ဘုန်းရဲထင်တာမမှားဘူးဆို ထိုလူက B & Y group၏ အချက်အလက်များကို ပြိုင်ဘက်groupထံရောင်းလိုက်သည့်ပုံပင်။ဘုန်းရဲ နှုတ်ခမ်းစွန်းများက အဓိပ္ပာယ်ပါပါ ကော့တက်သွားသည်။
"ဦးထွန်းလှိုင် ဦးထွန်းလှိုင် ခင်ဗျားကတော့ ငွေနောက်လိုက်ပြီး ငွေထုပ်ထဲကဓားကိုမမြင်တော့ဘူးပဲ"
လက်မနှင့်လက်ညှိုးကိုအသုံးပြုကာ ဘောပင်ကိုဆော့ကစားရင်း တစ်ယောက်တည်းရေရွတ်လိုက်သည်။ထိုလူကို ဘုန်းရဲသံသယရှိနေသည်ဖြစ်၍ ကြိုတင်စီစဥ်ထားသည်မှာ အဆင်ပြေသွားသည်။ပိုက်ဆံအလုံးအရင်းသာပေးရင် group၏ အချက်အလက်တွေကို ရောင်းစားဖို့ဝန်လေးနေမှာမဟုတ်မှန်းသိ၍ အချက်အလက်များကို အတုများနှင့်အစားထိုးထားလိုက်သည်။
အပြိုင်groupက ထိုအချက်အလက်များကို အစစ်မှတ်၍ ရင်းနှီးမြုပ်နှံမှူများပြုလုပ်လိုက်ရင်တော့ အရှုံးကြီးရှုံးမှာမြင်ယောင်သေးသည်။အခုသက်သေလည်းရပြီဆိုတော့ ထိုလူကိုပထုတ်ဖို့နည်းလမ်းပင်ကျန်တော့သည်။ယခုရထားသည့်သက်သေအတိုင်း ပထုတ်လျှင် ဇယားတွေရှုပ်လာနိုင်သည်မို့ ပရိယာသုံးကာ မထင်မှတ်ထားသောနည်းဖြင့် B & Y groupမှ အမြစ်ဖြတ်ရမှရမည်။
Akariyaရှိ ထိုလူ့shareများကို ၃ဆပေးထားသည်ကလည်း အကြောင်းမဲ့မဟုတ်။သွယ်နှင့်နီးကပ်ချင်တာလည်းပါသလို အမှိုက်ကိုသွယ်နှင့်စုအစား ရှင်းပစ်ပေးခြင်းလည်းဖြစ်သည်။အလုပ်ကိစ္စအကြောင်းပြပြီး သွယ့်ကိုတွေ့ခွင့်ရတာကတော့ သူ့အတွက်အပိုဆုပေါ့။
အလုပ်ကိစ္စဆိုမှ Akariyaမှ ဘုန်းရဲတာဝန်ယူထားသည့် projectကို ဘုန်းရဲလုံးဝမကိုင်အားသေးတာပင်။Hotelဟုခေါ်နိုင်ရုံသာသာ အကြမ်းဖျင်းဆောက်ထားသည်ဖြစ်သောကြောင့် ဆေးသုတ်သည့်အရောင်မှအစ စားပွဲခင်းအဆုံး ဘုန်းရဲကိုယ်တိုင် တာဝန်ယူရမည်ဖြစ်သည်။projectအတွက်အကူအညီလိုလျှင် ကိုယ်စားလှယ်ဆီက အကုအညီတောင်းလို့ရတယ်ဆို၍ ဘုန်းရဲရယ်ချင်သွားသည်။
ဒီကောင်ကို သွယ်လေးက ဘာထင်နေလဲမသိ။ဒီလောက် projectအသေးအမွှားကို ၁လထဲနှင့်အပြီးလုပ်လို့ရသည်။ကိုယ်စားလှယ်ဆိုသူ ရှာထားပေးသော ဧည့်သည်စာရင်းတွေကြောင့် အချိန်ကုန်သက်သာသွားသည်ဆိုတာကိုတော့ ဝန်မခံချင်လည်း ဝန်ခံရပေမည်။ဘုန်းရဲကိုယ်တိုင်ရှာလျှင် တစ်ရက်လောက်အချိန်ကြာနိုင်သည်။
YOU ARE READING
သံသရာစက်ဝန်း(Season 2)(ongoing)
Romanceစိမ်းကားခြင်းတွေ နာကျင်ဖို့ကောင်းမှန်း အေးစက်သွားသည့်အခြေအနေမှသာ သိခဲ့ရသည်။ ဘုန်းရဲမာန်နိုင် ရှင်မရှိလည်း ကျွန်မဘဝက ဘာမှမဖြစ်တာမို့ ကျွန်မရှင့်ကို မလိုအပ်တော့ဘူး။ရှင့်ကို ဘယ်တုန်းကမှလည်း မလိုအပ်ခဲ့ဖူးဘူး။ အိန္ဒြေသွယ်ရှင်း Start date _ 1.8.2022
အပိုင်း(၇)
Start from the beginning