الحلقه (2)
رواية #ظلموني
الكاتبه #يورا الترهوني 🔥👑
مكان بعيد ع الضجه هادي كلها هادي صح كانت حالتهم ع قدهم بس مرتاحين 🤍
ريحة الخبزه فايحه ف الحوش ولمة العيله والحب بعيد ع النفاق والمبالغه كان المكان راحه وفيه البركه
بس قاطع الهدوء صوت عياط الواضح انها عركه اكيد ومن غيرهم 🤦🏻♀️😂
خشت غزاله ع بناتها وهما يتعاركو وشادين شعر بعض
غزاله: وهه عليا هادا شن راكم كبار يامطيوحين السعد
وتحاول تفكهم ع بعض بس مافيش فايده
غزاله: نسيبه يافرخه ارخيهااا
نسيبه: مستمره
غزاله: نسمه اركييي سادد
مافيش حاجة
غزاله: نعرف من يعرف يربيكم يامحسن محسن
وقفو التنين
نسيبه: ماما خيرك نلعبو حني بس وقعدت تشوف ل نسمه
نسمه: ايه ماما ها شوفي وخبطت نسيبه
نسيبه: همستلها كسره ياحقيره
نسمه: شويه فيك تنوريك ع الفلوس لوخدتيهم
نسيبه: رمشتلها عيوني 🥺
غزاله: شن تتهامسو من بكري
نسمه نسيبه: شي ماما
غزاله: باهي نوضي انتي وياها نظفو غرفتكم وتعالو ف الصاله جايين عمك وصغاره
نسيبه: خشيي بتجي ريان
نسمه: ايه تهبل البنت
غزاله: باهي هيا انتي وياها
وطلعت وخلتهم
نسيبه قعمزت ع السرير : نموت قصه ريان
نسمه: وشن دخلك فيها وبعدين حاجه تخصها
نسيبه: نبي نعرف خيرها بنت ف عمرها تشتغل خدامه عند عيلت عمك دراهات يفشكو ع الفاضي 🙂
نسمه: اكيد ظروفها وبعدين ماتقوليش قدامها شي ممكن ماتبيش حد يعرف
نسيبه: قلبت عيونها ح نعرف قصتها وقولي نسيبه قالت
نسمه: باهي نوضي ساعديني خلي نكملو بسرعه
نسيبه: رجلي توجع فيا مش قادره نتحرك 💔
نسمه: نوضي بلا كدب خير مانقول ل ماما شن درتي ورفعتلها حواجبها
نسيبه: اختفو وناضت
أما ب النسبه عندهم تحت
غزاله مقعمزة ع العاله وتهدرز ع حمد
غزاله: خود طويسه تروق اعصابك
حمد: ايه والله
غزاله: متشغلش بالك كل يوم ورزقه 💔
حمد: عارف والله بس خوي جايني هنيي وهما مايجوش للشرق ديمه
غزاله: فيه الخير والبراكه الحمدلله
حمد: الحمدلله
قاطعهم صوت معتز خاش يضحك
معتز: اووو خيانه عاله هدرزه واني مش فيها
غزاله: شن جابك انت مش تخدم
معتز: تلزي فيا انتي هكي لكن مقبوله منك
حمد: خيرك يافرخ شن مداير
معتز: تي والله مامداير حاجه خيرهم الزفف
غزاله: باه
معتز: الواحد حرام يقعمز معاكم وين بناتك حقا
غزاله: فوق خليتهم
معتز: اكيد صايره حرب بينهم بعدين تعالي جاي يامي
غزاله: نعم
معتز : محلوه يابنت شن مدايره
غزاله: من يومي حلوه
حمد:قعد يضحك
معتز: هازي شوفيه كيف يضحك
غزاله: ع شن هازي وشافت ل حمد
حمد: حرام الواحد يضحك
معتز: ولعت وقعد يشوف 😂
قاطعهم مندر خش
مندر : سلام عليكم
معتز: اني بنوض جاي النفسيه لتفرقي فيه بينا 😒
غزاله: بكري ياحنه هادي
مندر: تعرف تحترم نفسك وشن مداير مروح بكري
معتز: مدخلكش منضرك مستفز 😒
ومشي وبعدين ولا مبرد دمك الزفت وجهك زي وجهه نعيمه وطلع يجري
مندر: شن ياكلب وطلع وراه 😂
CITEȘTI
ظلموني(منقولة_ليبية)
Acţiune- يـكثر كرهـي للشخص يتغيـر علـيا بدون سـبب . رواية ظلموني. للكاتبة يورا الترهوني. منقولة❤❤..
