من أنا بقلمي الاء الرحمن

الجزء الثالث والاربعين

الاء اتصدمت من كلامه ودموعها بتنزل عليه وعليها

قيس اتنرفز :بطلي عياط اهو كل الي بتعمليه تعيطي وبس لكن عمرك ما تفكري توقفي جنب جوزك وتخرجيه من الي هو فيه عمرك ما فكرتي ليه قيس كده

الاء بصتله بدمووع :هههه صح انت صح وبقهر انا كل الي بعمله اني بعيط وبس كان نفسي لو انت الي تمسح في دمعة من الدمووع دي

تعرف امبارح جالي عم مبارك وقلي عن حكاية الدفتر بتاع المذكرات الي انت كنت بتكتبها وانت فاقد الذاكرة لو تعرف فرحتي كانت عاملة ازاي لما قال الكلام ده قلت خلاص قيس هيعرف ويفتكر حبنا كان عامل ازاي لكن لما جيت امبارح وعملت الي عملته اكتشفت ان انت الي عايز تعمل كده وان الجبروت الي بتعملوا فيا وبروحك ده اجتهاد شخصي منك انت
انت مش عايز تتقبل فكرة ان قيس بيضعف عند ست   لا ولا قادر تتقبل فكرة ان قيس حب الاء مرتين وخان صاحبه مرتين الكلام الي قلته من شوية ده كلام انت بتداري وبتضحك فيه على روحك توهانك انا مليش دعوة فيه وصاحبك انا برضه مليش دعوة فيه انا لما عشقت وحبيت حبيتك انت ما فكرتش لو لثانية في الي هيحصل لكن انت عملت ايه قلي انت عملت ايه انت كنت بتذلني كل شوية اني عشقتككنت بتندمني على اللحظة الي سلمتك فيها روحي مع انه لو قرأت كويس مذكراتك هتعرف انا سلمتك نفسي ازاي انت خدتني بالغصب ووعدتني انك عمرك ما هتسبني اوعى يا قيس تجيب اللوم كله عليا لانه لو في ضحية في قصتي انا وانت
فالضحية الوحيدة انا وسابته وخدت المخدة وراحت الكنبة تنام عليها

قيس كان ماسك روحه بالعافية عنها

قيس :انتي بتعملي ايه دلوقت

الاء من غير ما تبصله :اضن وحده حامل من الصبح عينها ما شافتش النوم اكيد هترتاح

قيس :طيب ما ترتاحي عالسرير

الاء :مش عايزة حاجة تجمعنا

قيس حط ايده على كتفها ولفها عليه

الاء ما بصتلوش

قيس رفع وشها بحنية :نامي عالسرير وصدقيني مش هقربلك

الاء الدموع اتجمعت في عنيها

قيس برجاء صادق :ارجوكي انتي ما تعرفيش الضغط الي عليا دلوقت في البيت وفي الشركة وبرا الشركة انا في عالم كتير بتحاربني واولهم اقرب الناس ليا ارجوكي ما تبقيش انتي كمان معاهم عليا

الاء حست لاول مرة بضعف قيس من نبرة صوته

قيس مسح بصباعه دمعه نزلت منها

والاء بعدت عنه وراحت السرير وناموا وكل واحد فيهم بعالم تاني خالص

......................................
عند رانيا
كانت متجننه من جوازهم
ضربتلها جمانه
رانيا :الووو

جمانه بغضب :بتقوليلي ازاي ان الزفته هربت من فرحها ولما اوصل الفرح تكون قاعدة ومربعة