أسَيـرة "داعـش"

part 2

#أسيرت داعش

#الكاتبه اسينــات

البارت الثاني

لا تنسون التصويت وتعليقاتكم ومتابعه للحساب

بسم الله الرحمن الرحيم 🤍.

•••••••••••••••••••••••••••••••••••••••••••••••

ما احس الا ماما كعدتني فزيت مخروعه اجر النفس كوه ايدي على كلبي تنهدت بضيق النفس كوه اجره احس شي حيصير غمضت عيوني اتنفس حيل وأيدي على كلبي

اجر النفس حيل كمت غسلت بسرعه وبدلت ولفيت الشال ولبست عباه وخمار على طلبهم شسوي حتى  اروح للجامعه نزلت شفت رقيه لابسه مثلي ابتسمت رحت صبحت عليهم تريكت واجه الخط رحت شفت رغد صديقتي كتله واني اعدل بالعباه

:- شلونج ولج

:-زينه

_باوعتله صوته مبحوح عكدت حواجبي كتله :-شبيج رغد ؟

:-بجت حاطه ايده على وجهه... وخرت النقاب عن وجهي ووصعدت نقابه عن وجهه وجهه احمر وعيونه حمر كتله

:-شبيج ؟؟

_تشهك:-البارحه طابين على بيت خالتي وماخذين مريم بنت خالتي

_شهكت حاطه ايدي على حلكي انصدمت وهيه تبجي

:-مريم ياا صخام الله لا يوفقهم يارب وهسه شصار ولج احجي مو فتيتي الكلبي

:-ما ادري ما ادري والنبي ما ادري احس راسي يوجعني

_حضنتنه اهدي بيه كلبي صار يوجعني اتخيل يدخلون علينه وياخذونه بابا يتخبل والله
باوعلنه عمو اسعد

:-بويه نزلن النقاب ليشوفوكم  ،، هزيت راسي منزله النقاب كالت رغد وهيه تصيـح

:-ليش أنزله هـا شنو هوه بكيفهم هذوله ليش نخاف ها اول وتالي احنه ميتين ليش نرضخلهم ها هيه موته موته ليش نخاف  ...تحجي ومحروك كلبه مسحت على ظهره نزلت النقاب ضليت اسولـف ويـاه وهيه بس تغلط وتبجي محروك كلبها منهم

وصلنه للجامعه مره الوقت بين المحاضرات رجعت على البيت قبل ما انزل وصيت رغد تتصل عليه نزلت سلمت

صعدت بسرعه بدلت ملابسي ونزلت بسرعه يم ماما سولفتله كلشي ما جذبت بشي ماما من تسمع هيج تتخبل وتخاف يصير بينه هيج ضلت تدعيليه خصوصا امي و ام رغد صديقات فماما نقهرت