يا اهل العذاري يا اهل العيون الكحيل

يا اهل العذاري يا اهل العيون الكحيل بارت 42 ،

= يا اهل العذاري يا اهل العيون الكحيل بارت 42 ،
= بعد اسبوع تحديدًا من الصدمات والاحداث =
'
هزاع الي تقبل الحقيقه وصار قريب من عجلان وبنفس الوقت سامح امه الي ماله ذنب بشيء ،
وكحيله الي بقت مقفله الباب على نفسها ومصدومه ،
و ديم الي صارت تهتم بـ حلا وهي تعرف الوضع كيف ،
'
اسماء بهدوء : كلي شي تكفين يا كحيله ،
كحيله صدت : مابيي شي اتركيني بحالييي ،
فجاه دخل هزاع : انتي ما تبين بس انا ابي ،
كحيله نزلت راسها و صدت : هزاع اتركنيي لوحدي ،
هزاع مشى جلس على طرف السرير : طيب تركتك هاه شتسوين تجلسين مقفله على نفسك تكتئبين وتخربين نفسيتك ابوي ماراح يرجع هذا انا قتلت نفسي بعد موته وما تغير شي ولا رجع شي وهذا الحياه من كثر الصدمات صار ما يفرق معي لو جاء شخص غريب قال انا ابوك صدقته من كثر ما خدعنا هالحياه وكثر ما تعذبنا على فراقك وفقدناكِ فقدنا ناس كثير بحياتنا والحين خلاص صرنا ما نهتم. ،
كحيله بدموع : ليه صاير كذا عشان عرفت الحقيقه؟
هزاع صد : مو عشان عرفت الحقيقه عشان كنت انخدع شربت حليب من وحده ماهي امي وقلت اختي لوحده ماهي اختي وتمنيت اخو طول عمري وهو موجود ،
كحيله حزنت عليه وقربت حضنته ،
'
عجلان وقف سيارته وطلع وهو ينتظر متعب ،
متعب نزل باستغراب ومشى لعنده : هلا شصاير؟
عجلان : اركب السياره ، متعب ركب باستغراب عجلان مشى ركب وناظر لـ متعب : هزاع ايش يتمنى بذي الحياه؟
متعب بصدمه : كيفف يعني ايش يتمنى؟
عجلان : يعني شي بخاطره من زمان او يحب شيء ،
متعب بهدوء : رغم انه منعني اعلم احد لكنه اخوك ونفس الدم ف بعلمك اي يحب انسانه لكن فزقهم الزمن ،
عجلان بصدمه : يحب مين؟؟ وكيف افترقو؟!
متعب جلس وهو يعلمه السالفه كامل ،
'
ابو سعود صد : مابي اشوفه لا يدخل داخل ،
سعود بضحكه : يبه ترا بنتك حامل لا تجيبه وتحطه برقبتك بعد وتتحمل تصرف عليهم ،
بهاللحظه دخل فارس باستغراب : السلام عليكم ،
ابو سعود بهدوء : وعليكم السلام ومالك بنت عندنا ،
فارس ابتسم : افااا يا عمي سرقتو ولدي و زوجتي ، ابتسم ومشى وهو يبوس راسه ويده : سامحني عمي ،
ابو سعود ابتسم : مسامحك مسامحك ياولدي ،
فارس ابتسم بفرح وناظر لـ نجود الي دخلت ويوسف بيدها مشى اخذ منها يوسف وهو يبوسه ويضحك معه ،
'
عجلان بتفكير : طيب لو خطبنا له ترفه يوافق؟
متعب : هو مجنون  فيهاا اكيد يوافق كيف ما يوافق ،
عجلان : اجل انزين وانت رايح ارسله عندي انتظره ،
متعب هز راسه بـ اي وابتسم ومشى للبيت ناظر لـ هزاع وكحيله يسولفون مشى لعندهم: قم انقلع اخوك تحت ،
هزاع الي فز من هالكلمه اول مره يسمع كلمة اخوك ابتسم و نزل بسرعه وهو يشوف سيارة عجلان ركض لعنده و ركب بهدوء : هلا شصاير؟
عجلان : حيت اقولك كلمتين قبل كل شيء انت وكلكم عرفتو ليه تزوجت كحيله وهاه هي جتكم سليمه زي ما اخذتها وانتهينا هالمره جيت انا عشانك انت ابي اكلمك ،
هزاع باستغراب : اي تكلم وشو؟
عجلان : سمعت تحب اخت سعود ترفه؟
هزاع صد بقهر : لا تحيبب طاريه عندي ،
عجلان : ابوي هناك يطلب يدها ادعي يوافقون ،
هزاع فز بصدمه : كيففف ؟؟. متى؟؟
عجلان : خالك ةاء و فضحك وابوي قال لي عطني الشيء الي يسعد اخوك وخاطره فيه وعلمته خاطره ببنت فلان ،
هزاع كان مصدوم عجلان حرك سيارته : مشينا عندهم ،
'
فارس كان جالس وبحضنه يوسف دخل سعود ومشى يصب القهوه للكل بهاللحظه دخلو عجلان و هزاع مبتسمين ،
ابو عجلان : جيتك يخوي اطالب بيد بنتك ترفه لولدنا هزاع.
ابو سعود ابتسم و اول ما جاء ابو عجلان علم الحقيقه كله.
ابو عجلان بضحكه : حتى لو رفضت ولدي راح ياخذها ،
ابو سعود : والله هذه الساعه المباركه وانا اخوك وولدك الي تتكلم عنه هذا تربى بين يديني وكبر قدام عيوني بالقريه ،
هزاع كان يحاول يخفي ابتسامته رغم الزعل على ترفه ،
عجلان ناظر لـ هزاع : وين رحت يالعاشق الولهان ،
'
كحيله بصدمه : عجلان قال كذا؟؟؟
متعب : اي واتصل على ابوه قدامي وعطاه العنوان و راح ،
ام هزاع ابتسمت من بين دموعه : فعلًا عرفت مين ابوه هالمره طلب مني طلب رفضته وابوه طول عمره قاسي لكن شف ابوه الحقيقي الي علطول يحقق كل حلم بقلبه ،
متعب ابتسم : خلاص عاد نبي نفزح ووينها زوجتي؟
كحيله : والله زوجتك راحت عند امها من جيت ما شفتكم مع بعض بسرعه جيبهاا ،
'
ترفه بدموع : علمونيي مين هو مستحيل اوافق كذا!
سعود رفع كتوفه : شخص ما تعرفينه كيف نعلمك عنه ،
ترفه : طب شسمه؟؟ وبعدين ماني موافقه ماراح اتزوج ،
ابو سعود : يلا سعود جيب جوالي قل ل هزاع بنتنا مو موافقه ولا تبي تتزوج ، ترفه فزت بصدمه و التفتت لامها وابوها وسعود والكل كانو يضحكون : ءءكيف تعرفون؟؟
ام سعود : تحسبين امك غبيه ماراح تعرف؟
سعود : وش متوقعه اننا ما عرفنا حركاتك وحركات الشباك؟
ابو سعود بضحكه : خلاص لا تحرجون بنتي تعالي عندي ،
سعود : والثانيه هربت مع زوجها وانا اهرب عند زوجتي ،
'
ابو تركي ناظر لـ تركي الي كان ساكت و سرحان بتفكيره ،
ابو تركي : هاه يا يبه للحين خاطرك فيها وهي مطلقه؟
تركي فز بصدمه : ءءتقصد كحيله؟
ابو تركي بضحكه : اي اقصد كحيله هاه تبي نخطبها قبل تطير من يدك ولا عاف الخاطر؟ كسرت قلبك للمره الاولى وندمت وما ودي ارجع اشوف ولدي بذيك الحاله ،
تركي ابتسم بدون شعور : الصدق يبه والله خاطري فيها ،
ابو تركي : اجل على بركة الله نكلم عمها ونشوف ،
'
ديم ناظرت لـ حلا الي كانت نايمه اخذت جوالها وهي تحاول تتعلم لغة الاشاره عشان تقدر تفهم عليها اخذت وقت طويل وهي تتعلم وتركت جوالها بتعب : اف اصحي اجرب عليكِ،
فزت من رن جوالها و ردت : هلا؟
فارس : هاه كيفها معك ساكته ولا تبكي؟
ديم : والله نايمه احسها تعودت خلاص اسبوع وهي معي ،
فارس : عجلان كان يسال اذا تحس بتعب كلميني ياخذها المستشفى واذا هي بخير ف ياخذها بعدين ،
ديم : لا والله مبسوطه معي ما حست بالتعب ،
فارس : حلو اجل يلا خليكِ معها ،
'
هزاع كان سرحان وجالس متعب دخل لعنده واستغرب ومشى وقف : هاه شفيك مو مبسوط؟
هزاع رفع كتوفه : معرف يا خالي بس ابي سبب ليه تركتني؟؟
متعب : لما عرفت من سعود سالفة زوج اخته اتوقع جاو عشانهم و اضطرو يمشون بدون يعلمون احد،
هزاع : برايك الموضوع كذا؟
متعب : الي هو ما يهم ويلا انا رايحه اجيب زوجتي ،
هزاع بضحكه : عقبال ما انا اجيب زوجتي ،
'
اسماء مشت حطت الحلا على الطاوله وسوت قهوه وتجمعو ،
كحيله : اوفف قد ايش اشتقت نتجمع كذا ،
فجاه انفتح الباب و دخل متعب وهو ماسك يد زليخه ،
كحيله فزت من شافتها و ركضت حضنتها : اشتقتتت لككك ،
زليخه بدموع ؛ حيوانهه ويننن  رحتييي فقدتككك ،
متعب مسك يدها وهو يسحبها له : خلاص عاد اغار ،
اسماء بضحكه : هالله هالله يا خالي حركات ،
كحيله : خير اعرفها من قبلك تراا ،
متعب ابتسم : بس هي الحين صارت باسمي انا ،
مريم : شف شف الخاين ،
متعب : يلا حنا رايحين ل غرفتنا تامرون على شيء؟
كحيله سحبت زليخه : خيررر خلها تجلس معانا و روح انت ،
متعب : اقول تراها زوجتي ،
كحيله : وتراهاا صحبتي قبل تصيرر زوجتك ،
'
عجلان بهدوء : هي طلبت و طلقتها براحتها ،
فارس : و الحين شتسوي؟ وكيف تتصرف مع حلا لوحدك؟
عجلان : مو مشكله راح اتصرف اشوف لي حل ،
فارس : بس انت الحين تغيرت كثير ومستحيل وحده ترفض انسان زيك لا تسوي كذا كمل وعيش حياتك ،
عجلان بضحكه  : اجل دور لي عروسه نشوف ،
فارس : راح ادو واكلم زوجتي بس توافق؟
عجلان صد وهو يضحك : يخي فارس انت فاضي ،
'
ابو سلطان رجع من المسجد قام بيدخل البيت لكن وقف على صوت ابو تركي والتفت : هلا يخوي؟
ابو تركي : جهز القهوه جاين عندك نكلمك بموضوع ،
ابو سلطان ابتسم : حياكم الله البيت بيتكم ،
ابو تركي : اجل يلا رايح اخلص كم شغله و راجع لكم ،
ابو سلطان ابتسم و دخل البيت : اسماااء ،
اسماء ركضت له : تعال تعال خالتي بغرفتها ،
ابو سلطان دخل : نظفو البيت زين جاي ابو تركي ،
كحيله باستغراب : ليه ؟
ابو سلطان : مدري يا بنتي قال اكلمك بموضوع ،
كحيله : الله يستر نقوم ننظف ،
'
ام تركي ابتسمت : مو قلتلك ربي راح يجبر بخاطرك؟
تركي ابتسم : مدري يا يمه احسني بالحلم ،
ام تركي بضحكه : يلا يلا ابوك ينتظر واختك كلشوي تتصل تسال شسالفه و شصاير ما ارد عليها ،
تركي : ملقوفه هذي بنتك ،
ام تركي ضحكت وطلعو توجهو لبيت ابو سلطان ،
ابو تركي مشى وهو يسلم عليه وجلس والعيال تجمعو ،
ابو سلطان : والله ننتظر موضوعك وانا اخوك ،
ابو تركي بهدوء : جيت اطالب بيد بنتكم كحيله لولدنا تركي وبخاطري عرس تركي وكحيله وهزاع و خطيبته يصير بيوم واحد وانت تعرف تركي خطبها قبل و رفضتو وهالمره هو صامل على قراره ويبيها بالحلال ،
هزاع انصدم وهو يناظر لـ تركي وبنفس الوقت ندمان انه رفضوه ذيك الليله ولا مستحيل كحيله قعدت مطلقه ،
ابو سلطان : والله انا صحيح عمها لكن مو من حقي ارد لازم اشوف ردها و رد امها واخوها ونشوف ،
ابو تركي ابتسم : خذو وقتكم وانا متاكده ما ترفضون ،
'
متعب مشى جلس بهدوء : اعرف هالايام ساحب عليكِ ،
زليخه وهي تعدل شعرها : لا والله فاهمه وضعك ،
متعب : سمعت امك جت ؟
زليخه : اي ابوي يبيكم بموضوع قال وانا قاعده اتجهز اروح لـ امي اشوف ايش الموضوع ،
متعب وقف ومشى لعندها : خلينا منهم ابي نسافر ؟
زليخه بصدمه : نسافر؟؟
متعب : ايي خلاص مليت من المشاكل ابي انا وانتي وبس بعيد عن الناس والدنيا ،
زليخه ابتسمت بهدوء ونزلت راسها ،
'
فارس : اقولكك خذي اكبر مقاس راح يكبر بسرعه ،
نجود : كيفف اخذ اكبر مقاس ما يجي قده ،
فارس : الطفل وقت الولاده يكبر بسرعه ترا ،
نجود : مالك دخل خلني اخذ الي ابي وكل المقاسات ،
فارس : اجل بكيفك وانا اروح اختار لـ يوسف ،
نجود ابتسمت و صدت مشت وهي تختار للبيبي ،
'
كحيله فزت بصدمه : يخطبني انااا؟؟؟
هزاع بهدوء : اي انتي وصحيح ما علمتك قبل. بلي صار هو خطبك قبل عجلان لكن رفضنا ،
كحيله كانت مصدومه و مو مستوعبه ،
متعب : خذي راحتك وفكري و تركي  اشوف رجال ونعم فيه وحياتك مع عجلان والي مريتي فيه ارميه ورا ظهرك والحياه ما يوقف على احد وفكري بكلامي وانتي براحتك ،
كحيله ابتسمت بهدوء وسكتت وهي تفكر : ياربي شقاعد يصيررر وذا من وين طلع لي فجاه! تنهدت بضيق ،
'
ترفه كانت مبتسمه بهدوء وهي تتذكر هزاع ومبسوطه وتدعي انه الحمدلله صار كل هذا و رجع هزاع! بس ما تدري عن زعل هزاع ،
'