فاطمه العزاوي.
گمت اشتاگ للتابوت⚰
ريحة مگبره ابالي
شوگت اتمرني عزرائيل
ظل طاريگ يحلالي
اخذني اهناگ گلها اعزاز
عندي بگل گبر غالي
ابو احمد :بنتي الله يرحمهم ياريت لو اكدر اكعدهم
حور :عمو هسه شنو راح نسوي اهلي وين ناخذهم
ابو احمد: بنتي اني تكفلت بكلشي وكملت إجراءات هسه جاين ونطلع بيهم للنجف هناك ندفنهم وانتي هم وياي
حور:لحظه اذكرت كلشي اني بحلم لو واقع ياربي ليش ماخذت روحي وياهم ياربي المن بقيت يتيمه ياربي حته عمامي ماعرفهم وينهم اني منو الي وين اروح ياربي اخذ امانتك ياربي خسرت أبويه امي اخواني يارب منو ظللي
ابو احمد :يلا بنتي اجو سيارات راح نطلع اريدج تكونين قوية
حور:طلعت بره واشوف جثه وره جثه يربطون بيهم فوك سيارات وبعدني ممصدكه اهلي عافوني بكل سهوله معقوله ظليت بوحدي صعدت بسياره الي جان بيها أبويه فوك مربط وتذكرت انو لو ما هل حادث اليوم يشوف اهله يابويه ظليت بحسرتهم ومتت وصارت هسيارات تمشي بينا لنجف الاشرف وصلنا مغرب ولا جثه مغسوله دخلت ويا امي بس وابو أحمد ماقصر دخل ويا اخواني أبويه ونعم العم جان اليه بعد مجانوا مفروض عمامي هما يوكفون برأس أبويه
حور:واكفه عن بعد واباع لأمي مغمضه عيونها تكول مو ساعات ميته سننين معقوله يمه هيج تعبانه جنتي يمه اليوم راح ادفنكم واحد بصف الثاني يمه ليش ماخذتيني وياج يمه فدوه فتحي عيونج باعيلي المره كملت غسلها تقدمت بست بطن رجليها يمه مبريه الذمه دنيا وآخره يمه
حور:كملنه تغسيلهم كامل
ابو احمد:بنتي هسه نزورهم الإمام علي إن شاء الله مكانهم الجنة ربي يصبرج ويقويج بحق محمد وال محمد
حور:صعدت بالسياره وتوجهنا عمو اجر سيارات الي تنقل موتئ بوكتها شفت ولد ماعرفهم كلها اجت وشالت هلي
حور:ياعلي اهلي بركبتك ياعلي خوي كرار وعلي وامي أبويه ياعلي دخيلك اشفعلهم خلي الگبر نور عليهم ياعلي واسمع نسوان تبجي وياهيه تجي شبيج بنتي واني اصيح ولكم اربعه من اهلي بيوم واحد ماتوا ماتوا وكلها تصبرني وصوت رنه لاإله إلا الله
حور :عمي ابو احمد زورهم وطلعنا مناك وصرنا نمشي بالليل لوادي السلام دنيا تخوف وصلنا شفت ٤ گبور وحده بصف الثانيه محفوره ونزلوا جثث وصرت أودع اهلي واحد واحد واعاتبهم بصوت عالي اخووواني خليتو اختكم بلا سند بابا بنتك الي جنت تخاف عليها من ظلمه هسه هيه بظلمه جاي تدفنك
اميييي انتي انتي تركتي وحيدتج بوحدها من صدك رحتي شون انطاكم كلبكم تعوفوني كلكم بيوم واحد
YOU ARE READING
عشك الشيخ لليتيمه
Mystery / Thrillerماذا لو لم افقد عائلتي وأصبح يتيمه وابحث عن طريق اسعد نفسي فهل أجد ذلك اليوم الذي سوف ابكي فيه فرحاً واقول انها عوض ربي. فاطمه العزواي.
