قيودي محررة

الـ قيد 1

القصة موجودة بـاحد المحافظات الجنوبية وبالتحديد

بمنطقة تحكمها العشائر والعادات والتقاليد .

__________________

" اريدگ ان تعرف جيدآ "

ان وجودك يشكل فارقـاً عظيماً في قلبي ، وفي تـوازنـي ،

وفي خطواتي وفي استقامتي واستقراري ، وليس يومي

فقط . واني معك استطيع ان اتحدث عن اتـفـه فكرة تخطر

بـبـالي ، وان اتحدث في كل شيء فعلياً في كل شيء '

حتى في الامور الاقل شـأنـاً ..

__________________

عادل : الله بالخير يابه .

ابو عادل : الله بالخير والعافية ..

عادل : بوية عندي موضوع وياك ..

ام عادل : خير يمة خوفتني شصاير ..

عادل : لا يمة ماكو شي .

ابو عادل : خيرك بوية ..

عادل : حجيت واني خايف يرفض '

اني اريد افتح موضوع الزواج واخطب البنية

الگتلگمـ عليها '

ابو عادل بصوت عالي : شكم مرة گتلك سيرة

البغدادية هايي بعد ماتنفتح ؟؟؟

عادل حجيت بترجيي : بس حجي ما يصير هيج ...

بحده ابو عادل : لا بس ولا ما يصير كلمة زايدة ماكو ..

ام عادل : يمة لو ابوك راضي اني ماارضى تدخل لبيتي

وحدة ما نعرف اصلها وفصلها منين ما منين ..

عادل : يمة البنية بقمة الاخلاق

رفعت حاجبها بعدم رضى ام عادل : وشبيهن بنيات خالتك

اشو هم جمال وهم اخلاق ..

ابو عادل : انتِ اسكتي منو من اخوتـة اخذ بنات خالتة حتى هو ياخذهن يريد ياخذ بنت عمة ما يريد الله وياا .

عادل : يابه بروح ابوگ خلي نتفاهم البنية تروحون وتسألون عنها وتشوفون وضعها وبهذيج الساعة اخذها ..