الحلقه (9)
#ظلموني💔
الكاتبه يورا الترهوني 👑🔥
كان يعيط وعروق يديه بارزات عيونه حمر لدرجه غريبه الناس من حواليه يسألو خيره كأنه فقد انسان عزيز عليه او سمع خبر سيئ ومافيش حد قدر يسيطر عليه لين سمعو صوت خطواته كانت كافيه تخليهم يسكتو
معز: تلفت فجأه بعد مكان معصب ويعيط ع الدكاتره
كان الصمت سيد المكان ومعز مكانش متوقع حضور جده للمستشفى وناسي الناس لكانت حاوليه وانه وصل الخبر للمدينة
معز: بلع ريقه وهوا يفكر كيف ح يطلع من المشكلة لهوا فها وشاغل باله البنت وينها امس كانت هني واليوم اختفت هوا بروحه مش عارف علاش معصب عشان الشي هادا
قدم منه بخطوات تابته وبشموخ وقعد يشوف لمعز
معز: جدي خليني
وقبل مايكمل كلامه ضربه كف قدام الكل
معز: قعد يشوفله ونظراته نارر كيف ضربه هكي قدام الناس
الجد: اني هكي ربيتك وشد ع العكوز بتاعه
معز: يشوفله ومردش
الجد: عيط قولل يامعز
معز: عيط تي شن مداير الزحح
فتحي شده : متعيطش ع جدك ياقليل الادب معرفتش نربيك
قاطعهم راكان
راكان: خلاص اهدو مش قدام الناس وشاف للناس بنظره كانت كافيه انه تخليهم يمشو ومعاش ليهم اتر
مالك جي ببرود وهوا يدخن
مالك: شن الفضيحه لمدايرنها
مصطفى؛ نتفاهمو ف الحوش تعالو
أما معز كان مستغرب ومش عارف اصلا شن مداير
فتحي : كان يشوفله بنظرات تقتل
معز جي ل راكان
معز: شن فييي؟
راكان: ببرود معقوله مش عارف شن مداير
معز: تي شن في النممم مش عارففف
راكان: كمل طريقه ومردش
وطلعو ب السيارات والناس بدت تحكي ع الفضيحه لصارت
____________
روايات يورا الترهوني 👑🔥
ماسه: كنت ح نموت لو مجاش الراجل هدا
ماريه: وهيا حاضنه بنتها ب خوف ايه ربي يحبك
ميار: قصدي مش فاهمه شي انتي ليش طلعتي وتبكي؟ وشن دخل ميس؟
ماسه: تنفست ب عمق وهيا تتفكر لصار
كنت طالعه عشان نشوف لو في حاجه ناقصه بس سمعت ميس تبكي وكانت رجلها طايحه عليها حجر كبير نزلت نجري واني نبكي لانه كنت نحبها واني ناسيه انها ف الحوازه وفي رجاله واني طالعه هكي
ماسه: حضنتها وحولت الحجر من عليها واني نبكي وهيا تبكي بعد طلع مالك وكان واضح انه مش ناوي ع خير وكنت متوقعه انه يقتلني وخصوصا انه طالعه ب قفطاني
وراكان ساكت وسكر الباب
ماسه: مم مالك ءءء
وقاطعم صوت راجل واضح عليه كبير ف السن و معاه بنت مقعده كانت صغيره بس منضر الراجل مش مريح حسيت ب يد راكان حطني وراه ودخلني مع ميس
ميار: ومنو هادم
ماسه: مش عارفه بس نسمع ف صوت عياط الواضح انه مشكله صايرة بس البنت وجعتني كان باين عليها تبكي
ماريه: انشالله خير وقامه ميس عشان تحطها ف فراشها
هايدي خشت تجري : يابنات
ماسه: خيرك
ميار: خودي نفس
هايدي: جو معز وراكان وعمامي وجدي واضح انه المشكله صايرة انه معز ضاحك ع البنت ولما دارو حادت ونشلت خلاها وبوها جاي لجدي ودار فضيحه
ماسه: حيي
ميار: مستحيللل يديرها معز خوي ونعرفه
ماريه: ايه صح بتع بنات لكن مستحيل يضحك ع بنت الناس
هايدي: هدا لسمعته وحنينه ضغطهت ارتفع وعمتي فاطمه ورحمه معاها
ماسه: ياربي وطلعت
ف الصاله
كانت الجده مقعمزه وضغطها ارتفع بعد الفضيحه
فاطمه: هاك اشربي ياعمتي ضغطك مرتفع
الجده: هزت راسها ب لا وكانت دايخه
رحمه: كانت مقعمزة وتبكي ليش ياربي بس ليش ناقصين حني والله ناقصين
اما نورس كانت متشمته
نورس: لو كنتي ربيتي ولدك راهو مضحكش ع بنات الناس وصارت الفضيحه
رحمه: سكتت لانه مكانش عندها جهد عشان تتكلم وترد عليها🤷🏻♀️
هايدي: ماما الكلام هادا مش وقته
نورس: قلبت عيونها
ماسه: قعمزت جنب ميار وهما يستنو شن يصير
YOU ARE READING
ظلموني(منقولة_ليبية)
Action- يـكثر كرهـي للشخص يتغيـر علـيا بدون سـبب . رواية ظلموني. للكاتبة يورا الترهوني. منقولة❤❤..
