|هِيام الأسد |
لـ سارة السومري 🤎
"چان وجهّك
أول ولايات عُمري
وآخر دروبَ الضياع
چانت عَيونك
سِما لجنحّان حلمي ."
قراءة مُمتعة 🤎
.................
رائد : بجدية يلا تعال بسرعة أني هم رايدك بموضوع
أسد: أوكي ، بس يخص شنو ؟
رائد : يخصني ديلا أنتظرك ..
أسد : سديت الموبايل منه بدلت ونزلت شفت أمي كاعدة بالصالة رجل ع رجل وبحظنها صحن مكسرات وتباوع ع مسلسل، وميساء بصفها عينها بموبايلها عفتهن وطلعت أخذت نفس حالة البيت مزريلة وخايف لايسولهن مصيبة مااأمن ألهن أبد ..
صعدت سيارتي وسقت لبيت رائد قريب علينه مو كُلش بعيد وصلت طبگت السيارة ودگيتله هورن طلع رائد فتح الباب نزلت من السيارة وسالمنه
رائد: يا هلا يا هلا
أسد: هلا بيك ضلعي حضنته ودخلنه جوا للأستقبال مدت رأسها أمه من المطبخ
أم رائد : يمةةة هلا بـ بأسد توة ما نور البيت هلا بيك يمة
أسد : هلا بيچ خالة شلونچ شلون صحتچ ؟
أم رائد : الله يسلمك يمة بخير الحمدلله تعال تفضل أدخل للمطبخ قابل غريب أنت
أسد : أشرتلي ع المطبخ دخلت جريت كرسي وكعدنه أني ورائد
رائد : يمة والله عيب عليچ
أم رائد: ليش يمة شكو، تحجي وهي تقدم بالأكل ع السفرة
رائد : شتقصدين من تكُلين لأسد توة ما نور البيت قابل أني هنا شنو خراع خضرة
أسد : ضحكت ع سوالفه دوم يداهر وي أمه أباوع لانه عافت السلة ع الكاونتر وأجته من ورة صفگت راشدي ع رگبته گام يگمز وطلع للصالة
رائد : بشقة هاي شبييييج يووووم صدُك تحجين ؟
أم رائد: نچب أبو حلگ الأعوچ يقارن روحه بـ أسد
خاب تروحله فدوة
رائد : يغمزلها ها يوووم هااا خوش لعد أني بعد معليه بكُلشي خلي أسد يفيدچ
أسد: رفعت حاجبي لرائد وضحكت باوعت لامه ودكيت صدري خالة عند عيناچ معليچ برائد شتريدين أني بخدمتچ
أم رائد: بخجل بعد گلبي يمة الله يوفقك هذا رودي يشاقة وياك
أسد : باوعت لرائد يبتسم وأمه تنقل بالأكل كعدنه ناكل وكملنه، گوم أغسل المواعين
رائد : خوش أنت عزل واني أغسل
أسد: ديلا بسرعة بدينه نعزل المواعين ضميت الأكل الزايد بالثلاجة والمواعين خليتهن عالسنگ لرائد يغسلهن أخذت الاسفنجة حتى أمسح الميز ومااحس بس مي بارد باوعت رائد الكلب يشمر بالكلاص مي عليه
أنت تقرأ
هيام الأسد
Romanceفي الواتباد كثيراً ما نقرأ عن البطل العصبي المُختل .. في عالمي وروايتي سأخذكم لبطل عقلاني هادئ ، عاشق ٌ ، ثأراً ، مجرماً ، مُحباً لعينيها ، قاتلاً لمُعذبها ، صادقاً لحُبه ، كاذباً في طريقه أليها .. هيا بنا لنتعرف أكثر عن الشاب الذي يحمل دهاء وذك...
