اخترتك من الناس للقلب خله🤍

البارت٣

في بيت ابو سلطان

عبير:ريم شفيتس
ريم :ولا شي ليه
عبير:من راحو اهل عمي مو على بعضتس
ريم: كنت بالحوش وشافني خالد تخيلي ماتنحنح ولا سوا شي بس نزل الاكياس ومشى وعرفت انه موجود من صوت الاكياس
عبير:كيف!
ريم: مدري مدري
عبير:اسكتي لاحد يدري ولو ابوي درا بيحرق الارض كلها
ريم:ايه افاعليتس
_________________
في بيت ابو سعود
في غرفة سعود وخالد تحديداً
سعود: خالد صاير شي
خالد:لا ابدا
سعود:ماانت عاجبني من بيت عمي ابو سلطان ماانت بخير
خالد: يارجال خلها على الله
سعود: بتكلم ولا والله... قاطعه خالد وهو يقول: خلاص لاتحلف بقول
سعود:يلا اسمعك
خالد:شفت ريم بنت عمي ابو سلطان
سعود:مهبول انت! لو درا عمي ولا احد عياله وش يصير
خالد:نوف قالت لي انزل الاكياس على الباب ولما نزلت شفتها
سعود: الواحد يتنحنح لادخل مكان ويطلع صوت
خالد: ياسعود ابيها
سعود: ماانت صاحي اليوم شفتها واليوم تبيها اقول نم مهبول
بداء خالد يقول : الناس نامت وانا ياسعود سهران...والعين تبي النوم والنوم يجفيها
سعود: الله عليك بس ابوها لو يدري بتصير رماد
خالد: مااحد يدري وعلاقة عمي وابوي كويسه وهذا شي حلو
سعود: الله يكتب اللي فيه الخير
____________________
ثاني يوم بالسوق
ابو سعود: شفت الارض حقتي تصير مواقف والارض حقتك تصير المبنى الرئيسي
ابو سلطان: صح عليك مافي مواقف ونستغل هذا الشي
ابو سعود:كلمت المهندس؟
ابو سلطان: ايه وقال بكره بيجي
ابو سعود: قلت لي وش اسم المهندس؟
ابو سلطان : محسن
ابو سعود: يالله ان شاءالله انه وجه(ن)فليح
ابو سلطان : ان شاءالله

بالجهة اليسرى من السوق

مصلح: يارجال انا اوريك فيهم اذا ماشلو الارض مااكون مصلح
نايف: هد هد مو كل شي يجي كذا
مصلح: اذا ماخليت الناس تتكلم عنهم ماني رجال
نايف: اذا المرجله كذا ماابغى اصير رجال
مصلح: اقول سد فمك جاه الضمير الشريف
نايف: من متى يامصلح انا اسوي كذا
مصلح: اقول بتسويها وطرق
نايف: تخسي دور احد غيري
مصلح: اذلف روحه بلا رده
نايف: احسن كلام قلته
________________________________
عند نوف اللي كانت جالسه على الجوال بالبلكونه

نوف :ماتبون نتقابل بالليل دامها قمراء
عبير: والله ماادري اشوف اذا ماعندي شغل جيت
ريم: من يفوت القمراء اليوم ١٥
نوف: تجون عندي ولا اجي عندكم؟
عبير: حنا بنجيتس
نوف: حياكم الله انتظركن
ريم: ان شاءالله
عبير: يلا انا ابي افصل عندي شغل
الكل: يلا مع السلامه
نوف عند امها: يمه ترا بنات عمي بيجون الليله
ام سعود: وامهم بتجي؟
نوف : ماادري
ام سعود: اليوم معزومين عند جارتنا ام فهد يمكن ماتجي عشان نروح هناك
نوف: اتصلي عليها وشوفي
ام سعود: ايوالله

ام سعود: مرحبا
ام سلطان : ياهلا والله
ام سعود: اخباركم وعلومكم
ام سلطان: الحمدلله بخير دامتس بخير
ام سعود: تجين عند ام فهد اليوم ولا لا
ام سلطان : ايوالله
ام سعود : اجل زين وانا ابي اروح بعد
ام سلطان : نروح انا وانتي مع بعض
ام سعود: تم اجل ابي اكوي عبايتي
ام سلطان: وانا بعد ابي اتجهز
ام سعود: فمان الله
ام سلطان: مع السلامه
_________________________

بالحوش تحت الشجر على ضوء القمر واغنيه لخالد عبدالرحمن
سعود: نوف وش قاعده تسوين احد يبي يجي
نوف: ايه ريم وعبير
خالد : الحين!
نوف: ايه شفيكم
خالد : لا ولاشي
سعود: عاد الجلسه خيالل
خالد: تجيك السعاده من تحس ان الليله بتشوف القمر
سعود اخذ خالد على جنب: خالد اعقل لااسطرك
خالد: وش قلت ماقلت شي غلط
سعود: خالد بتعقل ولا لا
خالد: انا انجنيت ابيها واحبها من يوم ماشفتها ماراحت من بالي
سعود بنبرة صوت حاده: خالد اعقل ماهي لعبة صغار
خالد: وش اسوي ابيها واحبها
سعود بنبرة صوت عاليه: يمكن البنت ماتبيك
خالد صحى ورجع لـ عقله فقد الامل:وش قلت عد عد
سعود: يمكن ماتبيك
هداء خالد وفكر بكلام سعود صدق يمكن ماتبيه
_________________________
اجتمعو البنات على الاتفاق وكل وحده جابت صنف معها
ورقص وسوالف ولعب
نوف : يالله يابنات اليوم يجنن
عبير: ايوالله
ريم: تبون نسوي اكل
نوف : فكره والله
عبير: والعيال
نوف: العيال فوق بالسطح مايسمعون شي ولا يشوفون شي
عبير : اجل يلا
راحو للمطبخ ونوف عليها التقطيع وريم الغسيل وعبير الطبخ
وقلب المطبخ ضحك ولعب ورقص وسوالف
العيال بالسطح
سلطان: يلا ياخالد القمر مايبي له الا قصيد
سعود: عزيز بالله عود
عزيز: ابشر
ظبط خالد جلسه واخذ المسبحه ويقول:
ياسعود انا قلبي من العام مخطوف
واللي خطفه مواعده مايجيبه

ياسعود ليل من الشعر حايفه حوف
يزها قبيله بالنظر ويغدي به

ياسعود ماتكفي من الريم وصوف
حتى عيوبه تستحي لاتعيبه

لامر طاري وجنتيه على الجوف
يفرح به العاقل وتسمع لهيبه
تعالت الاصوات بين الله عليك .. فنن فنن
والجلسه بين الشعر والقصيد عند العيال وبين الرقص والسوالف عند البنات
بالمطبخ عند البنات
نوف: خلصتو بنات
ريم: ايه الصحن جاهز
عبير: وانا خلصت اجل يلا للحوش
العيال بعد ماعم الهدوء يحسبون ان البنات راحو العزيمه نزلو وتقهوو وتحلوو ويسولفون
البنات انصدمو يحسبون حرامي طب البيت واخذو غلايه وقدر وملعقة
عشان يضربون العصابه
وبدو يمشون شوي شوي خايفات
نوف: صبر صبر بنات هذا مو كأنه سعود
ريم: هذا كأنه سلطان
عبير: وهذا عزيز
نوف: وهذا خالد
عبير: يوهه العيال نزلو
ريم: اتوقع يحسبون إنا رحنا العزيمه
نوف: بنات اشكالنا تضحك واحنا كل وحده شايله معها شي
ريم : ههههههه ابي ارجع حقي
عبير: كلنا
عبير: ترا بنروح للجلسه تغطوا
ريم: يلا اجل
نوف: تمام
البنات تغطو وراحو للجلسه
عزيز: ياعيال البنات هنا!
سلطان: ايوالله
سعود: ماراحو للعزيمه
خالد: ايه
نوف: سعود امسك الصحن
ريم: ابي اروح اجيب السفره
عبير: والملاعق بالدرج جيبي لهم
سلطان: يعطيكم العافيه
سعود: يالبيه جاء بوقته
عزيز: يوهه يااني جيعان
بالمطبخ عند ريم اللي تدور الملاق زلقت من الماء الموجود على الارض وضرب راسها بزاوية الطاوله واغمى عليها
نوف: تسمعون صوت شي طاح
عزيز: ايه اتوقع صحن
نوف: ريم وينها
عبير: راحت تجيب ملاعق وسفره بس غريبه تأخرت
سعود:لايكون صار فيها شي روحي شوفيها
خالد: فال الله ولا فالك
سلطان: روحو تأكدو
نوف : انا بروح ماني مرتاحه
دخلت نوف وشافت ريم طايحه على الارض والدم حولها
نوف بصوت عالي وخايف: تعالووو ساعدوني ريم ريم
بالجلسه عزيز: نوفف!
سلطان: تنادينا!
اركضو للمطبخ سعود: نوف وش صاير
نوف وهي تبكي : ريم
عبيرتبكي وصوتها رايح:تكفون ريم لايصير فيها شي
سلطان: نوف ابعدي ابي اخذها للمستشفى
عبير: انا معك
نوف: وانا ابي امشي
سعود :يلا كلنا نمشي