CLOVER

ČTEŠ

Literatura faktu

Love between 3 boys (Not 3 some)...... အချစ်လို့မသိသေးတဲ့အချိန်တစ်ခုက အချစ်ရယ်.... အချစ်ဆိုတာသိနားလည်တဲ့အရွယ်မှာ ပေါ်လာခဲ့တဲ့ အချစ်တစ်ခုရယ်... ချစ်ခြင်းနှစ်ခုကို ဖြစ်ပေါ်စေခဲ့တဲ့ ကိုယ်ရယ်... ဘာကိုရွေးချယ်ပြီး ဘာကိုစွန့်လွှတ်ဖို့သင့်မလဲဆိုတဲ့ မရေရာသေ...

#boylove #clover #lgbt #myanmarbl #owncreation

Part-16

Začít od začátku

od YolandaKim2204

언제쯤일까 다시 그댈 마주한다면
(ဘယ်တော့လောက်ဖြစ်မယ်မသိပေမယ့် နောက်တစ်ကြိမ်သူနဲ့သာ တွေ့ခွင့်ရမယ်ဆိုရင်)

눈을 보고 말할래요
(သူ့မျက်လုံးတွေကို ကြည့်ပြီးပြောလိုက်မယ်)

보고 싶었어요
(လွမ်းနေခဲ့ရတာပါလို့...)

황홀했던 기억 속에
(ခမ်းနားထည်ဝါတဲ့မှတ်ဉာဏ်တွေထဲမှာ)

나 홀로 춤을 춰도 비가 내리잖아
(ကိုယ်တစ်ယောက်တည်း ကနေရပေမယ့်လည်း မိုးကတော့ ရွာနေဆဲပဲလေ)

이 안개가 걷힐 때쯤
(ဒီမြူခိုးတွေပျောက်ကွယ်သွားတဲ့အချိန်ကျရင်တော့)

젖은 발로 달려갈 게
(စိုရွှဲနေတဲ့ခြေထောက်တွေနဲ့ အပြေးလာခဲ့ပါ့မယ်)

그때 날 안아줘
(အဲ့အချိန်ရောက်ရင်တော့ ကိုယ့်ကိုဖက်ထားပေးပါ...)

ဆက်နားထောင်ဖို့ မလိုလားတော့တာကြောင့် budကိုတစ်ချက်တောက်ပြီး သီချင်းကိုရပ်ထားလိုက်၏။

"ဟမ်း...."

သက်ပြင်းရှည်ကြီးကိုချရင်း မျက်နှာကိုလက်နှစ်ဖက်နဲ့ အုပ်ထားမိသည်။တဆစ်ဆစ်နဲ့ထိုးကိုက်လာတဲ့ခေါင်းကို လျစ်လျူရှုပြီး အိပ်ယာဘေးက စာကြည့်စားပွဲပေါ်မှာတင်ထားတဲ့ အပူခံခွက်ထဲက ကော်ဖီကိုသာ တစ်ငုံယူသောက်လိုက်ပြီးနောက် ပြတင်းပေါက်ဘက်ကိုသာ အကြည့်လှည့်လိုက်၏။

မိုးရွာရင်း လေအနည်းငယ်တိုက်ခတ်မှုကြောင့်ထင်သည်။မှန်နံရံတို့ကို မိုးရေစက်တို့ တင်ကျန်နေတဲ့ သရက်ပင်မှသရက်ကိုင်းတို့က တလှုပ်လှုပ်လာရိုက်ခတ်နေသည်။

မြူရှင်းရဲ့လွင့်မြောနေတဲ့အတွေးထဲမှာ အခုလိုမိုးရွာနေတိုင်း တောက်ပနေတဲ့မျက်ဝန်းတွေနဲ့ ပြုံးရယ်ပြီး တံစက်မြိတ်ပေါ်က တတောက်တောက်ကျနေတဲ့ရေစက်တွေကို ရှည်သွယ်တဲ့လက်တွေနဲ့ခံယူနေတတ်တဲ့ Pluviophileတစ်ယောက်က ကြီးစိုးနေမှန်း မြူရှင်းကိုယ်တိုင်တောင် သတိမထားမိ။

စိတ်ပင်ပန်းမှုကြောင့် သူ့စိတ်တွေလေးလံနေတာပဲသိသည်....

ဒေါက် ဒေါက်!

Dream catcherလေးတစ်ခု ချိတ်ဆွဲထားတဲ့ တံခါးဆီက ထွက်ပေါ်လာတဲ့ တံခါးခေါက်သံက တိတ်ဆိတ်နေတဲ့ အခန်းရဲ့လေထုကို ဖြိုခွဲလိုက်ရုံသာမက နစ်မြောနေတဲ့ အတွေးအိမ်ထဲကနေ မြူရှင်းကိုပါဆွဲခေါ်ထုတ်သွားသည်။