ان كان ماجازت لك الدنيا ندورلك غيرها "

بارت 6

بارت 6

اليوم التالي في مدخل الديرة بدر وفهاد مجتمعين ينتظرون سيف و نيّاف ..
وصلوا ونزلوا تحت استقبال العيال لهم بشوق
بدر دف فهاد : انقلع توك جاي من عندهم
نيّاف ضمه بشوق : بدر ماناقصني الا تتوظف عندنا وتكتمل فرحتي وما عاد اطب ذالديره لو يصير اللي يصير
بدر بعد عنه : وامك وابوك واهلك !
نيّاف بضحكة تصريفه : يمكن اخذهم معي
بدر ابتسم : ابوك ؟ ههههههههههههه تكفى يا نيّاف ماضنتي بيعتب من مجلسه حتى
نيّاف ابتسم بدون مايرد وهم يسولفون و بعد ٥ دقايق بدر باستعجال قال : الفطور عندنا تلقى ابوي بيذبحني ان تأخرت دقيقه بعد!
سيف بضحكه : بدير كان خليته غداء مالي خلق الشيبان
فهاد : لايسمعونك وانت تقول مالي خلق !
العيال : ههههههههههههههههههه
ركبوا سياراتهم متوجهين داخلين الديره مما اذهلهم استقبالهم وسلامهم عليهم من بعيد نيّاف وسيف بالنسبه لهم يعنون لهم الشي الكثير! كون ان نيّاف ضابط ويساعد عيال ديرته وسيف بعد ونفس الشي مساعدته لعيال ديرته ومشاكلهم بكل مره زرع حبه هو ونيّاف بقلوبهم ..

وصلوا وجلسوا فالدكه مع الشيبان بعد ماسلموا عليهم وهم يسألون عن احوالهم ولابد من نقاشاتهم وتذكيرهم لبعض بماضيهم لكن سرعان ماوقف مسلط بعد م احس ان كبده حامت من سواليفهم وبدر رايح يجدد القهوه قال بضحكه : ماودكم بالمكيف ! الشمس حاره
ابو مقرن بضحكه : مقبلين على الشتاء ياولدي
مسلط بمزح : لا بس شرينا مكيف صحراوي يابو مقرن لازم تشوفه عاد
وقف سيف بسرعه وهو يدق برجله لفهاد يبيه يقوم معه : ايه تكفى عاد شمس نجد ماهيب سهله!
فهاد نزل فنجاله ولحقهم بعد ما للاحظ ان ابو بدر مب معهم وفكره شارد وحتى ماعلق عليهم بس سرعان ما ابتسم داخلياً مايبيه يتكلم لان ابو بدر لسانه متبري منه وهم مايبون يحرجون بدر ومسلط ولا قادرين يردون عليه لكبر سنه ..

جهزت القهوه وهي تطق الباب اللي يفصل بين المجلس والمطبخ كون ان بدر طلع يودي الماء للشيبان ورجع وهو ياخذها منها ببتسامه : شفيتس معصبه الحين
البندري طنقرت زياده : هو فيه شي نبتسم عشانه
بدر بصوت واطي : بحاول اقنع ابوي اخذتس معي للرياض انتي اصبري بس
البندري فرحت بس بعدها سكتت بحزن : مستحيل لاتتعب نفسك
بدر تنهد وراح يقهويهم ..

#إن_كان_ماجازت_لك_الدنيا_ندور_غيرها