح بس كم شغله اخذنه امي تواصلت هناك وي صديقته عايشه وحده هيه وابنه فماما كالت نبقه كم يوم لحد منشوف

بيت وصدك يومين ورحنه عفنه الذكريات وكلشي ركبت بالسياره واني اشوف البيت هذا البيت الي كبرت بي والي ضحكت بي بجيت واني ارفع ايدي أودعه درت وجهي الامي حاضنه نور الكلبه حضنتني نبجي كلنه .....

يتبع 🔥...

بارت خفيف ردت اكتب أكثر بس كلت لا اريد ابلش بالبارت الثاني لحتى أنزله الكم من وكت تعليقاتكم وتفاعلكم لحتى اكمل