ليالي الجحيم 12:00

part 6

" لا تنفيني ارجوك سوف أوذيك "..

_ لاااا لااا منوووو انتَ اترڪِني صار صوت صريخ مره احس البيت اهتز من وره وراح يطيح فوك راسي ڪِمتت مثل المجنونه انتفض وارڪِض منا ومنا صابني الهلع وانيِ وحدي وواصرخ

" ياعلي المدد ، ياعلي مدد "
" ياأبا الحسن ياعلي "
" اعوذ بالله من خبث الشياطين "
" اعوذ بالله من الجن والشياطين "

اني ڪِلتَ هيج لو نسحبت من شعري ونرڪِعت بالڪِاع احس عضمي تڪِسر وڪِلبي بقتَ تقل نبضاته وابجي حيل وأڪِول معقوله محد سمع صوت هاي المره؟..

رجع صوته بأذني بس مجاي اشوفه احس بأيد تصعد من رجلي لفخذيِ ايدي خشنه وتبزز

صرخت بفزع واحس روحي راح تغيب عني لأن متت من الخوف ،

يييييمه ويييينج يييييمه ساعديني وينڪِم وين عفتوووني ورحتووو وووين

" لاتنفيني "
" تذڪِريني"
" لا تنسيني انا عاشقك "

:- ياااعلي يااااعليييي ساعدني بقيت ارافس برجلي من الخوف والصوت وهاي اللمساتَ

أندك الباب ڪِمت بڪِل قوتي وصلت للباب ونسحبت من شعريِ لزمت شعري واني اصرخ برعب وارافس ،

ييييمه مامااااااا سااعدوني رااااح يقتلنيييييي ساعدوني بقه يفر براسي ويضحك المشڪِله مجاي اشوفه بس ضحڪِاته ترن بأذني

ومرفوعه من الڪِاع من شعري تخيلو قوه الموقف واحس شعري راح يوڪِع ،

واهلي فلشو الباب وصراخ أمي وحسن فتح الباب بالمفتاح العنده وانيَ نشمرت بالڪِاع وصرخت بوجع

وداد: يييمه بنييييتي شبيج

:- أجو عليه يرڪِضون واني ارافس بالڪِاع مثل الطير المذبوح شالني حسن بحضنه وطلع يرڪِض بيه متخبل اخر شي أتذڪِره خلاني بالسياره وماما طلعتَ تعيط

الحياة عباره عن غابه والي عليك من تدخلها لازم يڪِون مفترس بيها لڪِن أي غابه دخلت اني؟..

صحيت ووجع يدك براسي وڪِلبي ينبض نبضه بقوه ويخفت بلعتَ ريڪِي واني اشوفهم فوك راسي واڪِفين درت راسي وشفت ماما كاعده يمي وعيونها حمر وتقره قرءان ..

محمد: الحمدلله علئ السلامه بابا
:- الله يسلمك بابا صدقت ماما وباستنيِ براسي وحسن يتحمدلي السلامه ، ماما شصار شبيه؟..

وداد: مو هسه أمي انتِ خلي نطمن عليج ونطلعج ولڪِل حادث حديث

:- سڪِتت وهزيت راسي بأيجاب ، بقت نضرات الأهل تتجول علئ بتهم بخوف

ويدارون دموعهم ونضراتهم خاف تفضحهم بعد ماعرفو مرض بتهم

شويه وأجه الدڪِتور تطمن ؏ وضعي وڪِتب ادويه وأبر شال المغذيه وڪِتبولي خرروجيه وطلعنه