"ကိုယ့်ကိုပြကြည့်"
ပြောရင်းနဲ့ပဲ ကိုယ်ကိုကိုင်းညွှတ်ကာ မျက်နှာနားထိတိုးကပ်လာတဲ့ KIRAကြောင့် မြူရှင်းအသက်ရှူတာကိုတောင် ရပ်တန့်ထားမိလိုက်၏။မိမိရဲ့မျက်လုံးထဲကို သေချာစူးစမ်းကြည့်နေတဲ့ KIRAကိုတွန်းဖယ်တော့
"ကိုယ်သေချာကြည့်ပါရစေဦး"
"ဘာ-ဘာကြီးလဲ။မျက်လုံးထဲမှာ ဘာရှိနေတာမို့လဲ"
ထိုအခါမြုရှင်းရဲ့မျက်ဆံရှိရာကို လက်ညှိုးညွှန်ရင်း
"ဒီမျက်လုံးညိုညိုတွေ.....
ဒါကအစစ်လား"
"ဘာ!
သေချာပေါက်အစစ်ပေါ့ကွ"
"မုန်ညင်းထုပ်လေး....ကိုယ်ပြောပြမယ် သေချာနားထောင်။ဒီလိုမျက်လုံးညိုတွေက မင်းရဲ့မေမေဆီမှာလည်းမရှိသလို မင်းဖေဖေဆီမှာလည်းရှိမနေဘူး။မင်းပဲထူးခြားပြီး လာညိုနေပုံထောက်ရင် ဒါက သေချာပေါက် မင်းကိုမင်းမိဘတွေကောက်ရတာပဲဖြစ်လိမ့်မယ်။မြို့ပြင်ကမြစ်ရေကြီးတုန်းက အိုးလေးနဲ့မျောပါလာတာပဲဖြစ်ဖြစ် အမှိုက်သွားပစ်ရင်း အမှိုက်ပုံပေါ်ကနေကောက်လာ...."
"တော်စမ်း!!!!!!"
မျက်လုံးအစုံကိုမှိတ်ပြီး အံကြိတ်ကာအော်လိုက်တော့ ကိုယ့်အသံကိုယ်တောင် မြူရှင်းပြန်လန့်သွားရသည်။ငယ်ငယ်က မြူရှင်းတစ်ဦးတည်းကွဲထွက်နေတဲ့ မျက်ဆံညိုတွေကိုမြင်တိုင်း လူကြီးတွေက Kiraလိုမျိုး စနောက်ကြတဲ့အခါ ကိုယ့်မှာအတည်ထင်ပြီး အခန်းလေးထဲ မီးမှိတ်ပြီး ကြိတ်ကြိတ်ငိုခဲ့ရသေးတာလေ။
PTSD ရှိနေသလိုမျိုး မွေးစားတယ်ဆိုတဲ့အသံကို မကြားချင်လောက်အောင်ထိကို မြူရှင်းသောက်မြင်ကတ်နေတာဖြစ်သည်။
(PTSD-Posttraumatic Stress Disorder
ကိုယ့်အတွက်စိတ်ထိခိုက်စရာဖြစ်စေတဲ့ အဖြစ်အပျက်တစ်ခုခုကို ပြန်ကြုံရတာပဲဖြစ်ဖြစ်၊ပြန်ကြားရတဲ့အခါမျိုးမှာပဲဖြစ်ဖြစ် အသိစိတ်လွတ်သွားတာတို့၊စိတ်မတည်မငြိမ်ဖြစ်သွားတာမျိုး ဖြစ်တတ်တဲ့ လက္ခဏာမျိုးပါ)
ဒါကို ပြန်အစဖော်တဲ့ ဒီမကောင်းတဲ့ကောင်ကိုလည်း သောက်မြင်ကတ်လွန်းလို့ သေတော့မှာပဲ။
YOU ARE READING
CLOVER
Non-FictionLove between 3 boys (Not 3 some)...... အချစ်လို့မသိသေးတဲ့အချိန်တစ်ခုက အချစ်ရယ်.... အချစ်ဆိုတာသိနားလည်တဲ့အရွယ်မှာ ပေါ်လာခဲ့တဲ့ အချစ်တစ်ခုရယ်... ချစ်ခြင်းနှစ်ခုကို ဖြစ်ပေါ်စေခဲ့တဲ့ ကိုယ်ရယ်... ဘာကိုရွေးချယ်ပြီး ဘာကိုစွန့်လွှတ်ဖို့သင့်မလဲဆိုတဲ့ မရေရာသေ...
Part-17
Start from the beginning
