يا اهل العذاري يا اهل العيون الكحيل

يا اهل العذاري يا اهل العيون الكحيل بارت 17 ،

= يا اهل العذاري يا اهل العيون الكحيل بارت 17 ،
'
- اليوم المُنتظر عرس كحيله & وعجلان -
'
كحيله كانت جالسه و اسماء تحط لها مكياج ومريم تسوي شعرها ابتسمت وناظرت فيهم : فاقده زليخه و ترفه ،
اسماء : مستغربه والله مالهم حس ،
مريم : منجد ايش ذي الصديقات الي حتى بيوم العرس مالهم حس اصبرو خلهم يجون اوريهم ،
فجاه دخل ابو هزاع وهو يناظر لـ كحيله ، كحيله التفتت له
اسماء ومريم تركوهم وطلعوا ، ابو هزاع صد وهو يمسح دموعه كحيله قامت ناظرت فيه ومشت حضنته ،
ابو هزاع بهمس : كبرتي يا كحيله كبرتي و راح تتركيني؟
كحيله تجمعت الدموع بعيونها : مابيه ياخذني منكم ،
ابو هزاع ضحك من بين دموعه : طول عمري عيشتك بالعز ودلال ما اذكر يوم طلبتي شي رفضتك لكن هالمره مو بيدي،
كحيله : يبه خايفه ياخذني وماعاد ارجع اشوفكم ! مو مصدقه من بعد اليوم اصحى وما القاك وما اشوف وجهك ،
ابو هزاع تنهد بضيق كحيله ارتمت بحضنه ،
'
متعب و هزاع دخلو البيت : وينها كحيله؟
اسماء : مع عمي بالغرفه انتم خلصتو؟
متعب : اي من زمان حتى الضيوف وصلو جيبي شماغي ،
هزاع : سلطان لا يكون الي معك شماغي ؟
سلطان : وخر بس تعبت لين لقيته.
فجاه دخل خالد : ابوي ينتظركم برا شتسون هنا انتم؟؟
اسماء : يخييي ايش معنى مافي عزيمة حريم انقهرت ،
سلطان : اقول وخري بس ماعندكم الا الحش ،
هزاع : اتوقع ابوي رفض يمكن عشان عجلان امه ماهي في ،
مريم : حتى ولو شدخلنا فيه حنا تعبنا جهزنا فساتيننا فجاه مافي عزيمة حريم ،
'
فارس وقف وهو يعدل شماغه والتفت لـ يوسف كان يلعب بـ اغراضه ابتسم ومشى شاله وهو يبوسه وتركه بالارض و التفت لـ نجود كانت منسدحه وسرحانه بتفكيرها مشى لعندها ووقف قدامها مد يده حطه على جبهتها : تعبانه؟
نجود دفت يده : مافيني شي بخير انا ،
فارس تنهد : طيب بس شوفي الولد جوعان سوي له شي انا رايح اليوم عرس صاحبي انتبهي على نفسك ،
نجود صدت وسكتت ، فارس جلس على طرف السرير جنبها وهمس : زعلانه مني؟ اذا زعلانه على سالفة امس فـ انا اسف وقلتلك الف مره يا نجود انسي الماضي خلينا نعيش كل مره ترجعيني بالماضي بالنهايه انا انسان يا نجود غلطت غلطه واعرف حجمه بس فكري الحين انا ايش ما سويت عشانك وعشان يوسف؟ تركت الدنيا كله ورا ظهري كل همي انتم !
نجود ناظرت فيه : بس مره وحده ابي اروح لاهلي تكفى ،
فارس : مابي تروحين يا نجود مابي نرجع للماضي مابي احول حياتنا لجحيم مابي اخوك وابوك يلحقوني بكل مكان مابي ولدي يتاذى من شي يا نجود فكريي فيه طيببب! وانتي وش مفكره للحين اهلك يكونو بذاك المنطقه ينتظرونك؟
نجود صدت بدموع : اعرف مستحيل ينسوني ،
فارس : طيب نتفاهم بوقت ثاني الحين خليني امشي تاخرت،
نجود ناظرت فيه بهدوء : تتاخر؟
فارس رفع كتوفه : ما اعرف والله بس ان شاء الله لا ،
نجود : تمام انتبه على نفسك ، فارس ابتسم وقام طلع من الغرفه تنهد و رجع التفت ناظر فيهم ومشى طلع ،
'
عجلان : يبه كيف ماراح تمشي اليوم العرس وانت تعرف!
ابو عجلان : بس ياولدي مشغول مشغول وراي اجتماع مهم،
عجلان : ما جاك الاجتماع الا اليوم! يبه دام الموضوع يمشي زي ما نبي ف ليه تخرب كل شي؟
ابو عجلان تنهد : طيب خلاص خلني اروح اتجهز ومشى ،
عجلان تنهد فجاه رن الجرس مشى طلع فتح الباب ،
فارس ناظرت : خلص صلاة المغرب وانت باقي ما خلصت؟
عجلان : معرف عن ابوي فجاه يغير قراره ،
فارس : ليه شصاير مو راضي يجي؟
عجلان : انت ادخل داخل واعلمك فارس دخل معه،
'
ام سعود بحدها : قلتتت ماراححح امشيي ،
ابو سعود : يا بنت الناس خلينا نروح مو قلتلك بعد العرس بنطلع من هنا؟ خلاص خلينا نمشي نبارك لهم ونرجع ،
ام سعود : انت تعرف ماراح اقدر امسك نفسي قدامهم ،
ابو سعود : لا تخلينهم يشكون بشيء وانتي تعرفين اذا بهالوقت ما رحنا لهم راح يزعلون ويطول السالفه ،
فجاه دخلت ترفه : يبه متى نروح لهم؟
ام سعود التفتت لها بحدها : ما يحتاج تروحين انتي انا وابوكِ نروح نبارك لهم ونرجع ،
ترفه بصدمه : يمه كحيله صحبتي كيف ما اروح لها!
ابو سعود بهدوء : روحي تجهزي يا بنتي روحي ،
ترفه مشت ام سعود ناظرت لـ ابو سعود : منجدك انت؟؟
ابو سعود : خليها خليها تروح تستانس اخر يوم لنا هنا ،
'
زليخه تجهزت وعدلت شعرها وطلعت وناظرت لـ تركي كان جالس و سرحان وهمست : تاخذني الحين؟
تركي فز على صوتها وناظر فيها : تمام يلا ،
فجاه طلعت ام تركي : منجدك انت تاخذهااا هنااككك؟
تركي : يمه موضوعي خليها بعيد هي مالها دخل بكل ذا ،
زليخه مشت تلبس عبايتها ،
ام تركي : اي روح و ارقص بعرسها بعد ،
تركي : يمه خلاص قفلي السالفه وانسي ،
'
ابو هزاع و ابو سلطان كانو جالسين يسولفون مع الضيوف
والعيال واقفين يرحبون بالرايح والجاي ،
هزاع : غريب سعود ما جاء وينه في؟
متعب : يمكن يجي مع ابوه ،
سلطان : متعب شف الشايب الي قدامك بس لا تطالع فيه الحين بس شف نظراته علينا كيف ،
خالد : تحسب نفسك بنت يعني بالله عليك يخطبك هو؟
متعب ناظر للشايب : شكله حول الواضح انه يطالع بالشارع بس عيونه علينا ،
سلطان : صدقني قاعد يطالع فينا معجب سري ،
هزاع بضحكه : الله يقلعك يا سلطان ما لقيت معجب سري الا هذا رجل بالارض و رجل بالقبر ،
خالد التفت لـ تركي الي توجه عند باب البيت و زليخه مشت لداخل تركي قام بيمشي خالد مشى لعنده : وين رايح؟
تركي : رايح البيت ،
خالد مسكه من كتفه : اقول امش داخل بس ،
تركي صد : ما ودي يا خالد خلني امشي ،
خالد سحبه معه : خلاص ياهوه خل عنك الزعل ،
تركي تنهد و دخل معه ومشى يسلم على الكل و التفت لـ هزاع الي من شافه صد ومشى جلس بعيد عن العيال ،
تركي التفت لخالد : خلني امشي الحين ؟
خالد : اقول خلك هنا و ساعدنا مانت رايح لمكان ،
'
زليخه فصخت عبايتها: يمه ليه مافي احد؟
اسماء : والله بعد ما شفت كشختك مستحيه اقولك مافي عزيمه الحريم روحي عند الرجال ،
مريم بضحكه : اي حللي كشختك ادخلي عليهم بالغلط ،
زليخه : اجلل ليه ما علمتوني يا حيوانات وينها كحيله؟
اسماء : مافي ماراح تشوفينها و صح تراها زعلانه منك ،
زليخه : يمه شسويت انا عشان تزعل مني؟
فجاه طلعت ام هزاع وناظرت لـ زليخه ، زليخه مشت حضنتها وسلمت عليها : مبروك يا خالتي وعقبال اسماء ومريم تفتكين منهم ليتهم هُم تزوجو بدال كحيله ،
اسماء : عقبالك انتي يا حيوانه مو حنا ،
ام هزاع ابتسمت وناظرت لـ زليخه وهمست : يبارك فيكِ يا بنتي وينها امك ما جت؟
زليخه : كانت تعبانه ونايمه ف انا جيت لوحدي ما صحيتها،
ام هزاع : اوه الله يشفيها ان شاء الله اجي ازورها بعد العرس وانتم بعد لكم كم اسبوع لا تجونا ولا تسالون عننا ،
مريم : خالتي خلينا من هالسوالف خلينا نروح لـ كحيله ودخلو لداخل ، ام سلطان كانت جالسه مع كحيله تعدل شعرها ،
كحيله ناظرت لـ زليخه فزت ومشت حضنتها ،
'
عجلان و ابوه نزلو من الخيل وفارس كان وراهم بـ خيله ونزل ودخلو العيال وقفو وهم يسلمون عليهم ،
فارس دخل وهو يسلم على ابو هزاع وابو سلطان ومشى جلس وعجلان كان وراه وجلس جنبه : والله اجواء الديره ،
فارس بضحكه : والله انك رجعتني للماضي فعلًا اجواء الديره.
وبهاللحظه دخل ابو سعود وهو يسلم على العيال ودخل لداخل ، وفارس الي فز من مكانه بصدمه من شاف ملامح ابو سعود والتفت لـ عجلان : ءهذاااا ايشششش جابه؟؟؟
عجلان بصدمه : مينن؟ فارس ناظر للفرقه الي داخلين يطبلون ويغنون قام بسرعه و تلثم شماغه ووقف معاهم ،
عجلان انصدم منه وهو يلتفت يمين يسار ما يعرف مين يقصد ، و سعود الي ما لاحظ عليه كان واقف يسولف مع العيال وناظر فيهم : غريب تركي هنا؟
متعب : اي خالد جابه بالغصب ماكان راضي يجي ،
سعود التفت وهو يدور هزاع ناظر فيه كان جالس بعيد تنهد ومشى لعنده وجلس جنبه : هاه يالاخ للحين زعلان؟
هزاع صد : والي يرضى عليك يا سعود فكني منه ،
فارس انسحب بهدوء وطلع ، عجلان كان مستغرب منه لكن ما يقدر يلحقه عشان محد يشك بشيء فضل انه يسكت ،
فارس ركب الخيل وحرك بسرعه من هالمكان ،
'
ام سعود دخلت ام هزاع ابتسمت ومشت حضنتها ام سعود حضنتها بدون نفس وهي تمثل الفرح والسعاده قدامها ،
ترفه دخلت عند البنات وسلمت عليهم ،
كحيله صدت : وخري لا تكلمينييي انتي ،
ترفه : خيررر شسويتتت انااا؟
اسماء : شف وبكل ثقه تقول شسويتت؟
مريم : واضح انكم خوش صديقات توكم جاين ،
ترفه : اف والله ما قدرت اجي شسوي ،
كحيله قامت وحضنتها : يلا سامحتكم عشاني رايحه ،
زليخه : يقهرر هالخسيس عجلان ليه ياخذككك مننا؟!
ترفه : خير تبي اشوفه عطوني صوره اي شي له ،
اسماء بخبث : بنات شرايكم نروح نراقب من السطح؟
كحيله بصدمه : ياويلك لو احد قفطك ،
اسماء : وخري بس خليني اروح اكحل عيوني بالحلوين ،
ترفه : حتنااا بمشييي معك اكحل عيوني ،
زليخه : اجل حتنا بمشي بشوف العريس مزيون ولا شين ،
مريم : وانا بجلس مع كحيله وخرو ما منكم فايده ،
كحيله : مريم الوحيده كفو فيكم ،
البنات ضحكو وطلعو مشو للسطح كان ظلام ،
زليخه : يمه وش ذا ظلام ما اشوف شي ،
اسماء : بنات انتبهو ترا معلقين اللمبات هنا لا يطيح على راسهم وننقفط ، مشو وقفو عند الجدار وهو يناظرون ،
ترفه كانت تناظر يمين ويسار تدور هزاع بعيونها ،
زليخه : يمه حماس عندهم والله ،
اسماء : شذا وينه العريس مو باين ،
'
الفرقه بداو يطبلون ويغنون متعب والعيال مشو وهم يرقصون
هزاع الي وقف قدام متعب لكن رفع راسه عشان لا يطيح شماغه وطاح عينه على ترفه والبنات الي كانو يناظرون فز قلبه
وهو يناظر فيه لكن البنات نزلو راسهم من لاحظو هزاع يطالع.
هزاع ابتسم و ناظر لابو سعود ومتعب كانو واقفين و بيدهم السيف و يرقصون مشى اخذ السيف من خالد ووقف قدام ابو سعود وهو يرقص و رفع نظره وهو يشوف ترفه تناظر ،
ترفه ابتسمت وحطت يدها على قلبها وهي تناظر ،
زليخه : يمه هذا ابو شماغ منهو يجننن ،
اسماء بضحكه : خالي يا خفيفه ،
زليخه : اما عاد خالك معليش بس حبيته ،
اسماء : ابشري راح اعلمه ،
زليخه دفته : لا تفشلينيي يا حيوانه ،
ترفه كانت مو منتبه لكلامهم وهي تناظر لـ هزاع الي يرقص،
اما تركي الي كان بعيد عن الكل وهو يناظر بصمت ،
'
نجود ناظرت لـ يوسف كان يلعب وينط على السرير مشت عنده شالته وجلسته قدامها وحطت السريلاك قدامه وناظرت فيه : جوعان يا بابا؟ يوسف هز راسه بـ اي ،
نجود ابتسمت : يا حبيبي اسفه اني اهملتك كثير اليوم ،
يوسف : ءءبابا ،
نجود صدت : عاد لا تجيب طاري بابا قدامي الحين،
'