السلام عليكم
..................
نرجس : فتحت الباب وجان اشوف خيال واحد طفر من الدرج بسرعة مديت راسي حتة اشوف منو وشفت سجى تنزل بسرعة من الدرج كلت بكلبي الله واكبر يعني هم اليزوج ميخل منهة
نزلت فتت للصالة كعدت لحد المغرب خلص والعالم رجعت البيتهة وبقينة بس احنة بدلنة وبدينة انضف بلبيت وماما وعمة سماح وعمة ميسون بلمطبخ يسون عشة كملنة تنضيف وكعدنة
شوية والتمو كلهم بلصالة صبينة عشة كملنة وشربنة جاي ضلينة كاعدين نسولف ونضحك ومحمد يقدلد ع العالم
لساعة 11 كلمن كام الغرفتة واحنة هم كمنة نمنة كعدنة الصبح من وكت لان نمنة من وكت كعدنة بنشاط وحيوية صليت ونزلت الكل كاعد ماعدا فهد ومحمد
كمت اني والبنات نسوي ريوك والانسة سجى كاعدة وحاطة رجل على رجل والاكل يجي ليمهة
كملنة جهزنة كلشي صبينة وبدينة ناكل وجان ينزل فهد
فهد : صباح الخير
الكل : صباح النور
عمة ميسون :تعال اتريك اوليدي
فهد : بلعافية يوم
الحجية : عوفي يمة من يجوع عود امريتة اتسويلة اكل
فهد : ايي اشو احس روحي جعت
الحجية : كافي عيارة توك ماتشتهي
فهد : بس هسة اشتهيت
الحجية : ايي اشمشتهي ماتحجي حتة مريتك تطبخلك
فهد : كلت بصوت ناصي .. الشفة
نرجس : جنت كاعدة من يم القنفة الكاعد بيهة فهد حجة بصوت ناصي وكال الشفة اني غصيت ابلكمتي
ماما : يماا بنيتي اسم الله شبيج
مها : غصت غصت
سمر : هاج شربي مي
نرجس : شربت مي ارتاحيت صديت ع فهد وخزرتة وكال بصوت عالي
فهد : يلاا بوية خلصي اكل ترااح حيل جوعان
سجى : اني شبعت لحمدلله هسة اسويلك ريوك
فهد : بس اني اريد من ايد مرتي
نرجس : سجى من الفشلة وجهة كام ينطي الوان عكدت حواجبهة وابتسمت حتة اتغطي ع فشلتهة
سجى : ايي بس نرجس دتاكل خطية هسة خمس دقايق والريوك جاهز
فهد : بس انتي منو كلج اريد اكل
سجى : لعد شتريد
فهد : ميخصج
نرجس : حاولت اتغطي ع فشلتهة الاولى بس للاسف اتفشلت انوب وراحت لزمت مبايلهة وكعدت ع دوشك
كملت اكل وكمت بلمطبخ وجهي اشتعل نار من ورة فهد يربي شنو من بشر ولا يستحي احجي وية نفسي وحسيت بايدين حاوطت خصري وهمس يم اذني
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
