المعلم الوسيم

البارت الحادي عشر

ارحب بالبارت الحادي عشر من روايت(المعلم الوسيم) ♥️
محمد وروان بصوا لبعض بصدمه
ريتاج:الله الله ماشاء الله اجيب لحضرتكوا لمون
محمد بعصبيه وتوتر:انت ازاي تفتحي الباب علينا بالشكل ده
منار:اممم والله يا مستر اخص عليكي يا ريتاج ضيعتي علي الراجل
محمد:اي الي انت بتقوليه ده يا قليلة الادب
منار:اناا الي قلية ادب ولا الست الي عملالي فيها الخضره الشريفه
روان مكنتش عارفه ترد والمدرسة كلها اتلمت
المدير:في اي يا جماعه
ريتاج حكت للمدير كل حاجه والمدير استدعي محمد لمكتبه
المدير:مستر محمد انت صحيح لسه جديد علي المدرسه بس رغم كدا انت كنت من اكفأ مدرسين الرياضة الي موجوده هنا
محمد:كنت
المدير:امال حضرتك مفكر اي لما طلابك يشفوك حاضن واحده من تلاميذك يبقي اي يبقي ده اسمه
محمد:افهم من كدا اني مفصول
المدير:هتتحول للتحقيق الاول وبعد كدا تتفصل
محمد: واتحول للتحقيق لي ما اتفصل علطول
المدير:معلش دي إجراءات اتفضل
محمد طلع من المدرسه والكل كانوا بيبصوله بنظرات مش لطيفه خالص محمد دخل الحمام
عند روان كانت قاعده في مكان بره المدرسه جت ريتاج وشلتها واميره وكام بنت
منار:تعرفوا يا جماعه كان في واحده كدا بتقول ان انا واحده مش كويسه وبركب مع رجاله دلوقتي تعالوا شفوها بتحضن المدرسين
ريتاج:وياعالم المدرس ده بس ولا مين كمان
روان قامت وادت ريتاج بالقلم
روان :احترمي نفسك انت وهي انا انضف من ميت واحده فيكوا انت مش هممكوا غير ان المستر الحليوه اخترني انا ومخترش ولا واحده فيكوا ولو مفكره يا ست ريتاج الي انت عملتيه انهارده هيخلينا نفترق او نسيب بعض تبقي غلطانه وغلطانه اوي كمان انا ومحمد عمرنا ما هنسيب بعض و اوعي تفكري ان هو ممكن يبصلك انت او غيرك علشان هو بيحبني انا
ريتاج :كان زمن وجبر يا حبيبتي هو هيفضل يحب واحده كانت سبب في رفده من شغله وبعدين انا عايزه افهمك ان الرجاله مش بتحب البنات الرخيصه الي بتترمي في احضنها باي باي
روان:سبب في رفده محمد اترفد
روان راحت تجري تدور عليه تحت انظار الكل وهمسات البنات و شافت محمد وهو بيتمشي في حديقه قدام المدرسه طلعت جري وراه
روان:محمد محمد
محمد:نعم
روان:هو انت بجد اترفدت
محمد بحزن :ايوه
روان بدموع:انا اسفه اسفه اوي بجد انا انا
محمد بحب :اهدي يا حبيبتي انت مش السبب علشان تقولي كدا انا الي حضنتك والحيوانه الي اسمها ريتاج دي هي السبب اهدي
روان:طيب مفيش امل ترجع المدرسه تاني
محمد:بصراحه معتقدش اصلا المدير قتل الامل ده جوايه وقالي اني هتحول للتحقيق الاول وبعد كدا هترفد
روان:انا بجد اسفه
محمد:الله بقى هتفضلي تقولي اسفه كتير ما خلاص
روان:انا بحبك اوي بحبك اوي
محمد:وانا كمان يا روحي بحبك اوي
مشي محمد وروان روحت المدرسة واتعملها استدعاء ولي امر وطبعا اليوم مخلصش علي خير
روان روحت وهي من كتر العياط مش عارفه تشوف
اول ما دخلت من بابا الشقه
سهير جريت عليها وضربتها بالقلم
سهير:هي دي تربيتي ليكي هي دي
روان:اي الي انت عملتيه ده
سهير:مستغربه دا انا لسه هعمل وهعمل بتحضني المدرس بتاعك انا بنتي يقوله عليها مع علاقه مع المستر بتاعها انا ليه ليه قوليلي
روان ببكاء وصوت عالي:علشان حبيته ايوه حبيته اكتر منك انت شخصيا حسيته حنين معايه متمسك بيا اول ما عرفت محمد حسيت ان ايوه في سبب اني اعيش انا مكنتش عايشه قبل محمد انا كنت عباره عن جسم بدون روح كنت وحيده وانت السبب انا بحب محمد يا امي ومستحيل استغني عنه زي ما هو مستغناش عني
سهير:انا انا السبب في وحدتك لي عملتلك اي
روان:ما هي دي المشكله ا نك ما عملتيش يا ريتك عملتي انت دايما كان اهم حاجه عندك انت وبس كنت بتشتغلي علشانك علشان يبقي معاكي فلوس تعيشي بيها حياتك انا كان اقصي طموحي اقعد انا وانت علي سفرت الاكل كان نفسي تيجي تخديني في حضنك بس بدل كدا جيتي وقولتيلي عايزه اتجوز عايزه تتجوزي روحي اتجوزي اتفضلي وسبيني بس خليكي فاكره انك هتندمي يا امي هتندمي ندم كبير اوي بعد اذنك
روان دخلت كلمت مريم وحكتلها ومريم حاولت تهدي فيها بس مفيش فايده لغيت ما راحت في النوم من كتر العياط
تاني يوم بدؤ تحقيق مع محمد كانوا كل الطلاب شايفين محمد وهو بيتحقق معاه
الشخص اللي كان بيحقق مع محمد :ما هو رأيك فيما منسوب اليك
محمد:الي هو
الشخص:ان انت كنت بتتحرش بطالبه عندك في الفصل
محمد:ده مش حقيقي
الشخص:اممم استاذ محمد الانكار مش هيفيدك
محمد:حضرتك محصلش انا والبنت دي بنحب بعض وهي كان عندها مشكله وفضلت تعيط فحضنتها علشان تهدي
الشخص:الحضن كان بارادتها
محمد:هي من كتر العياط مكنتش حاسه اصلا
الشخص:هاتوا البنت
الشخص:مستر محمد بيقول ان انت وهو كنتوا علي علاقه ببعض
روان:ايوه دي حقيقه
الشخص:حصل بينكوا اي حاجه
روان:اصد حضرتك اي اسمع يا حضرت انا ومحمد محصلش بينا حاجه علشان تعملوا الهليله دي كلها
الشخص:فعلا محصلش بأمارت الحضن الي واحده من زمايلك شفوه وهو حضنهولك
روان:حضرتك كل حرف قالوا محمد صح ومظبوط ولو علي زملتي فأنا فصلي كله مش بيحبني وبيعتبرني عدوته
الشخص:لي
روان:معرفش كل واحد وليه اسبابه مع اني معملتلهمش حاجه
طلع الشخص وقال للمدير
الشخص:بص حضرتك انت ترفد محمد ده وتسيب البت زي ما هي وخلاص واتقفل الموضوع
المدير:يعني حضرتك شايف كدا
الشخص:ايوه اعمل زي ما بقولك
المدير راح هو ومحمد المكتب
المدير:يسعدنا يا مستر محمد الوقت الي قديتوا معنا في المدرسه مع السلامه
محمد بسخريه:مع السلامه
ومشي محمد وروان طلعت تجري وراه
روان:محمد انت كويس
محمد:الحمد الله انا بس الي مدايقني هما ليه يخدوكي يحققوا معاكي
روان:متحطش في بالك المهم انت كويس
محمد:الحمد لله والله ما تقلقي زي الفل. كمان
روان:يارب دايما يا حبيبي
محمد:خشي انت المدرسة يلا
روان:والله يا محمد ما عايزه ادخل
سهير:رواان روان
روان بتدير وراها
روان بصدمه:ماما
سهير لمحمد:انت بقي المستر الي بيقوله انه بيحب. بنتي
محمد:ايوه انا
سهير:ممكن نتكلم شويه
محمد:مفيش مشكله
روان: اي ده ممكن اعرف حضرتك هنا لي
سهير:شكلك ناسيه استدعاء ولي الامر الي انت اختيه امبارح انا علشان كدا جايه يلا يا مستر
محمد:يلا
روان دخلت المدرسة
محمد راح مع سهير اقرب كافيه
سهير:روان عمرها ما جبتلي سيره عنك
محمد:والله مع انها مبتبطلش كلام عنك
سهير:بجد بتقول اي
محمد:بتقول انت ازاي بتهمليها ومعيشاها في وحده وانك انسانه انانيه
سهير:انا وروان علاقتنا مش احسن حاجه بس اوعي تكون مفكر اني مش هقدر احافظ عليها
محمد:تحفظي عليها ازاي مش فاهم
سهير:احافظ عليها منك
محمد ضحك بسخريه:مني انا
والله العظيم
سهير:ايوه منك انت مفكر انك هتقدر تضحك عليها بكلمتين ولا اي
محمد:مش انا الي اضحك علي بنات الناس يا سهير هانم وانا بحب بنتك جدا علفكره ومقدرش اسبها بعد اذنك الكلام خلص
سهير:اي ده دا مشي بجد بس شكله بيحبها فعلا
محمد مشي وهو متعصب
عند روان
دخلت الفصل وجت حصة الرياضه
دخلت المدرسه ساره
ساره:معلش يا بنات انتوا هتنزلوا الملعب في الحصه دي علي ما نجيب مدرس رياضيات جديد
الكل بص لروان
ساره:يلا كله يطلع في طابور
تحت في الملعب
ريتاج:انا هموت من الغيظ
نيره:لي
ريتاج:انا مكنتش عايزه محمد يترفد من المدرسه وكنت عايزه روان دي تتربي ويبعدوا عن بعض كنت مفكره انو هيسبها بس محصلش كدا
نيره:انت انسانه انانيه وغريبه
ريتاج:انا
نيره:ايوه انت رفدتي الراجل من المدرسه وطلعتي للبت سمعه وهي معملتش حاجه انت انسانه زباله وانا معتش عايزه اعرفك تاني بعد اذنك
ريتاج:اي البت دي
منار:فكك منها احسن في داهيه
نيره وهي ماشيه شافت روان قاعده لوحدها نيره راحت لروان
نيره:قاعده لوحدك لي
روان:امم وانت مالك وبعدين جايه تقعدي جمبي لي اه هي الست ريتاج مكفهاش الي عملتوه فبعتاكي مش كدا
نيره:علفكره انا سبتهم وجتلك انا عارفه ان ريتاج اذتك في سمعتك وعملت ضرر كتير علشان غيرانه منك
روان:ايه غيرانه مني
نيره:ايوه ريتاج بتغير من كل الناس وشايفه ان الكل واخد حقها وواخد كل حاجه منها
روان:وبتغير مني لي
نيره:علشان مستر محمد وعلشان انت ذكيه ومتفوقه
روان:طب هي بتغير منك
نيره:لاء بس مبطقنيش
روان:لي
نيره:علشان بقلها الحقيقه اما الست منار بتقعد تطبلها وتقولها كلام مش صح علشان
روان:علشان اي
نيره:علشان بتصرف عليها منار دي اصلا مش كويسة وبطبل لريتاج وريتاج بتعشق التطبيل
اليوم خلص وروان روحت
سهير:ازيك تكلي
روان:قلتي اي لمحمد
سهير:تكلي تكلي دلوقتي وكمان شويه
روان:ردي عليا يا ماما لو سمحتي
سهير :انا سألتوا وقلتلوا انت بتحب روان ولا لاء علشان يعني اطمن عليكي وكدا بس
روان:بس اي
سهير:هو كان متنرفز ومش طايق نفسه وحسيته مش طايق يسمع اسمك
روان:ايوه يعني هو جاوب عليكي وقال اي
سهير:قال لاء
روان بصدمه:اي ازاي
سهير:قالي ان هو مش هيحب طفله وكمان اتسببت في رفده من المدرسه وانه هيشوف حياته
روان:انت بتقولي اي محمد ميقلس كدا هو بيحبني
سهير:معرفش هو قالي كدا ومشي وسبني
روان دخلت اوضتها وفضلت تعيط بهستريه
بقلمي(اسراء محمد)♥️