فاطمه العزاوي.
" مُرني مَره وشيل تعّب عَيوني .💚
زينب :حوريتي ميهون عليه اشوفج هيج وشوفي اكولج شغله باعي والله اني ماعرف اتصرف ويا هيج عواطف يعني مقهوره عليج بس يختي مكدر اعبر اواسيج فدوه اروحلج كافي
حور :باوعتلها صفح بس ابتسمت لكلامها لعواطفها وكمت كعدت ولج زينب بربج كومي ساعديني
زينب :بشنو اساعدج شتريد تسوين حوريتي
حور :كومي الم غراض جنط وملابس اهلي اتبرع بيهم واخذ وياي كم قطعه احتفظ بيها من ريحتهم وهويات ذكريني بيهن هم لاانساهن بكلشي احتاجهم
زينب :خوش كومي لعد يلا نلحك
حور :جبت علاكات كبار وفتحت كنتور وزينب وياي بدينا نفرغ خليت القديمه وجدد زينب تدرين
زينب :شنو شكو
حور :هذا القاط حيل جان يحبه كرار يكول من تنجحين من سادس نسويلج حفله ألبسه كلش جان معتز بيها راح أخذه وياي وبابا عنده دشداشته هاي يحبها حيل يكول من أبويه وضامه كل هسننين وعلي يحب هذا لبسته قميص وبنطرون كلش يحبهم غاليات عنده وامي تحب هالفستان لان بابا شترالها ياه بعيد زواجهم راح اخذهن وياي بس ذني وباقي كلهن حنطيهن بخيرهن
زينب :كلش انقهرت ع كلامها الاهل نعمه ميتعوضون عيوني دمعت ع حجيها وشون تبجي هيه وتحجي كلتها اخذيهن حبي وياج
حور :كتلها اي وخليتهم بجنطه ويا ملابسي الي راح اخذ زينات منهن زينب بس بلا زحمه عليج علاكه موجوده فوك كنتور انطيني ياهه
زينب:كمت انطيها يولي هاي شنو بيها
حور :تلفونات اهلي مكدرت افتحهم اشوفهم
زينب :يعمري كافي تقهرين بروحج اخذيهن وياج وهاهيه خليهن بين ملابسج خاف يجي عليهن شس ثكيل جنط لا تتكسر
حور :اي هوه هم هيج وجيت اخلي بيهم وكملنا وره ساعات
زينب :يابوية تعبت اني بيتنا هلكد مااشتغل واتحجج
حور :يعمري ادري والله تعبتج بس ماكو غيرج يساعدني
زينب :يمعوده اتشاقه وياج وغصب عني اساعدج
حور : هسه يأذن المغرب خل نتوضئ نصلي حته نسويلنه أكله جوعانه هسه ادري بيج ام بطن
زينب :اروحن فدوه للتردي مو بس جوعانه ميتتتتته جووووع
حور :يلا لا صيحين اذن وصلينه كملنا ولج اكولج زينب شنسوي اكل
زينب :اكولج من الاخير حطلب اكل من مطعم وعازمتج ع حسابي
حور :لا لج هسه نسوي بالبيت ناكل
زينب :معلييج انتي
حور :يبوو منج يلا بكيفج
YOU ARE READING
عشك الشيخ لليتيمه
Mystery / Thrillerماذا لو لم افقد عائلتي وأصبح يتيمه وابحث عن طريق اسعد نفسي فهل أجد ذلك اليوم الذي سوف ابكي فيه فرحاً واقول انها عوض ربي. فاطمه العزواي.
