يا اهل العذاري يا اهل العيون الكحيل

يا اهل العذاري يا اهل العيون الكحيل بارت 36 ،

= يا اهل العذاري يا اهل العيون الكحيل بارت 36 ،
'
عجلان حرك سيارته متوجه للمطار كان يسوق باسرع ماعنده لاحتى يوصل كل همه بنته وقف السياره نزل دخل المطار ،
فجاه رن جواله اخذه وهو يناظر اتصالات ابوه و رد بحده ،
ابو عجلان : انجنيتتت انتت فيننن رايحح؟؟؟
عجلان بسخريه : انت ضحيت بدم اخويي ولا همك لكن انا ماراح اضحي بدم بنتيي للموتت ،
ابو عجلان : قلتلككك ارجععع للبيتتتت ،
عجلان بعصبيه : مانيييي راجعععع وقفل الخط بوجهه ،
'
كحيله كانت جالسه بالحديقه وتبكي فزت من حست بصوت لطيفه : شفيكِ ليه تبكين!
كحيله فزت وناظرت فيها وهزت راسها بالنفي : مافيني شيء ،
لطيفه سحبت الكرسي وجلست : تحبينه؟
كحيله ناظرت فيها بصدمه وهي ما تدري شتقول لها ،
لطيفه : علميني الحقيقه تحبينه؟ اكيد هو علمك كل شيء وعلمك عن حلا بس انتي فعلًا تصيرين لها ام؟
كحيله ناظرت فيها : ءءلا ما علمني شيء ،
لطيفه بهدوء : يمكن خاف يعلمك وتتركينه بس انا اعلمك والقرار بيدك و تاكدي انا راح اوقف معك عجلان متزوج من قبل كان يحب وحده وهي بادلته الحُب بس للاسف عجلان وقته ما قدر حبها ولا قلبها كسرها الف مره وهي طلبت الطلاق وكانت حامل بـ حلا بس لا تلومين عجلان ماله ذنب بشيء الذنب ذنب ابوه كان نفس كذا بعد ما ماتت زوجته كان كليوم عند وحده و يسكر ويشرب عرفته بالصدفه وتزوج مني و تغير كثير و تاب لكن للاسف عجلان طالع على ابوه نفس الحركات يسويه وتزوج منك وكنت متوقعه راح يتوب زي ابوه ويبعد عن بنات الحرام لكن مستغربه لي ما علمك شي؟؟
كحيله بدموع : ءءابي اهلي الله يخليكِ مابيهه ابي اهلي ،
لطيفه بصدمه : اهلك؟ ليه عجلان ما ياخذك لهم؟
كحيله ببكاء : ءءلااا حرمني من اهلييي ،
لطيفه بصدمه : صحيح ابوكِ الي سواه فيه مو قليل لكن انتي ايش ذنبك؟
كحيله فزت : ءتكفيننن انتي علمينيي ابوي شسوااا؟؟؟
لطيفه بحزن : ابوه قتل جدك وابوكِ طالب بدم جدك ف ابوه ضحى بدم عادل اي عادل اخو عجلان ماهو اخوكِ وهو كان في امريكا طول عمره بالصدفه شاف صورته مع طفل وعرف الحقيقه كله ابوه علمه وجاء هنا عشان يدوره وعرف انكم عايشين بـ ارض ابوه وقرر يتزوج منك عشان ياخذ الارض ،
كحيله كانت منصدمه وهي عارفه مستحيل انسانه طيبه زي لطيفه تكذب! واضح من وجهها انها انسانه صادقه غمضت عيونها و دموعها تنزل وتبكي ، لطيفه قربت وهي تهديها ،
'
نجود ببكاء : ءالله يخليكك علمنيي كيفهمم امي وابوي!!
سعود صد : لا تسالين عن الي قتلتيهم بيدك ،
نجود بدموع : سعود الله يخليك لا تقولل كذاا تكفى علمنييي وينننهمم علمنييي ،
سعود بحده : اختاريي تعيشيننن مع الييي واقففف قداممككك ولاا معاناا ، و صد ، فارس انصدم من كلامه و التفت لـ نجود وهو مصدوم ، نجود ناظرت لفارس و بدون تفكير همست : انتممم ابييي امييي وابويي ،
فارس بصدمه : ءءسعود فكررر بـ ولديي كيف تسويي كذا؟؟؟
سعود : انت فكرتت بشرفنااا قبللل تاخذهااا!
فارس صد وهو ماعنده رد لكن من نظراته كان يترجا نجود لا تمشي وتتركهم ، لكن للاسف نجود كل همها اهلها ،
سعود مسك يدها وسحبها معه : اوراق الطلاقق يوصل فاهمم! والتفت لنجود : انتظركك تجهزييي ، فارس قام يتكلم فجاه رن جوال سعود اخذه وناظر كانت منال رجع قفله وحطه في حيبه وناظر : منن بعددد اليومم لاا اشوفف وجهكك وناظر لـ نجود الي طلعت وسحبها من يدها وطلع ،
فارس كان مصدوم و ركض ركب سيارته يلحقه ،
'
العامله كانت شايله يوسف ماكان يسكت وطلعت لبرا للحديقه ناظرت لـ كحيله كانت تبكي ولطيفه معها مشت عندهم وناظرت فيهم لطيفه ناظرت ليوسف كان يبكي يبي امه اخذته وهي تسكته كحيله مسحت دموعها وهي تناظر لـ يوسف ،
لطيفه بحزن : شنسوي في هذا الحين كيف يسكت.
كحيله قربت واخذته منها وهي تهزه لاحتى يسكت ،
يوسف كان يصارخ و دموعه ينزل ،
لطيفه ناظرت للعامله : تروحين للبقاله معي نجيب له شي،
العامله هزت راسها بـ اي لطيفه مشت تجهزت و راحت معها،
كحيله اخذت يوسف عند الخيول : هالله شف ايش هذا؟
يوسف صد وهو يصارخ فجاه كحيله تنهدت بضيق ،
'
فارس اخذ جواله وهو يتصل على ديم دقايق و ردت : هلا؟
فارس : ديمم ويننن فيصل بسرعهه كلميه ياخذ يوسف ،
ديم باستغراب : فيصل بالبيت بس شفيه يوسف؟
فارس : قولي لفيصل يوسف في بيت صديقي عجلان يجيبه،
ديم : تمام بس انت شفيك ليه صوتك كذا ؟
فارس قفل الخط بوجهها وهو يناظر لسيارة سعود ويلحقه،
'
ترفه : رد عليكِ؟؟
منال بخوف : لا ما رد والحين اتصل يطلع مقفل جواله ،
ام سعود بخوف : يالله انك تحفظه وين راح شصارر فيه ،
ترفه : لا تخافين يمه ان شاء الله يكون بخير ،
منال : قال لي راح ارجع بسرعه ماراح اتاخر ،
ترفه تنهدت وهي تدعي انه يكون بخير ، فجاه رن الجرس ،
منال فزت و ركضت فتحت الباب انصدمت وهي تشوف سعود و وراه بنت اول شي خطر على بالها انه تزوج ،
ام سعود ركضت عند سعود لكن وقفت اول ما شافت وجه نجود تجمدت بمكانها وهي تهز راسها بالنفي ،
ترفه بصدمه : ءءنجوددد؟؟؟؟؟
ام سعود بصراخ : لااااا لااااااااا موووو هيييي مو هييي ،
نجود نزلت دموعها و ركضت تحضنها ام سعود دفتها وهي ترجع لوراء : لااا مو نجوددد مووو هييييي ، رفعت يدها وهي تضرب على راسها وتبكي : مووو نجوددددد موووو هيييي ،
نجود كانت تبكي وهي تناظر لامها وترفه كيف تغيرووو ،
ترفه نزلت دموعها وهي تناظر لنجود ،
سعود كان واقف و دموعه بعيونه نزل راسه وهو يمسح دموعه منال كانت مو فاهمه شي و مصدومه وقفت جنب سعود ،
ابو سعود طلع على صراخهم لكن من شاف نجود تمنى انه بالحلم ويصحى منه باقرب وقت ولا يشوف وجه هالانسانه ،
نجود بدموع : سامحونييي ءءسامحونييي تكفونننن ،
ابو سعود بصراخ : ليهه جتتت هذيييي ليههه ،
ترفه فزت و التفتت لابوها الي دموعه ينزل وهو يصارخ ،
ابو سعود حط يده على قلبه : طلعوهااا من بيتيييي ،
ترفه ركضت وهي تمسكه : ءءيبه لا يصير فيك شيء ،
سعود ناظر لـ نجود الي كانت تبكي وتترجاهم يسامحونها ،
'
كحيله حست بصداع من صراخ يوسف الي مو راضي يسكت
فجاه سمعت صوت سياره يدق البوري فزت بخوف بهاللحظه كانو راجعين العامله و لطيفه وناظرو لفيصل الي واقف ،
فيصل نزل وهمس : يوسف وينه جيت اخذه ،
لطيفه : تمام الحين اجيبه و دخلت لداخل ،
العامله مشت اخذت يوسف من كحيله وطلعت لبرا ،
فيصل ابتسم وقرب اخذ يوسف وهو يشوفه يبكي ،
يوسف من شاف فيصل وقف بكاء ووجه احمر ،
فيصل ابتسم وهو يضمه لصدره و ركب سيارته ،
كحيله تنفست براحه انه افتكت من صياحه مشت جلست بهدوء وهي حاطه يدها على راسها ،
'
متعب كان جالس يضحك مع سلطان وخالد يسولف معاهم،
هزاع مشى بهدوء وجلس جنبه : ابي اكلمك ،
متعب التفت له : اي اسمعك؟
هزاع : فكرت بموضوع وابي يصير اليوم قبل بكره ،
متعب استغرب والتفت : ايش الموضوع؟؟
هزاع صد وهمس : ابي اتزوج من اسماء ،
متعب بصدمه : و ترفه؟؟؟
هزاع بقهر : لا تجيب طاريها عندي وانا ابي اتزوج وانتقم من قلبي الي للحين عالق بحبها ،
متعب : وتظلم اسماء؟؟
هزاع : ما اظلمها راح احبها لكن ترفه بالنسبه لي ماتت ،
'
'