اخترتك من الناس للقلب خله🤍

البارت ٢

ثاني يوم..

في بيت ابو سلطان بالصالة

عزيز: يااني انضربت ضرب
سلطان:يدي اوجعتني
ام سلطان: ليه تنامون بالمجلس وابوكم مسوي كل واحد غرفه؟
عزيز:يمه طلعنا نبي ننبسط ونغير جو
سلطان: وش عرفنا ان ابوي بيعزم رجال
ام سلطان: لازم تعرفون المرات الجايه عشان ماتنامون بالمجلس
عبير: صباااااح الخير ياوجيه الخير
الكل:صباح النور ياخير كله
ريم:عزيز سلطانوه وش صار عليكم
سلطان:يوهه يا إنا اكلناها ضرببب
عزيز:تكفين لاتذكريني
ريم :الحين يجي عمي ابو سعود ويهداء ابوي والسعاده تعم البيت
ام سلطان :انا ابي اروح لـ ابوكم عشان مايهاوشني بعد
عبير: ياسلطان قم ودني عندي شغل انا وريم
عزيز: وانا معكم
سلطان: يلا نروح نتمشى ونغير جو
______________________________
في بيت ابو سعود
ابو سعود : ياشباب تجهزو نبي نمشي
ام سعود:الحين ؟
ابو سعود: ايه جهزو اغراضكم يلا
ام سعود :ماكان بكره نمشي
نوف :يلا اليوم نمشي
سعود: ميته على الرياض
نوف: وش جوك بالله هنا حر ومافي احد وعبير وريم كلهم بالرياض
خالد:صادقه نوف حر موت من يجلس هنا
نوف:اشهد ياتاريخ خالد اول مره يقول صادقه
سعود:وهو صادق او مره تقولين شي صح
نوف: اخواني شاربين شي متأكدين انتم اخواني
ابوسعود:نوف بحاله صدمه الحين
ام سعود: ماهي مصدقه
نوف:اخواني صارو اخوان احلامي اللي دايم احلم فيهم
سعود:شف بعد عندها اخوان بالاحلام
خالد: ماهي صاحيه
نوف: اقول عطني جوالك ابي اتصل على بنات عمي ابو سلطان
سعود:خذيه تلقينه تحت المخده
نوف:ترا اعرف مكانه
خالد:حشا مباحث مو انسانه
نوف :ترا سمعت
____________________

عبير:ياهلا وسهلا
نوف:هلا فيك اخباركم
ريم:بخير بس فاتك اكشن صار بالبيت وجبت فشار واتفرج عليهم
عبير: خساره فاتني كنت نايمه
نوف: وش صاير
ريم:اخواني نامو بالمجلس وابوي عزم رجال وفصل عليهم
نوف: اكشن قوي
عبير:اكلوها ضربب
نوف:الله يعين
ريم:نوف متى تجون الرياض
نوف:اليوم الحين انا اسعد انسانه
عبير:الله يديم السعاده
نوف:يلا نكمل سوالف لاجيتكم ماابي اقول كل السوالف عشان لاجيت يصير فيه سوالف
ريم وعبير:يلا مع السلامه
________________________
سعود:نوف جيبي الجوال ابي امشي
خالد:خذني معك
نوف:امسك من زينه عاد
سعود:ايه خلصت وقالت من زينه
نوف:مشكله صراحه لما تكونين البنت الوحيدة بين عيال
خالد:اقول اذلفي جيبي اغراضك ابي اركبهم السياره
نوف: اذا مواحسن ذلفه
سعود:اختك ذي ماهي صاحيه
خالد : ايوالله
نوف:ترا سمعت
خالد: ياطول اذانك
_______________________
سكة سفر
نوف: يابختك يانوف يوم السعد والفرح
خالد:يابنت الناس خلاص
ابوسعود: بنت الناس ذي اختك
خالد: ازعجتني يايبه
سعود :مافي احد ينام على ازعاج خالد ونوف
نوف: ماابي ارد عليك لان فرحانه

بعد سكة طويله وصلو البيت بسلام

نوف:ياهلا باللي له الخافق يهلي
سعود:الحمدلله على السلامه
الكل:الله يسلمك
ابوسعود:يلا كل واحد يحط راسه وينام عشان نروح لعمكم ابو سلطان
نوف:ابشر

______________________
ثاني يوم في بيت ابو سلطان
كلهم على استعداد انهم يقابلون عائلة ابو سعود البخور والاجواء الحلوه
عبير:ريم جيبي الشاي والقهوه
ريم:تمام
عبير:يمه وين الحلا
ام سلطان: جبته جبته
عزيز: يبه اطلب عشاء
ابو سلطان: ايوالله
سلطان: يمه ناقصكم شي اجيبه من البقاله
ام سلطان:عبير ترسلك الطلبات
سلطان :عبير استعجلي بالله
عبير:ارسلتهم جاك؟
سلطان:ايه ايه
عزيز: اصبر ابي اروح معك
سلطان:يلا
ريم:يمه البخور وين
ام سلطان: بالدرج البني على اليمين
ريم:يلا
الاجواء فيها كمية سعاده وكل واحد يجهز نفسه ويجهز اللي حوله
______________________
في بيت ابو سعود
غرفة نوف
نوف: يمه وش رايك البس الاحمر ولا الاسود
ام سعود:الاحمر احلى
نوف: يمه احط روج نود ولا احمر
ام سعود:نود
نوف :يمه البسي الازرق احلى
ام سعود:طيب
بالصاله كان ابو سعود وخالد وسعود جالسين ينتظرونهم
نوف:خلصت وش رايكم
خالد :نوف ذي انتي متأكده
سعود:قبل شوي لابسه بجامه وحالتك حاله
نوف:كش عليكم من اخواني
ابو سعود:لاعليك تهبلين
ام سعود:خلصت يلا
خالد: يالبيه يالجمال
سعود:اطلق وحده بالكون
ابو سعود:خلصتو مدح يلا اركبو السياره
____________________
وصلو بيت ابو سلطان
خالد ينزل الاغراض والهدايا اللي جابوهم من السفر
نوف: دخل الاكياس وحطهم عند الباب
خالد: طيب
لما حط خالد الكيس شاف ريم كانت حلوهه مره وهاديه
وقعد يقول بينه وبين نفسه:شفتِ القمر اللي نُوره مسرّات عليه من وجهِِك .. رسوم وملامح
ريم ماانتبهت الا من صوت الكيس ودخلت المجلس مخروشه
وتفكر لايكون شافها ولا لا كيف ماتنحنح وليه كان ساكت
عبير: وينك ياريم تعالي قهوي
نوف: هذا اللي ناقص عطيني انا اتقهوى
عبير : لا لا عادي
نوف: اقول اجلسوا ماني غريبه
ريم ساكته وتفكر
نوف :ريم شفيك سرحانه
ريم :ولا شي

في مجلس الرجال
سعود : وينك ياخالد
خالد : انزل الاغراض
عزيز: شفيك ماانت على بعضك
خالد: يوه طحت طيحه طيرت عقلي
سلطان:سلامة عقلك
سعود:كيف
خالد :من العتبة
عزيز: وين عيونك ماشفتها
خالد : اقولك فاهي انا
واخذتهم السوالف والكلام وعدا الوقت بسرعه وكل واحد راح بيته بعد يوم جميل