Affair with her Bodyguard

30

Nagising siya sa isang malakas na kalabog sa labas ng kwarto. Napabangon siya agad ng kama at dali-dali niyang binuksan ang pinto. Hindi niya alam kung bakit hindi na siya nagulat nang makita si Xion sa harapan niya. Madaling araw pa lang at halos kakatulog niya pa lang.

Tama nga si Lloyd na kahit anong tago niya ay walang impossible sa binatang ito.

"Aj..." Aj? Natawa siya sa isipan niya. Napasuklay siya sa magulo niyang buhok at tinalikuran ito, isasara niya pa lang ang pintuan ng kwarto nang maiharang n anito ang kamay at dahil mas malakas ito sa kaniya ay hindi niya na nagawang isarado.

"Why did you come with Lloyd? You can't trust him! He's a man and this is his house!" he fumed in her face. Hindi niya ito pinansin at dumeretso sa kama niya at nagtalukbong.

"Aj, talk to me—"

"Inaantok pa ako, madaling araw pa lang, 'wag kang istorbo," ani niya na parang wala lang kahit na halos lumabas na ang puso niya sa katawan niya. Meron sa kaniyang parte na gusto niya tumakbo papalapit dito at yakapin ng mahigpit ang binata pero dahil mas nangibabaw ang galit niya rito ay hindi niya iyon gagawin.

"I don't have a good and enough sleep since you left, so talk to me now," there's a full authority in his voice that makes her get nervous more. Napabuga siya ng hangin at tinanggal ang kumot na nakataklob sa buong katawan niya. Umupo siya at tiningan ito ng blanko.

"Anong pag-uusapan natin? Tungkol sa pag-alis ko o tungkol sa kasinungalingan mo?" deretsong tanong niya habang nakatingin sa mga mata nito. Sinigurado niyang wala itong makikita na ekspresyon sa mukha niya.

"Baby... "

"Hindi ako sanggol, kaya 'wag mo akong tawagin ng ganiyan at isa pa, hindi mo dapat tinatawag ng ganiyan ang empleyado mo."

"I'm sorry, okay? Gusto kong humanap ng mas magandang tiyempo bago ko sa'yo sabihin ang tungkol sa bagay na 'yon," ani nito at hinuli ang kamay niya.

"Pinagmukha mo akong tanga— oh, baka naman nag-eenjoy ka makita ang isang malanding contract wife mo na pumatol sa isang bodyguard na asawa niya naman pala talaga?" rinig na niya sa sariling boses ang pait at sakit. Winaksi niya ang kamay nito.

"Hindi ako kailanman nag-isip ng ganiyang bagay sa'yo. You're my wife so what happened between us is not a sin or wrong!"

"Pero hindi ko alam! Hindi ko alam na ikaw pala ang asawa ko? Maraming pagkakataon, Xion! Marami... pero hindi mo man lang nagawang sabihin sa akin? Manhid ka ba para hindi maramdaman ang nararamdaman ko para sa'yo? Bakit ako bumigay? Para lang sa sex? Hindi! Hindi ako klaseng babae na bumibigay basta basta sa tawag ng laman lalo na't hindi ko gusto ang isang tao... Siguro naman ramdam mo na gusto kita 'di ba?" Pumiyok ang boses niya nang tumulo ang luha niya.

Masakit sa kaniya na nagsinungaling ito lalo na iba na ang nangyayari sa kanila.

"I... I don't know..." Natawa siya ng pagak sa sinabi nito. Napakamanhid...

"Ganito na lang, para matapos na 'to, pwede bang umalis na ako sa puder mo? 'Wag kang mag-alala, hindi mo na ako kailangan swelduhan pa kada-buwan. Payag din akong tapusin ang kontrata natin at makikipag-divorce lang ako sa'yo kung hanggang kailan ang nasa usapan. Ibabalik ko rin ang mga sahod ko galing sa'yo simula noong tumira ako sa bahay mo. Tutal hindi ko naman masyadong nabawasan ang pera na binibigay mo."

Tama, dapat lang na umalis siya sa puder nito. At least kahit papaano ay maisalba niya ang sarili niya 'di ba? Tuloy pa rin ang pagiging mag-asawa nila sa papel hanggang sa maging dalawang taon na sila. Halos isang taon na lang naman at matatapos na.