“ကျွန်တော် ရှင်းပြပြီးပြီဆိုတော့ တခြားသိချင်တာ ရှိသေးလားဟင်..?”
တစ်ခုမကျန် ပြောပြပြီးနောက် ရွှယ်ယို့ရှန်းက အချိန်တစ်ခုအထိ စောင့်ဆိုင်းနေခဲ့တယ်။ ဒါပေမဲ့ ရင်းဆုယဲ့က ဘာမှမတုံ့ပြန်ခဲ့ဘူး။ ထို့ကြောင့် ရွှယ်ယို့ရှန်းလည်း တိတ်ဆိတ်မှုကို ချိုးဖြတ်ကာ တွန့်ဆုတ်တွန့်ဆုတ်နဲ့ ထပ်မေးလိုက်တယ်။ ရင်းဆုယဲ့ ဘယ်လိုပဲဆုံးဖြတ်ပါစေ ကိစ္စမရှိဘူး၊ သူ့အနေနဲ့ တုံ့ပြန်မှုတချို့ ပြန်ရချင်ရုံလေးပဲ။ ဒီလိုမှ ဘယ်လိုစွဲချက်မျိုးနဲ့ အပြစ်တင်ခံရမလဲဆိုတာ သိနိုင်မှာလေ။ ဒါပေမဲ့ ရင်းဆုယဲ့က အသံတိတ်နေတယ်။ မျက်နှာသေကြီးကို ဘယ်လိုမှ နားမလည်နိုင်တာကြောင့် ရွှယ်ယို့ရှန်းမှာ ပိုပြီးဂနာမငြိမ်ဖြစ်လာခဲ့တယ်။
အသံတိတ်နေတာက ကြောက်စရာအကောင်းဆုံးပဲ..!
“ဘာမှမရှိတော့ဘူး..”
ရင်းဆုယဲ့က အသာအယာ မျက်လုံးပင့်ကာ စိတ်အေးလက်အေး ပြန်ဖြေလာတယ်။
“ဘာမှထပ်မေးစရာ မရှိတော့ဘူးလား..?”
ရင်းဆုယဲ့ရဲ့အဖြေက ရွှယ်ယို့ရှန်းကို အနည်းငယ် စိတ်သက်သာသွားစေတယ်။ အနည်းဆုံးတော့ ရင်းဆုယဲ့က အေးတိအေးစက် မဆက်ဆံခဲ့ဘူးလေ။ သူခန့်မှန်းထားတာထက် သာလွန်နေတယ် မဟုတ်ပါလား။ ဒီကိစ္စတွေက သူတို့နှစ်ဦးရဲ့ ဆက်ဆံရေးကို တိုးတက်စေနိုင်တာကြောင့် ရွှယ်ယို့ရှန်းလည်း ဦးနှောက်ကို အလုပ်ပေးကာ နောက်ထပ်ပြောရမယ့် စကားတွေကို စာစီလိုက်တယ်။
“မရှိဘူး..”
ရင်းဆုယဲ့က တစ်ခဏတွေးပြီး ပြန်ဖြေတယ်။
“……….”
မျက်နှာသေကြီးနဲ့ ပြန်ဖြေလာတာကြောင့် ရွှယ်ယို့ရှန်းမှာ ရူးသွားတော့မလိုပဲ။
အဲ့တော့ ဘာဆက်ပြောရမှာလဲဟင်..? အများစုကို ရှင်းပြပြီးသားဆိုပေမယ့် ဒီကြားထဲမှာ ကျန်ခဲ့တာတွေ ရှိသေးတယ်လေ။ ရင်းဆုယဲ့က ထပ်မမေးတော့ဘူးလား..? မေးစရာမလိုဘူးလို့ ထင်နေတာလား..? ဒါမှမဟုတ် ထုတ်မေးရလောက်အောင် မတန်ဘူးလို့ သဘောထားနေတာလား..? ဒါမှမဟုတ် သိချင်စိတ်ကို မရှိတာလား..?
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
179 Extra
Start from the beginning