بدر : وينك ياهادي عن الفطور!
هادي : ابوي مسافر للقصيم وموصيني على العزبه والحلال وما يعتمد على العمال واجد وماقدرت اجيكم
بدر ببتسامه كبيره هز راسه له وجلس يشرب شاهي وهو يقول : حيّ الله العيال
فهاد : بسم الله عليك م انت مستوعب انهم جونا
بدر تنهد وبحماس وهو يشرح : تبي الصراحه ايه بالله مانيب مصدق وخصوصًا نيّاف وسيف اللي مهاجرينا اما انت وهادي علومكم غانمه وم نظلمكم بجياتكم
قاطعه نيّاف : اقولك توظف هناك معنا وإنا بندبرك بواسطاتنا وخلنا نهاجر صدق !
انزعج بدر وبان بوجهه ضيقه من كلام نيّاف وهو حتى للاحظ وقال سيف بمزح : نيّاف مضبط اموره وبياخذ اهله وبيهج وبيورطك
بدر : ماشوفك تورطت ياسيف عاجبك الوضع هناك هههههههههههههه
سيف تذكر سبب هروبه من الديره وقال بضيق : ما هجينا انا ونيّاف الا وشايفين الهوايل
بدر لف عليه : ذكرني اعلمك بالاخبار الجديدة قبل تتورط بخطط الشيبان !
سيف بتعب : وش بعد
هادي بحماس تربع : قرارات حصريه بحقك انت بالذات
سيف لف على بدر ينتظره يتكلم وقال بدر : ابد يبون يرجعونك لحرمتك الاوله
سيف تغير وجهه ونيّاف انقهر كون انه حاس فيه وبزياده بعد ! قال سيف بهدوء : ومن قال بسمع لهم
بدر تنهد : ابوك ياسيف
فهاد : غريبه وش معنى هو بالذات والعيال الباقين طيب
نيّاف باستهزاء : ابوي صاير مايهتم وابو بدر شاف ولده ماتوظف وانت معتوق وهادي يقولون قريب
قاطعهم مسلط اللي معه مسعود وصالح وجايبين الحليب اللي حلبوه من نص ساعه وارجعوا يسولفون وقعدوا هناك لين اذان
المغرب ..
البندري جهزت قهوتها وشاهيها واخذت كتاب سلطانه كون ان سلطانه تقراء كتب بعد م تخرجت وجلست فالسطح واليوم سمعت ان فيه خسوف القمر والسطح بدون ماتشغل السراج الدنيا واضحه لها انبسطت وانشرح صدرها وهي تتقهوى تنرفزت من تذكرت ان العزيمه لنيّاف وهي معتقده انها لسيف بس وانصدمت اكثر انه فعلًا بيجلس هنا شهر وخوفها يمتد لشي واحد يذكرها فالماضي وماودها ينعاد عليها وخصوصًا انها ناويه تفتح موضوع دراستها مع ابوها وماتبي اي شي يخرب عليها !
#إن_كان_ماجازت_لك_الدنيا_ندور_غيرها
أنت تقرأ
ان كان ماجازت لك الدنيا ندورلك غيرها "
Romanceمُقدمه : امشي وهمي جبل يمشي معي وين أروح ازريت اشيل الجبل وازريت لا أفارقه كل الخطاوي تعب كل الليالي جروح ارضي هجير وسمايه شمسها حارقة خايف يطول السكوت المر وأخاف أبوح ما ودي أشكي وروحي بالحزن غارقة ما غير روح التحدي في عروقي تلوح قوة صمودي ع...
