منطقة الحُب

الحلقة الحادي عشر

طيبة_زين سويتله كمادات وانطيته دوه
بديت احضر ريوك وسويت الميز نزلن البنات وتبارك بوجها للمغسله تتقيأ ركضلها شاهين

شاهين_شبيج بوية غسلي غسلي
هاج منشفة

ام شاهين _يمه شبيها

طيبة_جوز مستبردة

تبارك_اي جوز من البرد لاتخافون

شاهين_اوديج للمستشفى يحتاج ؟

تبارك _لا لا هسه طيبة تسويلي حليب وارتاح مو طيبه ؟

طيبة_عيوني الج كعدو اكلو يلا

ام شاهين _اكعد شاهين اكل لاتروح للدوام مماكل شيء

طيبة_كعد الكل ياكل واني فورت الحليب لتبارك ولشاهين انطيتهم

شاهين_ولكم هاي راح تخبلني جاهل يمج كمادات وشراب ابو الفرواله وحليب حار بعد حفظيني ووديني للروضه

طيبة_ضحكت غير مريض هسه احنه من نتمرض كلشي تسويلنه تستاهل اوكف وياك من تتمرض ياعيني وهسه اوديك للروضه ولايهمك

شاهين_ابتسمت سخيفه
باوعت لتبارك صافنه
الوووو وين وصلتي

تبارك_هاا ،شربت حليب وباوعتله

شاهين_بوية بيج شيء لزمت كصتها مصخنه لولا

تبارك_لا والله مابيه لاتخاف

زينب_شنو هاي شو محد يهتم بيه عود اني الجبيرة كلبت وجهي

شاهين_كمت بست راسها هيه مال غيرة كلجن احبجن يلا رايح

زينب_ابتسمت الله وياك

طيبة_شلت المواعين ونضفت البيت وصعدت لغرفتي احجي ويه ايهاب

فاطمة_صار العصر وكعدت تغديت وسبحت وكاعده اشسور شعري وبالي يمه ليش سدة البارحه وليش صوته هيج كالعاده صوته يرعد حتى لو يحجي بهدوء صوته عالي والبارحه مخنوك بالكوه سمعت صوته
اتصلت عليه بحجة الجلسه الاخيرة مال الوشم

شاهين_هاا فاطمة

فاطمة_احممم بخصوص الجلسه مال الوشم شوكت نروح خلصت متحانات اني

شاهين_عندي شغل اذا خلصته من وكت اجي

فاطمة_اوك
سديته ورحت يم نور لان ضوجه

نور_ولج فطيم هذا ابن خالتي جياته كثرانه

فاطمة_شسويله خلي امج تحب اخواتها مو دوم يمهن هيه

نور_اي بس هو مجان يجي ابد

فاطمة_سترك ربي

نور_دتشوفين جهاد لج ميته على شوفته عااا

فاطمة_وجعا لا مدا شوفه ديشتغل جوز

نور_سوده عليه رفعت ايدي كون من حيلي على حيلة ربي يرزقه ويوفقه ويجي يخبطني ونصير سوا وكو** ليفرقنا